പാലക്കാട്: ജില്ലയിലെ വിവിധ സ്‌കൂളുകളിൽ നിന്നുള്ള വിദ്യാർത്ഥികൾ, സംഘടനാ പ്രവർത്തകർ, ജനപ്രതിനിധികൾ, ഉദ്യോഗസ്ഥർ എന്നിവർ അണിനിരന്ന് 'ലഹരിക്കെതിരെ പോരാടാൻ ഞങ്ങളുണ്ട് കൂടെ' എന്ന ലഹരിവിരുദ്ധ സന്ദേശം ആലേഖനം ചെയ്ത 1000 ബലൂണുകൾ മന്ത്രിമാരായ എം.ബി. രാജേഷിന്റെയും കെ. കൃഷ്ണൻകുട്ടിയുടെയും സാന്നിദ്ധ്യത്തിൽ ഉയർത്തും. ഒക്‌ടോബർ രണ്ടിന് രാവിലെ 10.30ന് കോട്ടമൈതാനത്ത് രക്തസാക്ഷി മണ്ഡപത്തിന് അടുത്താണ് പരിപാടി. ഇതോട് അനുബന്ധിച്ച് രാവിലെ 9.30 മുതൽ ലഹരിവിരുദ്ധ സ്‌കിറ്റുകൾ ഉണ്ടാകും.