SignIn
Kerala Kaumudi Online
Sunday, 31 August 2025 12.10 PM IST

സംക്രമപൂജ മുഹൂർത്തം അടിസ്ഥാനമാക്കി:തന്ത്രി

Increase Font Size Decrease Font Size Print Page
kerala

ശബരിമല:കലണ്ടർ പ്രകാരം മകരം ഒന്ന് ​ ജനുവരി 15നാണെങ്കിലും സൂര്യൻ ധനുരാശിയിൽ നിന്ന് മകരം രാശിയിലേക്ക് കടക്കുന്നത് ജനുവരി14ന് രാത്രി 8.45നാണെന്നും അതുകൊണ്ടാണ് ആ സമയത്ത് മകരവിളക്കിന്റെ ഭാഗമായ സംക്രമ പൂജ നടത്തുന്നതെന്നും തന്ത്രി കണ്ഠര് രാജീവരര് കേരളകൗമുദിയോട് പറഞ്ഞു.

12ന് പന്തളം കൊട്ടാരത്തിൽ നിന്ന് ഘോഷയാത്രയായി കൊണ്ടുവരുന്ന തിരുവാഭരണം ചാർത്തി 14 ന് വൈകിട്ട് 6.30 ന് ദീപാരാധന നടക്കും. ഈ സമയം ആകാശത്ത് മകര നക്ഷത്രം ദൃശ്യമാകും. പിന്നാലെ പൊന്നമ്പലമേട്ടിൽ മകരജ്യോതി തെളിയും.

തിരുവാഭരണം ചാർത്തിയുള്ള ദീപാരാധനയ്ക്ക് ശേഷമാണ് ഇത്തവണ മകരസംക്രമ പൂജയും സംക്രമാഭിഷേകവും.

സംക്രമശേഷം രാത്രി 11.30 വരെ ദർശനം ഉണ്ടായിരിക്കും.

മകര സംക്രമപൂജയിൽ കവടിയാർ കൊട്ടാരത്തിൽ നിന്ന് പ്രത്യേക ദൂതൻ വശം കൊടുത്തയയ്ക്കുന്ന മുദ്ര യിലെ നെയ്യാണ് വിഗ്രഹത്തിൽ അഭിഷേകം ചെയ്യുക. മകരവിളക്കിന് മുന്നോടിയായുള്ള ശുദ്ധിക്രിയകൾ 12,13 തീയതികളിൽ നടക്കും. 12ന് പ്രാസാദ ശുദ്ധിയും 13ന് ബിംബശുദ്ധിയും നടക്കും. 14ന് രാത്രി മാളികപ്പുറത്ത് നിന്ന് എഴുന്നെള്ളത്തുണ്ടാകും. 15 മുതൽ 19 വരെ പടിപൂജ. 18ന് കളഭം.18 വരെയാണ് അഭിഷേകം. 19 ന് ഗുരുതി. 19 വരെ മാത്രമേ ഭക്തർക്ക് ദർശനം ഉണ്ടാകു. 20 ന് രാവിലെ പന്തളം രാജപ്രതിനിധിയുടെ ദർശനത്തിന് ശേഷം മകരവിളക്ക് തീർത്ഥാടനം പൂർത്തിയാക്കി നട അടയ്ക്കും

TAGS: 1
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
KERALA KAUMUDI EPAPER
Kaumudi Salt & Pepper
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.