കോഴിക്കോട്: മിഠായി പദ്ധതിയിലൂടെ സർക്കാർ വാഗ്ദാനം നൽകിയ ചികിത്സാ സഹായങ്ങൾ നടപ്പിലാക്കണമെന്ന് ആവശ്യപ്പെട്ട് ടൈപ്പ് 1 പ്രമേഹബാധിതരായ 300 ഓളം കുട്ടികളും അവരുടെ രക്ഷിതാക്കളും പ്രതിഷേധ റാലിയും കളക്ടറേറ്റിന് മുന്നിൽ സൂചനാസമരവും നടത്തി. നജീബ് കാന്തപുരം എം.എൽ.എ സമരം ഉദ്ഘാടനം ചെയ്തു. പ്രമേഹബാധിതരായ കുഞ്ഞുങ്ങൾക്ക് വേണ്ടി ആവിഷ്കരിച്ച സമഗ്ര പദ്ധതിയാണ് "മിഠായി" . സൊസൈറ്റി പ്രസിഡന്റ് ടി. ആർ വിജേഷ് അദ്ധ്യക്ഷത വഹിച്ചു. ജില്ലാ സെക്രട്ടറി ഷാന സി.ഡി സ്വാഗതവും സൊസൈറ്റി വൈസ് പ്രസിഡന്റ് ശ്രീകാന്ത് തളിയിൽമന നന്ദിയും പറഞ്ഞു. സൊസൈറ്റി ജനറൽ സെക്രട്ടറി അബ്ദുൽ ജലീൽ പ്രസംഗിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |