പുതിയ വീട് നിർമ്മിക്കുമ്പോൾ ഫർണിച്ചറുകളും പുതിയത് വാങ്ങാനാണ് എല്ലാവരും ശ്രമിക്കുക. ഫർണിച്ചറിൽ ഒരിക്കലും ഒഴിവാക്കാനാകാത്ത ഒന്നാണ് കിടക്ക. എന്നാൽ ഒരു കിടക്ക തിരഞ്ഞെടുക്കുന്നതിലും ശ്രദ്ധ വേണം. ആഡംബരം നോക്കാതെ വീട്ടുകാരുടെ ആവശ്യവും സൗകര്യവും പരിഗണിച്ചായിരിക്കമം കിടക്ക തിരഞ്ഞെടുക്കേണ്ടത്.
കിടക്കുമ്പോൾ നിങ്ങളുടെ നട്ടെല്ലിനെ ആയാസ രഹിതമായി താങ്ങിനിറുത്താൻ സാധിക്കുന്ന കിടക്കയായിരിക്കണം എന്നതാണ് ഓർക്കേണ്ട ഒരു പ്രധാന കാര്യം. കിടക്കയിൽ ഉറങ്ങുന്നതിന്റെ രീതി, സ്ഥാനം, ശരീര പ്രകൃതി, വ്യക്തിഗത മുൻഗണനകൾ എന്നിവയെല്ലാം കിടക്കയുടെ തിരഞ്ഞെടുപ്പിൽ നിർണായക പങ്ക് വഹിക്കുന്നുണ്ട്.
ഇവ കൂടാതെ വില, സൗകര്യം, ഈട്, ഉറക്ക പ്രശ്നങ്ങൾ എന്നിവയും പരിഗണിക്കേണ്ടതുണ്ട്. മെമ്മറി ഫോമും ഇന്റർസ്പ്രിംഗ് കിടക്കകളും ഏറ്റവും ജനപ്രിയമായതാണ്. എങ്കിലും ഏതു തരം കിടക്ക വേണമെന്നതിന് വ്യക്തിഗത മുൻഗണനകൾ കൂടിയുണ്ട്.
ശാരീരിക സമ്മർദ്ദത്തിന് ആശ്വാസം നൽകുന്നതാണ് മെമ്മറി ഫോം മെത്തകൾ. അവ നിങ്ങളുടെ ശരീരവുമായി പൊരുത്തപ്പെടുകയും മർദ്ദം കുറയ്ക്കുകയും ചെയ്യുന്നു. ഫോം കിടക്കകളിൽ കിടക്കുന്നത് തൊട്ടിലിൽ കിടക്കുന്നതുപോലെ അനുഭവപ്പെടാം. ഈ മെത്തകൾ സൈഡ് സ്ലീപ്പർമാർക്കും നടുവേദനയുള്ളവർക്കും അനുയോജ്യമാണ്. കാരണം തോളിലും ഇടുപ്പിലുമുള്ള സമ്മർദ്ദം കുറച്ച് നട്ടെല്ലിന് അനുയോജ്യമായ വിന്യാസത്തിൽ ഇതിൽ കിടക്കാൻ സഹായിക്കുന്നു.
മോഷൻ ഐസൊലേഷനും അവ സഹായിക്കുന്നു. അതിനാൽ നിങ്ങളോടൊപ്പം ഉറങ്ങുന്ന പങ്കാളിയുടെ ചലനം നിങ്ങൾക്ക് അനുഭവപ്പെടാനുള്ള സാധ്യത കുറവാണ്. ഈ കിടക്കകളുടെ പ്രത്യേകത അടിയിൽ ഉറച്ച ഫോമും, സുഖകരമായ കിടത്തതിന് മുകളിൽ മൃദുവായ ഫോമിന്റെ പാളികളും ചേർത്തിരിക്കുന്നുവെന്നതാണ്. മെമ്മറി ഫോമിന്റെ ഒരു പോരായ്മ, ചൂട് കാലാവസ്ഥയിൽ കിടക്കയും ചൂടാകുന്നു. എങ്കിലും ഇപ്പോൾ പല ബ്രാൻഡുകളും അമിതമായി ചൂടാകുന്നത് തടയാൻ കിടക്കകളിൽ ബിൽറ്റ്ഇൻ കൂളിംഗ് സവിശേഷതകൾ വാഗ്ദാനം ചെയ്യുന്നു.
