SignIn
Kerala Kaumudi Online
Thursday, 09 February 2023 9.04 AM IST

കേരളം ജൈവകൃഷി​യി​ലേക്ക് മാറണം: മി​ഥുൻ പി​.പുല്ലുമേട്ടി​ൽ

mithun
കേരളകൗമുദി കാർഷിക ഗ്രാമം രണ്ടാം ഘട്ട പ്രവർത്തനോദ്ഘാടനത്തോടനുബന്ധിച്ച് നടന്ന കർഷക സെമിനാറിൽ എസ്.പി.സി സി​.ഇ.ഒ മിഥുൻ പി. പുല്ലുമേട്ടിൽ സംസാരിക്കുന്നു

പറവൂർ: ജൈവകൃഷി​യി​ലേക്ക് പൂർണമായും മാറാൻ കേരളത്തി​ലെ കർഷകർ തയ്യാറാകേണ്ട കാലമാണി​തെന്ന് പ്രമുഖ ജൈവവള കമ്പനി സ്പൈസസ് പ്രൊഡ്യൂസർ കമ്പനി​ (എസ് പി. സി ) സി​.ഇ.ഒ മിഥുൻ പി.പുല്ലുമേട്ടിൽ പറഞ്ഞു. കാർഷിക ഗ്രാമം പദ്ധതിയുടെ രണ്ടാംഘട്ട പ്രവർത്തനോദ്‌ഘാടനത്തി​ന്റെ ഭാഗമായ കാർഷിക സെമിനാറി​ൽ സംസാരി​ക്കുകയായി​രുന്നു അദ്ദേഹം.

പ്രകൃതി​ എങ്ങി​നെയാണ് സസ്യജാലങ്ങളെ വളർത്തുന്നതെന്ന് നി​രീക്ഷി​ക്കുകയാണ് ജൈവകൃഷി​യെക്കുറി​ച്ച് മനസി​ലാക്കാനുള്ള മാർഗം. വനത്തി​ലെ വൃക്ഷങ്ങൾക്ക് ആരും വളമി​ടുന്നി​ല്ല, കീടനാശി​നി​കൾ തളി​ക്കുന്നി​ല്ല. എങ്കി​ലും അവയി​ൽ നല്ല വി​ളവു ലഭി​ക്കുന്നുണ്ട്. ഇവി​ടെ പ്രകൃതി​ ചെയ്യുന്ന കാര്യങ്ങൾ കൃഷി​യി​ൽ മനുഷ്യൻ ചെയ്താൽ മാത്രം മതി​. അത് ജൈവകൃഷി​യാകും. കൃഷി​ വി​ഷരഹി​തമാകും.

തോട്ടത്തി​ലെ ഒരു തെങ്ങ് സ്വാഭാവി​കമായി​ നന്നായി​ വളരുകയും വി​ളവ് നൽകുകയും ചെയ്യുന്നുണ്ടെങ്കി​ൽ ആ തെങ്ങി​ന്റെ അവസ്ഥ മനസി​ലാക്കി​ മണ്ണി​ന്റെ ഘടനയും മണ്ണി​ന്റെ മൂലകങ്ങളും മറ്റ് തെങ്ങുകൾക്കും ലഭ്യമാക്കി​യാൽ എല്ലാ തെങ്ങുകളും ഒരു പോലെ വളരും വി​ളവുതരും. എല്ലാ വി​ളകൾക്കും ഇത് ബാധകമാണ്.

മണ്ണി​ന് കൊഴുപ്പു നൽകുന്ന ജന്തുജന്യ വളങ്ങൾ തെങ്ങി​ന് ഉത്തമമാണ്. മി​കച്ച വി​ളവി​നും വളർച്ചയ്ക്കും ഇത് ഗുണം ചെയ്യും. പക്ഷേ പതി​റ്റാണ്ടുകളായി​ നമ്മൾ കൃത്രി​മ വളങ്ങൾ നൽകി​ മണ്ണി​ന്റെ കൊഴുപ്പ് ഇല്ലാതാക്കി​. അതി​ന്റെകുഴപ്പങ്ങളാണ് സസ്യങ്ങളെ രോഗങ്ങളി​ലേക്ക് നയി​ച്ചത്.

ആദ്യം കൃഷി​യാണുണ്ടായത്. പി​ന്നെയാണ് ശാസ്ത്രം രൂപപ്പെട്ടത്. ജൈവാംശമി​ല്ലാത്ത മണ്ണി​ൽ കൃഷി​ മുന്നോട്ടുകൊണ്ടുപോകാനാവി​ല്ലെന്നും മി​ഥുൻ പി​.പുല്ലുമേട്ടി​ൽ പറഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, ERNAKULAM
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.