തലയോലപ്പറമ്പ്: മറവൻതുരുത്ത് സ്ട്രീറ്റ് പദ്ധതിയുടെ ഭാഗമായി തയാറാക്കിയ ആർട്ട് സ്ട്രീറ്റിൽ താലൂക്കിലെ വിവിധ സ്കൂളിലെ കുട്ടികൾ നടത്തിയ ചുവർചിത്രരചനാ മത്സരത്തിൽ വിജയിച്ചവരെയും പങ്കെടുത്തവരെയും അനുമോദിച്ചു. വാട്ടർ സ്ട്രീറ്റിന് ഗ്ലോബൽ അവാർഡ് നേടിയ മറവൻതുരുത്ത് പഞ്ചായത്ത് ഭരണസമിതിയെയും നേതൃത്വം നൽകിയ ഉത്തരവാദിത്ത ടൂറിസം മിഷൻ സംസ്ഥാന കോഓർഡിനേറ്റർ കെ.രൂപേഷ് കുമാറിനെയും ആദരിച്ചു. കുലശേഖരമംഗലം ഉത്തരവാദിത്ത ടൂറിസം ക്ലബിന്റെ നേതൃത്വത്തിൽ സംഘടിപ്പിച്ച സമ്മേളനം വിപ്ലവഗായിക പി.കെ.മേദിനി ഉദ്ഘാടനം ചെയ്തു. മറവൻതുരുത്ത് പഞ്ചായത്ത് പ്രസിഡന്റ് കെ.ബി.രമ അദ്ധ്യക്ഷത വഹിച്ചു. ജില്ലാ പഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ പി.എസ്.പുഷ്പമണിയും, കുട്ടികൾക്കുള്ള സമ്മാനവിതരണം കെ.രൂപേഷ് കുമാറും നിർവഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് പി.ആർ സലില, സ്റ്റാൻഡിംഗ് കമ്മിറ്റി ചെയർപേഴ്സൺ സുഷമ സന്തോഷ്, ഗ്രാമപഞ്ചായത്ത് വൈസ് പ്രസിഡന്റ് വി.ടി.പ്രതാപൻ, സ്റ്റാൻഡിംഗ് കമ്മിറ്റി ചെയർപേഴ്സൺമാരായ സീമ ബിനു, ബിന്ദു പ്രദീപ്, ബി.ഷിജു, വാർഡ് മെമ്പർ പോൾ തോമസ്, ടൂറിസം ക്ലബ് പ്രസിഡന്റ് ടി.കെ.സുവർണൻ, സെക്രട്ടറി കെ.ജി.വിജയൻ, കെ.ശെൽവരാജ്, പി.ജി.ജയചന്ദ്രൻ, എസ്.അരുൺകുമാർ എന്നിവർ പങ്കെടുത്തു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |