തിരുവനന്തപുരം: രണ്ടാം പിണറായി സർക്കാരിന്റെ ഒന്നാം വാർഷികമായ ഇന്ന് വിനാശത്തിന്റെ വർഷമായി ആചരിക്കാൻ യു.ഡി.എഫ്. ഇന്ന് സംസ്ഥാനത്തെ 1300 കേന്ദ്രങ്ങളിൽ വൈകുന്നേരം നാല് മുതൽ ആറ് വരെ ധർണ നടത്തും. ധർണയുടെ സംസ്ഥാനതല ഉദ്ഘാടനം പ്രതിപക്ഷ നേതാവ് വി.ഡി.സതീശൻ തൃക്കാക്കര മുനിസിപ്പാലിറ്റിയിൽ നിർവഹിക്കും.
കെ.പി.സി.സി പ്രസിഡന്റ് കെ.സുധാകരൻ എം.പി കണ്ണൂരിലും ഉമ്മൻചാണ്ടി തൃശൂരിലും രമേശ് ചെന്നിത്തല ആലപ്പുഴയിലും എം.എം.ഹസൻ, സി.പി.ജോൺ എന്നിവർ തിരുവനന്തപുരത്തും പി.കെ.കുഞ്ഞാലിക്കുട്ടി മലപ്പുറത്തും എം.കെ.മുനീർ കോഴിക്കോടും പി.ജെ.ജോസഫ് ഇടുക്കിയിലും എ.എ.അസീസ് കൊല്ലത്തും അനൂപ് ജേക്കബ് എറണാകുളത്തും മാണി.സി.കാപ്പൻ കോട്ടയത്തും ജി.ദേവരാജൻ കൊല്ലത്തും ജോൺ ജോൺ പാലക്കാട്ടും എ.എൻ.രാജൻബാബു എറണാകുളത്തും ധർണയിൽ പങ്കെടുക്കും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |