SignIn
Kerala Kaumudi Online
Saturday, 27 April 2024 10.13 AM IST

ബാലാവകാശ കമ്മിഷൻ അംഗം സ്‌കൂളുകൾ പരിശോധിച്ചു

school
സ്കൂ​ളു​ക​ളി​ൽ​ ​വി​ത​ര​ണം​ ​ചെ​യ്യു​ന്ന​ ​ഭ​ക്ഷ​ണ​ത്തി​ന്റെ ​ഗു​ണ​നി​ല​വാ​രം​ ​പ​രി​ശോ​ധി​ക്കു​ന്ന​തി​ന്റെ ​ഭാ​ഗ​മാ​യി​ ​മ​ല​പ്പു​റം​ ​കോ​ട്ട​പ്പ​ടി​ ​ഗ​വ.​എ​ൽ.​പി​ ​സ്കൂ​ളി​ലെ​ത്തിയ ബാ​ലാ​വ​കാ​ശ​ ​ക​മ്മിഷ​ൻ​ ​അം​ഗം​ ​സി.​ വി​ജ​യ​കു​മാ​ർ​ ​കു​ട്ടി​ക​ളോ​ടൊ​പ്പം.

മലപ്പുറം: കുട്ടികളുടെ വിദ്യാഭ്യാസ അവകാശം ഉറപ്പുവരുത്തുന്നതിന്റെ ഭാഗമായി സംസ്ഥാന ബാലാവകാശ കമ്മിഷൻ അംഗം സി. വിജയകുമാറിന്റെ നേതൃത്വത്തിലുള്ള സംഘം സ്‌കൂളുകൾ പരിശോധിച്ചു. വിദ്യാർത്ഥികൾക്ക് നൽകുന്ന ഉച്ചഭക്ഷണത്തിന്റെ ഗുണമേൻമയും സൗകര്യങ്ങളുമെല്ലാം സംഘം വിലയിരുത്തി. ഡി.ഡി.ഇ സി. രമേശ്, നൂൺ മീൽ ഓഫീസർ പി. ദിനേശ് എന്നിവരാണ് സംഘത്തിലുണ്ടായിരുന്നത്. ഉദ്യോഗസ്ഥരുടെ നേതൃത്വത്തിൽ ജില്ലയിലെ സ്‌കൂളുകളിൽ പരിശോധന നടക്കുന്നുണ്ട്. രണ്ട് ദിവസങ്ങളിലായി നടത്തിയ പരിശോധനയിൽ 150ൽ അധികം സ്‌കൂളുകളാണ് സന്ദർശിച്ചത്. അപകാത കണ്ടെത്തിയാൽ കർശന നടപടി സ്വീകരിക്കുമെന്ന് ഡി.ഡി.ഇ പറഞ്ഞു.
തൃപ്തികരമായ രീതിയിലാണ് ജില്ലയിലെ സ്‌കൂളുകളുടെ പ്രവർത്തനമെന്ന് കമ്മീഷൻ അംഗം പറഞ്ഞു. വീട്ടിലെ ജീവിതസാഹചര്യം മൂലം പഠനം നിറുത്തിയ തിരൂരിലെ സ്‌കൂൾ വിദ്യാർത്ഥിയെ വീണ്ടും സ്‌കൂളിൽ പ്രവേശിപ്പിച്ചു. കുട്ടികൾക്ക് പഠിക്കാൻ ആവശ്യമായ സൗകര്യം ഒരുക്കാൻ അധികൃതരോട് ആവശ്യപ്പെട്ടിട്ടുണ്ടെന്നും കമ്മിഷൻ അംഗം പറഞ്ഞു. കോട്ടപ്പടി ഗവ. എൽ.പി സ്‌കൂളിൽ കുട്ടികൾക്കൊപ്പം ഉച്ചഭക്ഷണം കഴിച്ചതിന് ശേഷമാണ് സംഘം മടങ്ങിയത്.

പരിശോധനയിൽ

  • കുട്ടികളുടെ പഠന സൗകര്യം
  • കൊഴിഞ്ഞ് പോക്ക്
  • ഉച്ചഭക്ഷണം തയ്യാറാക്കുന്ന രീതി
  • ശുചിത്വം
  • കുടിവെള്ളത്തിന്റെ ലഭ്യത
  • ജീവനക്കാരുടെ ശുചിത്വം
  • ധാന്യങ്ങൾ സൂക്ഷിച്ച രീതി
  • ഭക്ഷണം തയ്യാറാക്കുന്ന രീതി
  • മാലിന്യ സംസ്‌കരണം
  • പാത്രങ്ങളുടെ ശുചിത്വം

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: LOCAL NEWS, MALAPPURAM
KERALA KAUMUDI EPAPER
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.