അങ്കമാലി : മലയാള കലാകാരന്മാരുടെ കൂട്ടായ്മയായ നന്മയുടെ എറണാകുളം ജില്ലാ സമ്മേളനം ഇന്ന് സമാപിക്കും . ജില്ലാ സമ്മേളനത്തിന്റെ ഭാഗമായി വെള്ളിയാഴ്ച നവോത്ഥാന നായകൻ വി ടി ഭട്ടതിരിപ്പാടിന്റെ സ്മൃതി മണ്ഡപത്തിൽ നിന്നും ദീപശിഖ ഘോഷയാത്രയും നാടകാചാര്യൻ എം എസ് വാര്യരുടെ ഭവനത്തിൽ നിന്നും പതാക ഘോഷയാത്രയും സംഘടിപ്പിച്ചു .ഘോഷയാത്രകൾക്ക് വി വി സന്തോഷ് , ആന്റണി സോളോ എന്നിവർ നേതൃത്വം നൽകി . ഇന്നലെ അങ്കമാലി സി.എസ്.എ ഓഡിറ്റോറിയത്തിൽ കലയും കലാകാരനും സമകാലിക പ്രതിസന്ധിയും എന്ന വിഷയത്തെ ആസ്പദമാക്കി നടത്തിയ സെമിനാർ മുൻ മന്ത്രി ജോസ് തെറ്റയിൽ ഉദ്ഘാടനം ചെയയ്തു. ദിനേശ് പുലിമുഖത്ത് വിഷയാവതരണം നടത്തി . ഡോക്ടർ സന്തോഷ് തോമസ് , അജിത് കുമാർ ഗോതുരുത്ത് , ജെയ്ക്കബ് നായത്തോട് എന്നിവർ ചർച്ചയിൽ പങ്കെടുത്തു . ഞായറാഴ്ച രാവിലെ 10ന് നടക്കുന്ന പ്രതിനിധി സമ്മേളനം സംഗീത നാടക അക്കാദമി അക്ടിംഗ് ചെയർമാൻ സേവ്യർ പുൽപ്പാട്ട് ഉദ്ഘാടനം ചെയ്യും .നന്മ ജില്ലാ പ്രസിഡൻ്റ് ജോളി പൈക്കാട് അദ്ധ്യക്ഷത വഹിക്കും . ഞായറാഴ്ച രാവിലെ 10ന് നടക്കുന്ന പ്രതിനിധി സമ്മേളനം സംഗീത നാടക അക്കാദമി ആക്ടിംഗ്ക്ടിംഗ് ചെയർമാൻ സേവ്യർ പുൽപ്പാട്ട് ഉദ്ഘാടനം ചെയ്യും . കെ ടി സുനിൽ കുമാർ , വി വി സന്തോഷ് , മനോമോഹൻ , എൻ എൻ ആർ കുമാർ , ബിജു മാണക്യമംഗലം , രമാദേവി ടീച്ചർ , എൻ സി സജീവൻ തുടങ്ങിയവർ സംസാരിക്കും. വിവിധ അവാർഡ് ജേതാക്കളെ ചടങ്ങിൽ അനുമോദിക്കും.