തിരുവനന്തപുരം: നിയമസഭയുടെ മാദ്ധ്യമ അവാർഡുകൾ പ്രഖ്യാപിച്ചു. ആർ. ശങ്കരനാരായണൻ തമ്പി അവാർഡിന് അച്ചടി വിഭാഗത്തിൽ ദിനേശ് വർമ്മയും (ദേശാഭിമാനി വാരിക)​ ദൃശ്യ വിഭാഗത്തിൽ അനൂപ് സി.യും (ഏഷ്യാനെറ്റ് ന്യൂസ്)​,​ഇ.കെ. നായനാർ അവാർഡിന് വി.പി.നിസാറും (മംഗളം)​,​കെ. രാജേന്ദ്രനും ( കൈരളി ടി.വി)​അർഹരായി. ജി. കാർത്തികേയൻ അവർഡ് എം.ബി.സന്തോഷിന് (മെട്രോവാർത്ത)​ ലഭിച്ചപ്പോൾ ദൃശ്യമാധ്യമ വിഭാഗത്തിൽ ഈ അവാർഡിന് അർഹമായ എൻട്രികളൊന്നും ഇല്ലായിരുന്നു. 50,​000 രൂപയും പ്രശസ്തിപത്രവും ഫലകവും അടങ്ങിയതാണ് അവാർഡ്. കെ.ജയകുമാർ ചെയർമാനായ ജൂറിയാണ് അവാർഡ് നിർണയിച്ചത്. ജൂറി അംഗമായിരുന്ന ഇ.സോമനാഥിന്റെ നിര്യാണത്തെ തുടർന്നും ആരോഗ്യപരമായ കാരണങ്ങളാൽ എൻ.പി. രാജേന്ദ്രനും ജൂറിയിൽ സന്നിഹിതരായിരുന്നില്ല. ഡോ.എൻ.പി.ചന്ദ്രശേഖരൻ, ഡോ.എസ്.ശാരദകുട്ടി,എസ്.വി.ഉണ്ണികൃഷ്ണൻനായർ എന്നിവരടങ്ങിയ സമിതിയാണ് അവാർഡ് നിർണയിച്ചത്.