ന്യൂഡൽഹി: സ്റ്റഡി വെബ്സ് ഒഫ് ആക്ടീവ് ലേണിംഗ് ഫോർ യംഗ് ആസ്പയറിംഗ് മൈൻഡ്സ് (സ്വയം) പ്ലാറ്റ്ഫോമിൽ നടത്തുന്ന ഓൺലൈൻ കോഴ്സുകളിൽ ക്രെഡിറ്റ് ചട്ടക്കൂട് സ്വീകരിക്കണമെന്ന് യു.ജി.സി സർവകലാശാലകൾക്ക് നിർദ്ദേശം നൽകി.
2017 ൽ ആരംഭിച്ച 'സ്വയം" പ്ളാറ്റ്ഫോമിലൂടെ 2.72 കോടി പഠിതാക്കൾക്കായി 7,115 കോഴ്സുകൾ ഇതിനകം നടത്തി 11.13 ലക്ഷം സർട്ടിഫിക്കറ്റുകൾ വിതരണം ചെയ്തു. കൊവിഡ് കാലത്ത് ഏറെ പേർ ഈ പഠനസംവിധാനം ഉപയോഗപ്പെടുത്തിയിരുന്നു. സ്വയം പ്ളാറ്റ്ഫോമുകളെ കുറിച്ച് ദേശീയ, സംസ്ഥാനതലത്തിൽ കഴിഞ്ഞമാസം നടത്തിയ സർവെയിൽ 338 യൂണിവേഴ്സിറ്റികളിൽ നിന്നുള്ള 70 ശതമാനം വിദ്യാർത്ഥികളും ക്രെഡിറ്റ് രീതി വേണമെന്ന് ആവശ്യപ്പെട്ടിരുന്നു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |