കോട്ടയം. ഫയൽ തീർപ്പാക്കൽ യജ്ഞത്തിന്റെ ഭാഗമായി ഓഡിറ്റ് വകുപ്പും തദ്ദേശ സ്വയംഭരണ വകുപ്പും സംയുക്തമായി നടത്തിയ ഓഡിറ്റ് അദാലത്ത് സമാപിച്ചു. 71 ഗ്രാമപഞ്ചായത്തുകളേയും ഉൾപ്പെടുത്തിയാണ് അദാലത്ത് നടത്തിയത്. 244 ഓഡിറ്റ് റിപ്പോർട്ടുകൾ തീർപ്പാക്കി. ഓഡിറ്റ് റിക്കവറി ഇനത്തിൽ 57,65,586 രൂപ ഈടാക്കി. 2014- 2015 വർഷം വരെയുള്ള ഓഡിറ്റ് റിപ്പോർട്ടുകളിലുള്ള ഓഡിറ്റ് പരാമർശങ്ങൾ അദാലത്തിൽ പരിഗണിച്ചു. സീനിയർ ഡെപ്യൂട്ടി ഡയറക്ടർ എസ്.ഷൈജു, ഡെപ്യൂട്ടി ഡയറക്ടർ സി.ആർ.ബീനാകുമാരി, പഞ്ചായത്ത് അസിസ്റ്റന്റ് ഡയറക്ടർ പി.രാജേഷ്കുമാർ, സൂപ്പർവൈസർമാരായ ജോണി മാത്യു, എം.എൻ.ജയ്ജീവ്, സി.ആർ.പ്രസാദ്, മാത്യു കെ.ഡാനിയേൽ എന്നിവർ നേതൃത്വം നൽകി.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |