ശ്രീ​ന​ഗ​ർ​:​ ​ജ​മ്മു​കാ​ശ്‌​മീ​രി​ലെ​ ​ഷോ​പ്പി​യാ​നി​ൽ കനിപോര ഗ്രാമത്തിന് സമീപം സൈനിക വാഹനം മറിഞ്ഞ് മൂന്ന് സൈനികർ മരണമടഞ്ഞു. അഞ്ച് പേർക്ക് പരിക്കേറ്റു. ഇന്നലെ സെ​യ്‌​ന​പോ​ര​യി​ലെ​ ​ബ​ഡി​ഗാ​മി​ൽ​ ല​ഷ്‌​ക​ർ ഭീകരരുമായി ഏറ്റുമുട്ടൽ നടന്ന സ്ഥലത്തേക്ക് പോകും വഴിയാണ് അപകടമെന്ന് പ്രതിരോധ മന്ത്രാലയ വക്താവ് അറിയിച്ചു.

മോശം കാലാവസ്ഥയിൽ നനഞ്ഞ റോഡിൽ ഡ്രൈവർക്ക് നിയന്ത്രണം നഷ്ടമായി വാഹനം തെന്നി മറിയുകയായിരുന്നു. പരിക്കേറ്റ എട്ട് സൈനികരെയും ഷോപ്പിയാൻ ജില്ലാ ആശുപത്രിയിൽ പ്രവേശിപ്പിച്ചെങ്കിലും മൂന്ന് പേരുടെ മരണം സംഭവിക്കുകയായിരുന്നു. ഒരാൾ ചികിത്സയ്ക്ക് ശേഷം ആശുപത്രിവിട്ടു.

പ്രദേശത്ത് കല്ലേറുണ്ടായതാണ് അപകട കാരണമെന്ന് സാമൂഹ മാദ്ധ്യമങ്ങളിലും മറ്റും പ്രചരിച്ചത് പ്രതിരോധ മന്ത്രാലയം തള്ളി.

നാ​ല് ​ഭീ​ക​ര​രെ​ വ​ധി​ച്ചു

ബ​ഡി​ഗാ​മി​ൽ​ ​ന​ട​ന്ന​ ​ഏ​റ്റു​മു​ട്ട​ലി​ൽ​ ​നാ​ല് ​ല​ഷ്‌​ക​ർ ​ഭീ​ക​ര​രെയാണ്​ ​സൈ​ന്യം​ ​വ​ധി​ച്ചത്.​ ​പ്ര​ദേ​ശ​ത്ത് ​ഭീ​ക​ര​ർ​ ​ഒ​ളി​ച്ചി​രി​ക്കു​ക​യാ​ണെന്ന രഹസ്യ വിവരത്തെ ​തു​ട​ർ​ന്ന് ​തെ​ര​ച്ചി​ൽ​ ​ന​ടത്തവെ​ ​സു​ര​ക്ഷാ​ സേ​ന​യ്ക്ക് ​നേ​രെ​ ​ഭീ​ക​ര​ർ​ ​വെ​ടി​യു​തി​ത്തു.​ ​സൈ​ന്യ​ത്തി​ന്റെ​ ​ശ​ക്ത​മാ​യ​ ​തി​രി​ച്ച​ടി​യി​ലാ​ണ് ​ഭീ​ക​ര​ർ​ ​കൊ​ല്ല​പ്പെ​ട്ട​ത്.​ ​പ്ര​ദേ​ശ​മാ​കെ​ ​സൈ​ന്യം​ ​വ​ള​ഞ്ഞി​രി​ക്കു​ക​യാ​ണെ​ന്നും​ ​ഏ​റ്റു​മു​ട്ട​ൽ​ ​തു​ട​രു​ക​യാ​ണെ​ന്നും​ ​കാ​ശ്‌​മീ​ർ​ ​ഐ.​ജി​ ​ട്വീ​റ്റ് ​ചെ​യ്തു. ക​ഴി​ഞ്ഞ​ ​ദി​വ​സം​ ​കു​ൽ​ഗാ​മി​ൽ​ ​ന​ട​ന്ന​ ​ഏ​റ്റു​മു​ട്ട​ലി​ൽ​ ​ര​ണ്ട് ​ജ​യ്‌​ഷെ​ ​ഭീ​ക​ര​രെ​ ​സു​ര​ക്ഷാസേ​ന​ ​വ​ധി​ച്ചി​രു​ന്നു.​ ​ബു​ധ​നാ​ഴ്ച​ ​കു​ൽ​ഗാ​മി​ലെ​ ​ക​ക്‌​രാ​ൻ​ ​ഗ്രാ​മ​ത്തി​ൽ​ ​ഭീ​ക​ര​രു​ടെ​ ​വെ​ടി​യേ​റ്റ് ​പ്ര​ദേ​ശ​വാ​സി​യാ​യ​ ​ഡ്രൈ​വ​ർ​ ​കൊ​ല്ല​പ്പെ​ട്ടി​രു​ന്നു.