തിരുവനന്തപുരം: കോഴിക്കോട് നടന്ന 61-ാമത് സംസ്ഥാന സ്കൂൾ കലോത്സവത്തിലെ വിവിധ ഇനങ്ങൾ ഉൾപ്പെടുത്തിക്കൊണ്ടുള്ള ഒരു വർഷം നീണ്ടു നിൽക്കുന്ന പ്രത്യേക സംപ്രേഷണ പരിപാടി കൈറ്റ് വിക്ടേഴ്സ് ചാനലിൽ നാളെ ആരംഭിക്കും. അടുത്ത സംസ്ഥാന സ്കൂൾ കലോത്സവം വരെ സംപ്രേഷണം നീണ്ടുനിൽക്കും. 30 മിനിറ്റ് ദൈർഘ്യമുള്ള എപ്പിസോഡുകൾ എല്ലാ ദിവസവും രാവിലെ 6.30നും വൈകിട്ട് ഏഴിനുമാണ് സംപ്രേഷണം. പുനഃസംപ്രേഷണം കൈറ്റ് വിക്ടേഴ്സ് പ്ലസിൽ അടുത്ത ദിവസം ഇതേ സമയം. നാടകം,ഗസൽ,മൈം,മോണോആക്ട്,ലളിത സംഗീതം,പഞ്ചവാദ്യം,ഉപകരണ സംഗീതം,നൃത്തം തുടങ്ങിയ മത്സര ഇനങ്ങൾ ഇതിൽ ഉൾപ്പെടുത്തിയിട്ടുണ്ട്. കൈറ്റ് വിക്ടേഴ്സിന്റെ youtube.com/itsvicters ചാനലിലും victers.kite.kerala.gov.inലും വിക്ടേഴ്സ് ആപ്പിലും ലഭ്യമാകും.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |