SignIn
Kerala Kaumudi Online
Friday, 01 March 2024 3.05 AM IST

വിമാനം തകരുന്നതിന് തൊട്ടുമുമ്പ് ഫേസ്ബുക്ക് ലൈവ്; കത്തിയമരുന്നതിന്റെ ദൃശ്യങ്ങൾ പുറത്ത്, പകർത്തിയത് ഇന്ത്യക്കാരനായ യാത്രികൻ

sonu

ന്യൂഡൽഹി: നേപ്പാളിലെ പൊഖാറയിൽ കഴിഞ്ഞ ദിവസമുണ്ടായ വിമാനാപകടത്തിന് തൊട്ടുമുമ്പുള്ള ദൃശ്യങ്ങൾ പുറത്ത്. അപകടത്തിൽ മരിച്ച ഇന്ത്യക്കാരിൽ ഒരാൾ വിമാനം ലാൻഡ് ചെയ്യുന്നതിന് തൊട്ടുമുമ്പ് ഫേസ്ബുക്ക് ലൈവ് വന്നിരുന്നു. വിമാനം തകരുന്നതും തീപിടിക്കുന്നതും യാത്രക്കാർ കരയുന്നതും ദൃശ്യങ്ങളിൽ കാണാം. വിമാന അവശിഷ്ടങ്ങളിൽ നിന്ന് കണ്ടെടുത്ത മൊബൈൽ ഫോണിൽ നിന്നാണ് ഈ ദൃശ്യങ്ങൾ ലഭിച്ചത്.

അപകടത്തിൽ ഉത്തർപ്രദേശ് സ്വദേശികളായ അഞ്ചുപേർ കൊല്ലപ്പെട്ടിരുന്നു. അവരിലൊരാളായ സോനു ജയ്സ്വാൾ എന്നയാളാണ് വിമാനം തകരുന്നതിന് മുമ്പ് ഫേസ്ബുക്ക് ലൈവിൽ വന്നത്. അദ്ദേഹത്തിന്റെ ഫേസ്ബുക്ക് അക്കൗണ്ടിലും ഈ ദൃശ്യങ്ങൾ കാണാം. എന്നാൽ ഈ വീഡിയോയുടെ ആധികാരികതയെ പറ്റി ഔദ്യോഗിക സ്ഥിരീകരണം വന്നിട്ടില്ല. വിമാനത്തിനുള്ളിലിരിക്കുന്ന യാത്രക്കാരും താഴെയുള്ള നഗരവും വീഡിയോയിലുണ്ട്. വിൻഡോ സീറ്റിലിരുന്നാണ് ഇത് പകർത്തിയിരിക്കുന്നത്. പെട്ടെന്ന് വിമാനം ചരിയുന്നതും പിന്നീട് തീ കത്തുന്നതും മാത്രമാണ് ദൃശ്യങ്ങളിലുള്ളത്.

ലാൻഡ് ചെയ്യുന്നതിന് തൊട്ടുമുമ്പുള്ള വിമാനത്തിന്റെ ദൃശ്യങ്ങൾ നേരത്തേ പുറത്തുവന്നിരുന്നു. വിമാനത്താവളത്തിനടുത്തുള്ള വീട്ടുകാരിൽ ആരോ പകർത്തിയ ദൃശ്യങ്ങളായിരുന്നു അത്. വിമാനം പെട്ടെന്ന് ഇടതുവശത്തേക്ക് ചരിയുകയും തലകീഴായി മറിയുകയും ചെയ്യുന്നത് ആ വീഡിയോയിൽ കാണാമായിരുന്നു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: NEWS 360, WORLD, WORLD NEWS, SONU, FACEBOOK LIVE, NEPPAL AIRCRAFT CRASH, AEROPLANE CLASH, NEPAL ACCIDENT, NEPAL CRASH, CAPTURED BY PASSENGER, DURING FACEBOOK LIVE, FROM PLANE
KERALA KAUMUDI EPAPER
TRENDING IN NEWS 360
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.