വൈപ്പിൻ: പള്ളിപ്പുറം ക്ഷീരോത്പ്ദക സഹകരണ സംഘം തിരുവോണത്തോടനുബന്ധിച്ച് പാലുത്പാദക പ്രോത്സാഹന പദ്ധതിയുടെ ഭാഗമായി അംഗങ്ങൾക്ക് ഓണക്കോടിയും ഓണക്കിറ്റും നൽകി. കെ.എൻ ഉണ്ണികൃഷ്ണൻ എം.എൽ.എ. ഉദ്ഘാടനം ചെയ്തു. സംഘം പ്രസിഡന്റ് സി.എച്ച്. ഗോപാലകൃഷ്ണൻ അദ്ധ്യക്ഷത വഹിച്ചു. വൈസ് പ്രസിഡന്റ് കെ.സി. ഗോപാലകൃഷ്ണൻ, ബ്ലോക്ക് പഞ്ചായത്തംഗം സുബോധ ഷാജി, പഞ്ചായത്തംഗം രാധിക സതീഷ്, വൈപ്പിൻ ക്ഷീര വികസന ഓഫീസർ കെ.എസ് .ബിന്ധുജ, സംഘം സെക്രട്ടറി ജീമോൻ ലാസർ എന്നിവർ സംസാരി​ച്ചു.