SignIn
Kerala Kaumudi Online
Sunday, 03 July 2022 1.54 PM IST

അഞ്ച് നൂറ്റാണ്ടുകളെങ്കിലും പഴക്കമുള്ള അപൂർവ ശിവ വിഗ്രഹത്തിന്റെ ഡീൽ ഉറപ്പിച്ചത് 25 കോടിക്ക്, എടുത്ത് വച്ചത് 'അതിസമ്പന്നരായ' തമിഴ്നാട് പൊലീസിന് മുന്നിൽ

lord-shiva-

ചെന്നൈ : അഞ്ഞൂറ് വർഷം പഴക്കമുള്ള ശിവലിംഗം 25 കോടി രൂപയ്ക്ക് വിൽപ്പനയ്ക്ക് എത്തിച്ചവരെ കുടുക്കി തമിഴ്നാട് പൊലീസ്. ലോഹ നാഗാഭരണങ്ങളോടുകൂടിയ ഏക മുഖ ലിംഗമാണ് വിൽപ്പനക്കാർ കൊണ്ടുവന്നത്. തമിഴ്നാട് പൊലീസിലെ ഐഡൽ വിംഗിലെ രഹസ്യ പോലീസുകാർ അതിസമ്പന്നരായാണ് വിഗ്രഹം വാങ്ങാൻ എത്തിയത്. ഐഡൽ വിംഗ് സിഐഡി ഡിജിപി ഡോ ജയന്ത് മുരളിയാണ് ഓപ്പറേഷന് നേതൃത്വം നൽകിയത്. അപൂർവ വിഗ്രഹം വാങ്ങാൻ താത്പര്യം അറിയിച്ച് പൊലീസ് ചെന്നൈക്കടുത്തുള്ള പൂനമല്ലെയിലെ വിൽപ്പനക്കാരെ സമീപിക്കുകയായിരുന്നു.

വാങ്ങാനെത്തിയ പൊലീസുകാരിൽ സംശയമൊന്നും തോന്നാതിരുന്ന കച്ചവടക്കാർ രഹസ്യ അറയിൽ നിന്ന് വിഗ്രഹം പുറത്തെടുത്തപ്പോൾ പിടികൂടുകയായിരുന്നു. വിഗ്രഹത്തിൽ ഡമരു, ശൂലം, പാമ്പ് മുതലായവയും തെളിഞ്ഞ് കാണാം. വിദഗ്ദ്ധരുടെ അഭിപ്രായത്തിൽ ഈ വിഗ്രഹത്തിന് 500 വർഷത്തിലേറെ പഴക്കമുണ്ട്. ഇത് നേപ്പാളിൽ നിന്നും എത്തിയതാവാമെന്നും അവർ സംശയം ഉന്നയിക്കുന്നു. കൂടുതൽ അന്വേഷണം നടത്തുന്നതായും മറ്റ് പ്രതികൾ കൂടി അറസ്റ്റിലാകുമ്പോൾ ചിത്രം തെളിയുമെന്നും പൊലീസ് പറഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, POLICE, LORD SHIVA, TAMIL, TAMIL NADU POLICE
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.