കോട്ടയം . രണ്ടാം പിണറായി വിജയൻ സർക്കാറിന്റെ ഒന്നാം വാർഷികത്തോടനുബന്ധിച്ചുള്ള ജില്ലാതല ആഘോഷങ്ങൾക്ക് തുടക്കം കുറിക്കുന്ന ഇന്ന് പതിനായിരങ്ങൾ പങ്കെടുക്കുന്ന സാംസ്‌കാരികഘോഷയാത്ര സംഘടിപ്പിക്കും. രാവിലെ 9 30ന് തിരുനക്കര മൈതാനത്തു നിന്ന് നാഗമ്പടം മൈതാനത്തേക്ക് നടത്തുന്ന ഘോഷയാത്രയിൽ ജനപ്രതിനിധികൾ, കായിക താരങ്ങൾ , കർഷകർ, സാക്ഷരതാ പ്രവർത്തകർ വായനശാലാ പ്രവർത്തകർ, സംരംഭകർ, യുവജന ക്ലബ്ബ് പ്രവർത്തകർ, കുടുംബശ്രീ പ്രവർത്തകർ, ഉദ്യോഗസ്ഥർ, പൊതുജനങ്ങൾ എന്നിവർ അണിനിരക്കും തെയ്യം, മയിലാട്ടം, ഗരുഡൻ പയറ്റ് തുടങ്ങിയ കലാരൂപങ്ങളും വിവിധ വകുപ്പുകൾ അണിയിച്ചൊരുക്കുന്ന പ്ലോട്ടുകളും ഉണ്ടാകും.