SignIn
Kerala Kaumudi Online
Tuesday, 06 December 2022 3.53 PM IST

ലക്ഷങ്ങൾ നൽകി വാങ്ങിച്ചത് മര്യാദയ്ക്ക് കളിക്കാനാണ്; ഐ പി എല്ലിൽ പൂജ്യത്തിന് പുറത്തായതിന് ടീം ഉടമ കരണത്തടിച്ചെന്ന് റോസ് ടെയ്‌ലർ

ross-taylor

വെല്ലിംഗ്‌ടൺ: ഐ പി എൽ മത്സരത്തിനിടെ ഒരിക്കൽ പൂജ്യത്തിന് പുറത്തായതിന് ഐ പി എൽ ഉടമ കരണത്തടിച്ചതായി ന്യൂസിലാൻഡ് താരം റോസ് ടെയ്‌ല‌ർ. 'ബ്ളാക്ക് ആൻഡ് വൈറ്റ്' എന്ന തന്റെ ആത്മകഥയിലാണ് റോസ് ടെയ്‌ലറിന്റെ ഞെട്ടിക്കുന്ന വെളിപ്പെടുത്തൽ. രാജസ്ഥാൻ റോയൽസിന് കളിക്കുന്ന അവസരത്തലാണ് തനിക്ക് ഇത്തരമൊരു അനുഭവം നേരിട്ടതെന്നും സംഭവം നടക്കുമ്പോൾ ഷെയ്ൻ വോണും കാമുകി ലിസ് ഹ‌ർളിയും തന്റെ സമീപത്ത് ഉണ്ടായിരുന്നതായും റോസ് ടെയ്‌ലർ വെളിപ്പെടുത്തി.

പഞ്ചാബ് കിംഗ്സിനെതിരായ മത്സരത്തിന് ശേഷമായിരുന്നു സംഭവം. ആദ്യം ബാറ്റ് ചെയ്ത പഞ്ചാബ് ഉയർത്തിയ വിജയലക്ഷ്യമായ 195 റൺസ് പിന്തുടരുന്നതിനിടയിൽ രാജസ്ഥാൻ റോയൽസിന് വേണ്ടി ബാറ്റിംഗിന് ഇറങ്ങിയ റോസ് ടെയ്‌ലർ റണ്ണൊന്നുമെടുക്കാതെ പുറത്തായി. മത്സരത്തിന് ശേഷം താരങ്ങൾ താമസിക്കുന്ന ഹോട്ടലിന്റെ റൂഫ് ടോപ്പ് ബാറിൽ വച്ച് ടീം ഉടമ തന്റെ കരണത്ത് മൂന്ന് നാലു തവണ അടിക്കുകയും നിങ്ങൾക്ക് ലക്ഷങ്ങൾ തന്ന് ടീമിൽ എടുത്തിരിക്കുന്നത് ഇങ്ങനെ പൂജ്യത്തിന് പുറത്താകാനല്ലെന്നും ഉടമ പറഞ്ഞതായി ടെയ്‌ലർ പുസ്തകത്തിൽ കുറിച്ചു.

ഉടമ കാര്യമായിട്ട് ആണോ അതോ തമാശയ്ക്ക് ആണോ തന്റെ കരണത്ത് അടിച്ചതെന്ന് കാര്യത്തിൽ തനിക്ക് ഇപ്പോഴും ഉറപ്പില്ലെന്നും അടിച്ച ശേഷം ടീം ഉടമ ചിരിക്കുകയായിരുന്നെന്നും ടെയ്‌ലർ പറഞ്ഞു. മറ്റ് പ്രൊഫഷണൽ ക്രിക്കറ്റർമാർക്ക് ഇത്തരം അനുഭവങ്ങൾ നേരത്തെ ഉണ്ടായിട്ടുണ്ടോ എന്ന് തനിക്കറിയില്ലെന്നും ഏതായാലും തന്നെ സംബന്ധിച്ച് ഇത്തരമൊരു അനുഭവം ആദ്യമായിട്ടായിരുന്നു എന്നും റോസ് ടെയ്‌ലർ വ്യക്തമാക്കി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, SPORTS, ROSS TAYLOR, IPL, CRICKET, NEWZEALAND
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.