കൊച്ചി: ജില്ലയിലെ സ്നേഹിത @ സ്കൂൾ പദ്ധതിയുടെ പ്രവർത്തനോദ്ഘാടനം 12 സ്കൂളുകളിൽ പ്രവേശനോത്സവത്തോടനുബന്ധിച്ചു നടന്നു. പഠനവുമായി ബന്ധപ്പെട്ട പ്രശ്നങ്ങളിൽ മാനസിക പിന്തുണ നൽകുക, ലിംഗസമത്വത്തെ കുറിച്ച് അവബോധം, കുടുംബ പ്രശ്നങ്ങളിൽ ബുദ്ധിമുട്ട് അനുഭവിക്കുന്ന കുട്ടികളുടെ രക്ഷിതാക്കൾക്ക് കൗൺസിലിംഗ്, മദ്ധ്യസ്ഥ ഇടപെടലിലൂടെ പരിഹരിക്കാനുള്ള ശ്രമങ്ങൾ എന്നതുൾപ്പെടെ ഒട്ടനവധി പരിപാടികൾ ഈ പദ്ധതിയോടനുബന്ധിച്ച് നടപ്പിലാക്കും. വ്യാഴാഴ്ച പ്രത്യേക ക്വിസ് മത്സരവും സംഘടിപ്പിക്കും. സ്നേഹിത ഹെൽപ് ഡെസ്ക്ക് പ്രതിനിധികൾ, കമ്മ്യൂണിറ്റി കൗൺസിലർമാർ തുടങ്ങിയവർ പദ്ധതിയെ കുറിച്ച് വിശദീകരിച്ചു. സ്നേഹിത ടോൾ ഫ്രീ നമ്പർ : 1800 4255 5678
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |