യുവ കർഷകരുടെ സ്റ്റാർട്ട് അപ്പുകൾക്ക് പ്രത്യേക ഫണ്ട്, 157  പുതിയ  നഴ്സിംഗ്  കോളേജുകൾ; യുവാക്കൾക്ക് പ്രതീക്ഷയേകി ബഡ്ജറ്റ്

ന്യൂഡൽഹി: യുവകർഷകരുടെ സ്റ്റാർട്ട് അപ്പുകൾക്ക് പ്രത്യേക ഫണ്ട് പ്രഖ്യാപിച്ച് ധനമന്ത്രി നിർമല സീതാരാമൻ. പ്രധാനമന്ത്രി കൗശാൽ വികാസ് യോജന വഴി യുവാക്കൾക്ക് അടുത്ത വർഷം തൊഴിൽ പരിശീലനം നൽകുമെന്നും ബഡ്ജറ്റ് അവതരണ വേളയിൽ ധനമന്ത്രി അറിയിച്ചു.

വളർച്ചയ്‌ക്കും തൊഴിലവസരം സൃഷ്ടിക്കുന്നതിനും പ്രചോദനം നൽകും. വിവിധ സംസ്ഥാനങ്ങളിലായി ഇരുപത് നൈപുണ്യവികസന കേന്ദ്രങ്ങൾ തുറക്കും. കാർഷിക വായ്പ ലക്ഷ്യം 20 ലക്ഷം കോടിയായി ഉയർത്തുമെന്നും ധനമന്ത്രി അറിയിച്ചു. സ്വാതന്ത്ര്യത്തിന്റെ നൂറാം വാർഷികം ലക്ഷ്യമിട്ടുള്ള ബ‌ഡ്ജറ്റാണിതെന്നും മന്ത്രി വ്യക്തമാക്കി.

ആദിവാസി മേഖലയിൽ 748 ഏകലവ്യ മോഡൽ സ്കൂളുകൾ സ്ഥാപിക്കും. 157 പുതിയ നഴ്സിംഗ് കോളേജുകൾ ആരംഭിക്കും. കുട്ടികൾക്കും, കൗമാരക്കാർക്കുമായി നാഷണൽ ഡിജിറ്റൽ ലൈബ്രറി സ്ഥാപിക്കുമെന്നും ഇതിനായി സംസ്ഥാനങ്ങൾക്ക് പോത്സാഹനം നൽകുമെന്നും മന്ത്രി അറിയിച്ചു. രണ്ടാം മോദി സർക്കാരിന്റെ അവസാന സമ്പൂർണ ബജറ്റാണിത്.