ഭാവന ആദ്യമായി ഇരട്ടവേഷത്തിലെത്തുന്ന സിനിമയുടെ ചിത്രീകരണം ആരംഭിച്ചു. പിങ്ക് നോട്ട് എന്ന കന്നഡ ചിത്രത്തിലാണ് താരം ഇരട്ടവേഷത്തിലെത്തുന്നത്. ജി.എൻ രുദ്രേഷ് സംവിധാനം ചെയ്യുന്ന ചിത്രം യഥാർത്ഥ സംഭവങ്ങളെ ആസ്പദമാക്കിയാണ് ഒരുക്കിയിരിക്കുന്നത്.
ഒരുപോലെയുള്ള ഇരട്ട സഹോദരിമാരെയാണ് താൻ ഈ ചിത്രത്തിൽ അവതരിപ്പിക്കുന്നതെന്ന് ഭാവന പറഞ്ഞു. കുടുംബ ബന്ധങ്ങളുടെ വെെകാരികതയും ഉദ്വേഗജനകമായ മൂഹൂർത്തങ്ങളുമുള്ള തിരക്കഥയായതിനാലാണ് ചിത്രം ചെയ്യാൻ തീരുമാനിച്ചതെന്നും താരം വ്യക്തമാക്കി.
ജാസി ഗിഫ്റ്റാണ് ചിത്രത്തിന്റെ സംഗീതം നിർവഹിക്കുന്നത്. ചിത്രത്തിന്റെ പൂജയ്ക്കിടെയുള്ള ചിത്രങ്ങൾ ജാസി ഗിഫ്റ്റ് ഇൻസ്റ്റഗ്രാമിൽ പോസ്റ്റ് ചെയ്തിട്ടുണ്ട്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |