SignIn
Kerala Kaumudi Online
Tuesday, 16 August 2022 4.42 PM IST

സെഞ്ചുറിയോടെ വേരുറച്ച് നിന്ന് റൂട്ടും ബെയർസ്‌ട്രോയും; ചരിത്രനേട്ടം ഇന്ത്യയിൽ നിന്നും തട്ടിയെടുത്ത് ഇംഗ്ളണ്ട്

eng

ബർമിംഗ്‌ഹാം: ഇംഗ്ളണ്ടിനോട് ആധികാരികമായ പരമ്പര വിജയം എന്ന ഇന്ത്യയുടെ സ്വപ്‌നം തകർത്ത് ജോ റൂട്ടും ജോണി ബെയർസ്‌ട്രോയും. അവസാനത്തെതും നിർണായകവുമായ എഡ്‌ജ്‌ബാസ്‌റ്റണിലെ അഞ്ചാം ടെസ്‌റ്റിൽ ഇന്ത്യയ്‌ക്കെതിരെ ഏഴ് വിക്കറ്റ് വിജയം നേടി ഇംഗ്ളണ്ട് പരമ്പര 2-2ന് സമനിലയിൽ പിടിച്ചുനിർത്തി. മൂന്ന് മത്സരം വിജയിച്ച് 2007ന് ശേഷം ബ്രിട്ടീഷ് മണ്ണിൽ പരമ്പര നേടാനുള‌ള ടീം ഇന്ത്യയുടെ അവസരം തകർത്തതിനൊപ്പം 376 എന്ന വമ്പൻ ടോട്ടൽ പിന്തുടർന്ന് വിജയിച്ച് സ്വന്തം മണ്ണിൽ റെക്കാഡ് നേടാനും ഇംഗ്ളണ്ടിന് കഴിഞ്ഞു. 2001ൽ ഓസ്‌ട്രേലിയയ്‌ക്കെതിരെ 315 റൺസ് വിജയലക്ഷ്യം പിന്തുടർന്ന് നേടിയ വിജയമായിരുന്നു ഇതുവരെ അവരുടെ മികച്ച റെക്കാഡ്.

അഞ്ചാം ദിവസം മൂന്ന് വിക്കറ്റ് നഷ്‌ടത്തിൽ 259 റൺസ് എന്ന നിലയിൽ ബാറ്റിംഗ് ആരംഭിച്ച ഇംഗ്ളണ്ടിന് ഇന്ത്യൻ ബൗളർമാരിൽ നിന്നും കാര്യമായ ഭീഷണികൾ ഒന്നുമുണ്ടായില്ല. 142 റൺസോടെ റൂട്ടും 114 റൺസോടെ ബെയർസ്‌ട്രോയും ഉറച്ചുനിന്ന് നായകൻ ബുംറയടക്കം ഇന്ത്യൻ ബൗളർമാരെ തുടർച്ചയായി പ്രഹരിച്ചു. നാലാംദിനം 109 റൺസിന് മൂന്ന് എന്ന നിലയിൽ ഒന്നിച്ച ഇരുവരുടെയും കൂട്ടുകെട്ടിൽ 269 റൺസ് അടിച്ചെടുത്തു.

സെഞ്ചുറി തികച്ച ശേഷം തുടർച്ചയായി ബൗണ്ടറികൾ പറത്തി റൂട്ട് ആക്രമണോത്സുക ബാറ്റിംഗ് ആണ് പുറത്തെടുത്തത്. ഒടുവിൽ സിറാജിനെ റിവേഴ്‌സ് സ്വീപ് ചെയ്‌ത് റൂട്ട് വിജയ റൺ നേടിയെടുത്തു. പരമ്പരയിലെ താരങ്ങളായി 737 റൺസ് നേടിയ ജോ റൂട്ടിനെയും 23 വിക്കറ്റുകൾ നേടിയ ബുംറയെയും തിരഞ്ഞെടുത്തു. മത്സരത്തിലെ താരം ബെയർസ്‌ട്രോയാണ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, SPORTS, INDIA ENGLAND, TEST SERIES, ENG WON
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.