നെടുമങ്ങാട്: നെടുമങ്ങാട് മാർക്കറ്റ് ജംഗ്ഷനിലെ കടയിൽ നടത്തിയ റെയ്ഡിൽ വൻ തോതിൽ നിരോധിത പുകയില ഉത്പന്നങ്ങൾ പിടികൂടി.കട നടത്തുന്ന കൊപ്പം അമീന മൻസിലിൽ എച്ച്.അഷറഫിനെതിരെ (56) നിയമ നടപടി സ്വീകരിച്ചു. കടയിൽ നിന്ന് 7 കിലോയോളം പാൻമസാലയാണ് പിടിച്ചെടുത്തത്.

കടയുടെ മറവിൽ സ്കൂൾ കുട്ടികൾക്ക് ഉൾപ്പെടെ വൻതോതിൽ പാൻമസാല വിൽക്കുന്നുവെന്ന് വിവരം ലഭിച്ചതിനെ തുടർന്നാണ് പരിശോധന നടത്തിയത്.പരിശോധനയിൽ സർക്കിൾ ഇൻസ്‌പെക്ടർ ബി.ആർ.സുരൂപിനൊപ്പം ഇൻസ്‌പെക്ടർ നവാസ്,പ്രിവന്റീവ് ഓഫിസർ അനിൽകുമാർ,സിവിൽ എക്സൈസ് ഓഫീസർമാരായ ഷജീം,ശ്രീകേഷ്,ഷജീർ,മിലാദ്,നജുമുദീൻ,ശ്രീകാന്ത്,രജിത,ഡ്രൈവർ മുനീർ എന്നിവർ പങ്കെടുത്തു.