കൊച്ചി: ചരിത്രമെഴുതുന്നവരാണ് സമൂഹത്തിന്റെ ഭൂതകാലത്തെ നിർണയിക്കുന്നതെന്നും അതിനാൽ പൊതുബോധത്തെ ശരിയായ ദിശയിലേക്കു നയിക്കുന്നതിൽ ചരിത്രഗവേഷകർക്ക് നിർണായക പങ്കുണ്ടെന്നും മദ്രാസ് ഇൻസ്റ്റിറ്റ്യൂട്ട് ഒഫ് ഡെവലപ്‌മെന്റ് സ്റ്റഡീസ് പ്രൊഫസർ ഡോ. എ. ആർ. വെങ്കിടാചലപതി പറഞ്ഞു.

കാലടി ശ്രീശങ്കരാചാര്യ സംസ്‌കൃത സർവകലാശാലയിലെ ചരിത്രവിഭാഗം സംഘടിപ്പിച്ച യുവഗവേഷകരുടെ ദ്വിദിന ദേശീയ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

ചരിത്ര വിഭാഗം അദ്ധ്യക്ഷ ഡോ. കെ. എം. ഷീബ, ഡോ. സൂസൻ തോമസ്, ഡോ. എൻ.ജെ. ഫ്രാൻസിസ്, ഡോ. സെന്തിൽ ബാബു ദണ്ഡപാണി എന്നിവർ സംസാരിച്ചു.