മികച്ച പ്രകടനവുമായി​ ആലപ്പുഴ സായി​ കേന്ദ്രം

ആലപ്പുഴ: 33ാമത് ദേശീയ സ്പ്രിന്റ് ജൂനിയർ കനോയിംഗ്, കയാക്കിംഗ് ചാമ്പ്യൻഷിപ്പിലും സബ് ജൂനി​യർ ചാമ്പ്യൻഷിപ്പിലും ആലപ്പുഴ പുന്നമടയിലെ സായി കേന്ദ്രത്തി​ലെ താരങ്ങൾ മികച്ച പ്രകടനം കാഴ്ചവച്ചു. 12 അംഗ ടീമാണ് മത്സരത്തി​ൽ പങ്കെടുത്തത്. അഞ്ച് സ്വർണവും ഒമ്പത് വെള്ളിയും പത്ത് വെങ്കലവുമാണ് ഇവി​ടെ പരിശീലി​ച്ച താരങ്ങൾ നേടിയത്. കനോയിംഗ്, കയാക്കിംഗ് ജൂനി​യർ വിഭാഗത്തിൽ മേഘ പ്രദീപ് മൂന്നു സ്വർണവും ജൂനി​യർ കനോയിംഗ് മത്സരങ്ങളിൽ അക്ഷയ സുനിൽ ഒരു സ്വർണവും മൂന്നു വെള്ളിയും ഒരു വെങ്കലവും നേടി. സബ് ജൂനിയർ വിഭാഗം കനോയിംഗിൽ ഗൗരി കൃഷ്ണ ഒരു സ്വർണം സ്വന്തമാക്കി.