ടെന്നീസ് കോർട്ട്,​ ബാർ,​ 30000 ചതുരശ്രഅടിയിൽ പത്തേക്കറിലെ ബംഗ്ലാവ്,​ ആഡംബര മാളികയ്ക്ക് ​ ഡയാന രാജകുമാരിയുമായും ബന്ധം

സ്കോട്ട്ലൻഡിലെ തന്നെ ഏറ്റവും ചെലവേറിയ ബംഗ്ലാവ് എന്ന ഖ്യാതിയുള്ള അബർഡീൻഷെയറിലെ ഡാൽഹെബിറ്റി ഹൗസ് വില്‌പനയ്ക്ക്. 7.5 ദശലക്ഷം പൗണ്ടിന് (72 കോടി രൂപ)​ ആണ് ബംഗ്ലാവ് വില്‌പനയ്ക്ക് വച്ചിരിക്കുന്നത്. ഡയാന രാജകുമാരിയുമായുള്ള ബന്ധമാണ് വീടിനെ ശ്രദ്ധേയമാക്കുന്നത്. ഡയാനയുടെ മുത്തശ്ശിയുടെ ബംഗ്ലാവ് നിലനിന്നിരുന്ന സ്ഥലത്താണ് ഈ വീട് സ്ഥിതി ചെയ്യുന്നത്.

പത്തേക്കർ സ്ഥലത്ത് 30000 അടി സ്ക്വയർ ഫീറ്റിലാണ് ബംഗ്ലാവിന്റെ നിർമ്മാണം. എട്ടു മുറികളും ജീവനക്കാർക്കുള്ള താമസസൗകര്യവും ഇവിടെ ഒരുക്കിയിട്ടുണ്ട്. കൂടാതെ സ്പാ,​ ടെന്നീസ് കോർട്ട്,​ സ്വിമ്മിംഗ് പൂൾ,​ തടാകം എന്നിവയും വീടീന്റെ ഭാഗമാണ്. സമ്മർഹൗസും ബംഗ്ലാവിനെ കൂടുതൽ ആഡംബരപൂർണമാക്കുന്നു.

ബംഗ്ലാവിലേക്ക് പ്രവേശിക്കുമ്പോൾ അതിഥികളെ സ്വീകരിക്കുന്ന ഹാളിലെ താഴികക്കുടമുള്ള സ്റ്റെയിൻഡ് ഗ്ലാസ് കപ്പോള ആക‌ർഷണീയമാണ്.
26 അതിഥികളെ ഉൾക്കൊള്ളാവുന്ന ഡൈനിംഗ് ഹാളിൽ പാർട്ടികൾ നടത്താനും സൗകര്യമുണ്ട്. അതിഥികൾക്കും ഉടമകൾക്കും സ്റ്റീം ബാത്ത്,​. മസാജ് എന്നിവയ്ക്കുള്ള സൗകര്യമുണ്ട്. ലൈബ്രറി,​ കോക്‌ടെയിൽ ബാർ,​ റീഡിംഗ് ലോഞ്ച് എന്നിവയും ബംഗ്ലാവിന്റെ പ്രത്യേകതയാണ്.