തിരുവനന്തപുരം: ഹയർ സെക്കൻഡറി പരീക്ഷ വിജയത്തിളക്കത്തിൽ ഒന്നാമതെത്തി കോഴിക്കോട്. ജില്ലയിലെ 176 സ്കൂളുകളിലെ 36,696 കുട്ടികളിൽ 32,214 പേരും ഉപരിപഠന യോഗ്യത നേടി. 3,198 പേർ മുഴുവൻ വിഷയങ്ങൾക്കും എ പ്ലസ് നേടി. വിജയം 87.79 ശതമാനം. രണ്ടാമത് എറണാകുളമാണ്. വിജയം 87.46 ശതമാനം. 198 സ്കൂളുകളിലെ 30559 കുട്ടികൾ എഴുതിയതിൽ വിജയിച്ച 26,727 പേരിൽ 2,986 പേർ ഫുൾ എപ്ലസുകാരാണ്.
മൂന്നാമതെത്തിയ കണ്ണൂരിന്റെ വിജയശതമാനം 86. 86. 156 സ്കൂളുകളിലെ 30,240 പേർ എഴുതിയതിൽ 26,267 പേർ ഉപരിപഠന യോഗ്യത നേടി. 2,536 പേർ ഫുൾ എ പ്ലസ് നേടി. ഗൾഫ് മേഖലയിലെ എട്ട് സ്കൂളുകളിൽനിന്ന് 467 പേർ എഴുതിയതിൽ 447 പേർ യോഗ്യത നേടി. വിജയം 96. 13 ശതമാനം. ലക്ഷദ്വീപിൽ ഒമ്പത് സ്കൂളുകളിൽ നിന്നായി 959 പേർ എഴുതിയതിൽ 641 പേർ വിജയിച്ചു (66. 84%), മാഹിയിൽ ആറ് സ്കൂളുകളിലെ 670 പേർ എഴുതിയതിൽ 594 പേർ ജയിച്ചു (88. 66%).
ജില്ല തിരിച്ചുള്ള വിജയം
(സ്കൂളുകളുടെ എണ്ണം, പരീക്ഷ എഴുതിയവർ, ഉപരിപഠന യോഗ്യത നേടിയവർ, വിജയശതമാനം ക്രമത്തിൽ)
തിരുവനന്തപുരം- 174 30562 25243 82. 60 %
കൊല്ലം- 133 25746 22060 85. 68 %
പത്തനംതിട്ട- 83 11517 8743 75. 91 %
ആലപ്പുഴ- 121 22065 17532 79. 46 %
കോട്ടയം- 130 20708 16620 80.26 %
ഇടുക്കി- 80 10513 8561 81. 43 %
എറണാകുളം- 198 30559 26727 87.46 %
തൃശൂർ- 197 31571 26991 85. 49 %
പാലക്കാട്- 148 29460 23530 79. 87 %
കോഴിക്കോട്- 176 36696 32214 87.79 %
മലപ്പുറം- 243 55359 48054 86. 80 %
വയനാട്- 60 9353 7021 75. 07 %
കണ്ണൂർ- 156 30240 26267 86. 86 %
കാസർകോട്- 108 14648 11620 79. 33 %
പ്ളസ് ടു വിജയികളെഅഭിനന്ദിച്ച് മുഖ്യമന്ത്രി
തിരുവനന്തപുരം: പ്ളസ് ടു, വി.എച്ച്.എസ്.ഇ പരീക്ഷാ വിജയികളെ അഭിനന്ദിച്ച് മുഖ്യമന്ത്രി പിണറായി വിജയൻ. പരീക്ഷയെഴുതിയ മൂന്നരലക്ഷത്തോളം റഗുലർ വിദ്യാർത്ഥികളിൽ 83.87 ശതമാനം പേരും ഉപരിപഠനത്തിന് യോഗ്യത നേടിയെന്നത് അഭിമാനകരമാണ്. വി.എച്ച്.എസ്.സി വിഭാഗത്തിൽ 68.71 ആണ് വിജയശതമാനം. ഇക്കഴിഞ്ഞ അദ്ധ്യയനവർഷവും നമുക്ക് മുന്നിലുണ്ടായിരുന്ന കൊവിഡ് വെല്ലുവിളികൾ മറികടന്നുള്ള മികച്ച നേട്ടത്തിനായി പ്രവർത്തിച്ച അദ്ധ്യാപകരെയും വിദ്യാഭ്യാസവകുപ്പിനെയും രക്ഷിതാക്കളെയും അഭിനന്ദിക്കുന്നു. ഉപരിപഠനത്തിന് യോഗ്യത നേടിയ മുഴുവൻ കുട്ടികൾക്കും ആശംസകൾ നേരുന്നുവെന്നും യോഗ്യത നേടാനാവാത്തവർ നിരാശരാകാതെ അടുത്ത പരീക്ഷയിൽ പരിശ്രമം തുടരണമെന്നും മുഖ്യമന്ത്രി അഭിനന്ദന സന്ദേശത്തിൽ പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |