അഫ്താബിന് ഇന്ന് നർക്കോ ടെസ്റ്റ് നടന്നേക്കും

ന്യൂഡൽഹി: പങ്കാളിയെ ശ്വാസം മുട്ടിച്ചു കൊന്ന കേസിലെ പ്രതി അഫ്താബ് അമീൻ പൂനവാലയുടെ നാർക്കോ ടെസ്റ്റ് ഇന്ന് നടന്നേക്കും. ഡൽഹിയിലെ ഡോ. ബാബ സാഹിബ് അംബേദ്ക്കർ ഹോസ്പിറ്റലിലാണ് ടെസ്റ്റ്. അഫ്താബ് നിരന്തരമായി മൊഴി മാറ്റുന്നതിനെ തുടർന്നാണ് ഡൽഹി സാകേത് കോടതി നാർക്കോ ടെസ്റ്റിന് അനുമതി നൽകിയത്. കൊല്ലപ്പെട്ട

ശ്രദ്ധയുടെ തല മൈതാൻ ഗർഹിയിലെ വലിയ കുളത്തിലെറിഞ്ഞതായി പൊലീസിന് വ്യക്തമായി. ഈ കുളത്തിൽ പരിശോധന നടത്താൻ നഗരസഭയുടെ സംഘം സ്ഥലത്തെത്തി. വനമേഖലയിൽ നടത്തിയ തെരച്ചിലിൽ 17 അസ്ഥികളും പൊലീസ് കണ്ടെടുത്തു. അഫ്താബ് വാടകക്കെടുത്ത ഫ്ലാറ്റിൽ ഇന്നലെ പൊലീസ് കൊലപാതക രംഗം പുനഃസൃഷ്ടിച്ചു.