SignIn
Kerala Kaumudi Online
Saturday, 27 April 2024 2.41 AM IST

ഫ്രൂട്ട് ജ്യൂസെന്ന വ്യാജേന കടത്തിയ ഹാഷിഷ് ഓയിലുമായി 6 പേർ പിടിയിൽ

p

തൃശൂർ: ഫ്രൂട്ട് ജ്യൂസ് എന്ന വ്യാജേന കടത്തുകയായിരുന്ന ഒരു കോടിയിലധികം വില വരുന്ന ഒരു കിലോ ഹാഷിഷ് ഓയിലുമായി ആറു പേർ പിടിയിൽ. കുന്നംകുളത്ത് താമസിക്കുന്ന മലപ്പുറം പാവിട്ടപ്പുറം ഇല്ലിക്കൽ വീട്ടിൽ മുഹമ്മദ് ഷഫീക്ക് (21), കുന്നംകുളം ചിറമനേങ്ങാട് താഴത്തേല വളപ്പിൽ മഹേഷ് (20), കുന്നംകുളം അഞ്ഞൂർ മുട്ടിൽ വീട്ടിൽ ശരത്ത് (23), അഞ്ഞൂർ തൊഴിയൂർ വീട്ടിൽ ജിതിൻ (21), തിരുവനന്തപുരം കിളിമാനൂർ കാട്ടൂർവിള കൊടുവയനൂർ ഡയാനാഭവനിൽ ആദർശ് (21), കൊല്ലം നിലമേൽ പുത്തൻവീട്ടിൽ വരാഗ് (20) എന്നിവരാണ് ഇന്നലെ പുലർച്ചെ മൂന്നോടെ തൃശൂർ റെയിൽവേ സ്റ്റേഷൻ പരിസരത്ത് അറസ്റ്റിലായത്.

ആന്ധ്രയിൽ നിന്നെത്തിച്ച, അതിമാരക മയക്കുമരുന്ന് ഇനത്തിലുള്ള ഹാഷിഷ് ഓയിൽ തൃശൂർ സിറ്റി പൊലീസിന്റെ ലഹരിവിരുദ്ധ വിഭാഗവും ഈസ്റ്റ് പൊലീസും ചേർന്നാണ് പിടി കൂടിയത്. കുന്നംകുളം, പെരുമ്പിലാവ്, ചാവക്കാട് മേഖലകളിൽ ലഹരിമരുന്ന് ചില്ലറ വില്പനയ്ക്കാണ് എത്തിച്ചത്. പാക്കറ്റുകൾ, പാരച്യൂട്ട് വെളിച്ചെണ്ണ കുപ്പികൾ, ഫ്‌ളാസ്‌കുകൾ എന്നിവയിൽ കടത്തിയ ഹാഷിഷ് ഓയിലിന്റെ രൂക്ഷഗന്ധം മറികടക്കാനായി സുഗന്ധ തൈലം പുരട്ടിയിരുന്നു.

തൃശൂർ സിറ്റി കമ്മിഷണർ ആർ. ആദിത്യക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ സിറ്റി പൊലീസിന്റെ ലഹരി വിരുദ്ധ വിഭാഗം നടത്തിയ ഓപ്പറേഷനിലാണ് പ്രതികൾ കുടുങ്ങിയത്. പിടിയിലായവർ ഇതിനു മുമ്പും പലതവണ ലഹരിക്കടത്തിന് പിടിക്കപ്പെട്ടിട്ടുള്ളവരാണ്. ഷഫീക്ക്, മഹേഷ് എന്നിവർ ചങ്ങരംകുളം സ്റ്റേഷൻ പരിധിയിൽ മുനീബ് എന്നയാളെ 2021ൽ കുത്തിക്കൊലപ്പെടുത്തിയ കേസിൽ പ്രധാന പ്രതികളാണ്. ശരത്ത്, വടക്കേക്കാട് സ്റ്റേഷൻ പരിധിയിൽ 2021ൽ പ്രണവ് എന്നയാളെ കുത്തിക്കൊലപ്പെടുത്താൻ ശ്രമിച്ച കേസിലെ പ്രധാന പ്രതിയാണ്. ഇവർ നിരവധി തവണ കഞ്ചാവ് കേസിലുൾപ്പെട്ടവരാണെന്ന് പൊലീസ് പറഞ്ഞു.
100 കിലോയിലധികം കഞ്ചാവ് വാറ്റുമ്പോഴാണ് വീര്യംകൂടിയ ഒരു കിലോ ഹാഷിഷ് ഓയിൽ ലഭിക്കുന്നത്. കഞ്ചാവ് കടത്തിയിരുന്ന ഇവർ അടുത്തിടെയാണ് ഹാഷിഷ് ഓയിൽ കടത്തിലേക്ക് തിരിഞ്ഞത്.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: HASHISH OIL
KERALA KAUMUDI EPAPER
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.