ലാറ്റക്സ് മെത്തകൾ മെമ്മറി ഫോമിനോട് സാമ്യമുള്ളവയാണ്. പക്ഷേ ലാറ്റക്സ്, റബ്ബറിൽ നിന്നാണ് നിർമ്മിച്ചിരിക്കുന്നത് എന്നതുക്കൊണ്ട് ഇത് ഓർഗാനിക് മെത്തയാണ്. മെമ്മറി ഫോമിനെക്കാളും വിലയേറിയതാണ് ലാറ്റെക്സ് കിടക്കകൾ. ഈ കിടക്കകൾ അധികം ബൗൺസി ആയിരിക്കില്ല. ഷോപ്പിംഗ് നടത്തുമ്പോൾ ശ്രദ്ധിക്കേണ്ട ഒരു കാര്യം, ലാറ്റക്സ് പ്രധാനമായും രണ്ട് തരം ലാറ്റക്സ് ഉണ്ട്: ഒന്ന് ഡൺലോപ്പ്, ഇത് പലപ്പോഴും സാന്ദ്രമാണ്. രണ്ടാമത്തേത് തലാലെ, ഇത് കുറച്ചുക്കൂടി മൃദുവായതായി തോന്നിയേക്കാം
ഇന്നർസ്പ്രിംഗ് കിടക്കകൾ സ്റ്റീൽ കോയിലുകൾ കൊണ്ടാണ് നിർമ്മിച്ചിരിക്കുന്നത്. അതിനാൽ കൂടുതൽ ദൃഢമായ ഈ കിടക്കകൾ കൂടുതൽ ബൗൺസ് നൽകുന്നു. നട്ടെല്ലിന് വിന്യസിക്കാൻ പാകത്തിൽ ദൃഢമായ പ്രതലത്തിൽ മലർന്ന് കിടക്കുന്നവർക്കും കമിഴ്ന്ന് കിടക്കുന്നവർക്കും ഇത് അനുയോജ്യമാണ്. ഈ കിടക്കകൾ വാങ്ങുമ്പോൾ കോയിൽ ഗേജും കോയിൽ കൗണ്ടും പരിഗണിക്കുക.
ഉരുക്ക് എത്ര കട്ടിയുള്ളതാണെന്ന് കോയിൽ ഗേജിൽ നിന്ന് മനസ്സിലാക്കാം. ഇത് സാധാരണയായി 1215 വരെയാണ്. കുറഞ്ഞ സംഖ്യ അർത്ഥമാക്കുന്നത് കിടക്ക് കൂടുതൽ ദൃഢവും കൂടുതൽ മോടിയുള്ളതുമാണ് എന്നാണ്. മെത്തയിലെ കോയിലുകളുടെ എണ്ണം, കോയിൽ കൗണ്ടിലൂടെ മനസ്സിലാക്കാം. ഒരു ഗുണനിലവാരമുള്ള മോഡലിന് ക്വീൻ സൈസിൽ കുറഞ്ഞത് 400 കോയിലുകളെങ്കിലും ഉണ്ടായിരിക്കും.
ഹൈബ്രിഡ് മെത്തകൾ മെമ്മറി ഫോമും ലാറ്റക്സ് അല്ലെങ്കിൽ ഇന്നർസ്പ്രിംഗ് കിടക്കകളുടെ സംയോജനമാണ്. കിടക്കയ്ക്കടിയിൽ കോയിലുകൾ ഉണ്ടായിരിക്കും. മർദ്ദം കുറയ്ക്കുന്നതിനായി ഫോമിന്റെ പാളികൾ മുകളിലുണ്ടാകും. വിപണിയിലെ പല സങ്കരയിനങ്ങളും പ്രത്യേകിച്ച് ബെഡ്ഇൻഎബോക്സ് മോഡലുകൾ കിടക്കുമ്പോൾ ഫോം കിടക്കകളോട് വളരെ സാമ്യമുള്ളതായി തോന്നും. ഇത്തരം മെത്തകൾ കൂടുതൽ ചെലവേറിയതും വളരെ ഭാരമേറിയതായിരിക്കും.
അഡ്ജസ്റ്റബിൾ കിടക്കകൾ അത്ര സാധാരണമായി കാണപ്പെടുന്നതല്ല. ഇത്തരം കിടക്കകളിൽ മെത്തകളുടെ ദൃഢത നിയന്ത്രിക്കാൻ നിങ്ങളെ അനുവദിക്കുന്ന എയർ ചേമ്പറുകൾ ഉണ്ട്. കിടക്കകളിൽ വ്യത്യസ്ത മുൻഗണനകളുള്ള ദമ്പതികൾക്ക് ഇവ ഉപയോഗപ്രദമാണ്. അഡ്ജസ്റ്റബിൾ കിടക്കകൾ വിലയേറിയതാണ്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |