അശ്വതി: അദ്ധ്വാനത്തിനനുസരിച്ച് പ്രതിഫലം ലഭിക്കില്ല. വളരെക്കാലമായി കണ്ടുമുട്ടാനാഗ്രഹിക്കുന്നവരെ കണ്ടുമുട്ടും. സഹോദരസ്ഥാനീയരിൽ നിന്ന് ദോഷാനുഭവം.
ഭരണി : ദമ്പതികൾ ഐക്യതയോടെ കഴിയും. സന്താനങ്ങൾ മാതാപിതാക്കളെയും മുതിർന്ന വ്യക്തികളെയും അനുസരിക്കുകയും ബഹുമാനിക്കുകയും ചെയ്യും.
കാർത്തിക: ലഹരിപദാർത്ഥങ്ങളിൽ അമിത താത്പര്യം. വിദേശയാത്രമൂലം ഗുണാനുഭവം. കലാകായികരംഗത്ത് നേട്ടങ്ങൾ കൊയ്യാൻ കഴിയും.
രോഹിണി: സഹപ്രവർത്തകരിൽ നിന്ന് സഹായം ലഭിക്കും. വിശേഷ സ്ഥാനമാനപ്രാപ്തി, ഭോജനസൗഖ്യം, ബന്ധുജന സമാഗമം, വിരുന്നുസത്കാരങ്ങളിൽ പങ്കെടുക്കും.
മകയിരം: വിദ്വൽസദസുകളിൽ പങ്കെടുക്കും, തസ്കരഭയം,അഭ്യാസ നൈപുണ്യം ബോദ്ധ്യപ്പെടുത്തൽ.
തിരുവാതിര: ദൂരദേശഗമനം, തീർത്ഥാടനം, വഞ്ചനയിലകപ്പെടൽ, പൊതുവേദികളിൽ പ്രത്യക്ഷപ്പെടുന്നതിനു അവസരം ലഭിക്കും
.
പുണർതം: രഹസ്യപ്രവർത്തനങ്ങളിലേർപ്പെടും. സൗന്ദര്യവർദ്ധനകേന്ദ്രങ്ങൾ സന്ദർശിക്കുകയും സൗന്ദര്യമുണ്ടാക്കാനുള്ള സാമഗ്രികൾ വാങ്ങിക്കുകയും ചെയ്യും.
പൂയം: പ്രഗത്ഭരുടെ കലാപരിപാടികൾ ആസ്വദിക്കും, കുടുംബം നടത്തിപ്പിൽ ക്രമക്കേടുണ്ടെന്ന വാദത്തിൽ പങ്കുവഹിക്കും. ലഹരിപദാർത്ഥങ്ങളോട് താത്പര്യം വർദ്ധിക്കും.
ആയില്യം: അകാരണമായി ഹർജി കൊടുത്ത് അയൽക്കാരെ ശല്യം ചെയ്യും. സന്താനങ്ങളുടെ വിവാഹം നടത്താൻ പറ്റിയ അവസരം.
മകം: ജന്മദിനാഘോഷ പരിപാടികളിൽ പങ്കെടുക്കും. വളരെക്കാലമായി കാണാനാഗ്രഹിക്കുന്നവരെ കണ്ടുമുട്ടും. കലാസാഹിത്യ പ്രവർത്തനം മൂലം ഗുണാനുഭവം.
പൂരം: മാദ്ധ്യമങ്ങളിൽ ശോഭിക്കൽ, പുരസ്കാരലബ്ധി, സർക്കാരിൽ നിന്ന് നടപടി, ഗുരുജനപ്രീതി,
ഉത്രം: വാഗ്വാദങ്ങളിൽ ഏർപ്പെടുകയും അതിൽ വിജയിക്കുകയും ചെയ്യും. പുതിയ ഗൃഹോപകരണങ്ങൾ വാങ്ങിക്കും, ശത്രുക്കൾ വർദ്ധിക്കും.
അത്തം: സന്താനങ്ങളുടെ അഭ്യുന്നതിക്ക് വേണ്ടി അശ്രാന്ത പരിശ്രമം ചെയ്യും. പൂരാഘോഷ പരിപാടികളിൽ കുടുംബസമേതം പങ്കെടുക്കും. വിവാഹാദി മംഗളകർമ്മങ്ങൾക്ക് സാദ്ധ്യത.
ചിത്തിര: സന്താനഭാഗ്യം. രാഷ്ട്രീയരംഗത്ത് പ്രവർത്തിക്കുന്നവർക്ക് വിമർശനങ്ങളെയും ഭീഷണികളെയും നേരിടേണ്ടിവരും. വിശ്വാസവഞ്ചനയ്ക്ക് പാത്രമാകും.
ചോതി: പൊതുപ്രവർത്തനം പ്രതിഫലേച്ഛ കൂടാതെ നടത്തും. സംഗീത, സാഹിത്യസദസുകളിൽ സാന്നിദ്ധ്യം വഹിക്കും. ആരോഗ്യത്തിൽ കൂടുതൽ ശ്രദ്ധിക്കുക.
വിശാഖം: സഹോദരസ്ഥാനീയരിൽ നിന്ന് ഗുണാനുഭവം. അഭ്യുദയകാംക്ഷികളിൽ നിന്ന് സഹായസഹകരണം. അന്ധവിശ്വാസങ്ങൾക്കടിമപ്പെടും.
അനിഴം: അനാവശ്യയാത്ര, സഹപാഠികളിൽ നിന്ന് പ്രശംസ ലഭിക്കും, സാഹസിക കാര്യങ്ങൾ ചെയ്യും, ഉദ്യോഗസ്ഥർക്ക് ഇഷ്ടപ്പെട്ട സ്ഥലത്തേക്ക് മാറ്റം.
തൃക്കേട്ട: വിവാഹപ്രായമായിട്ടും വിവാഹം നടക്കാത്തവരിൽ വിവാഹാദികാര്യങ്ങളിൽ തീരുമാനമുണ്ടാകും. അപകടങ്ങളിൽ നിന്ന് അത്ഭുതകരമാംവിധം രക്ഷപ്പെടും. ഭൃത്യജനങ്ങളിൽ നിന്ന് സഹായസഹകരണം.
മൂലം: ചിരകാലാഭിലാഷം പൂവണിയും. ആശുപത്രിവാസം വേണ്ടിവരും. ഏറ്റെടുത്ത കരാർ ജോലി കൃത്യസമയത്ത് ചെയ്തുതീർക്കാൻ കഴിയാതെ വരും.
പൂരാടം: പ്രദർശനശാലകൾ സന്ദർശിക്കും. സൗന്ദര്യവർദ്ധക കേന്ദ്രങ്ങൾ സന്ദർശിക്കും, ആഡംബര വസ്തുക്കൾക്കായി നല്ല തുക ചെലവഴിക്കും.
ഉത്രാടം: ദേഹക്ഷതം, ശത്രുശല്യം, അസൂയക്കാരിൽ നിന്നും അയൽക്കാരിൽ നിന്നും ശല്യം, വിദേശ യാത്ര നീട്ടിവയ്ക്കൽ, ലഹരിപദാർത്ഥങ്ങളോട് താത്പര്യകുറവ്.
തിരുവോണം: സഹജമായ കഴിവുകൾ പ്രദർശിപ്പിക്കാനുള്ള അവസരം ലഭിക്കും. പ്രഗത്ഭരുടെ വിരുന്നുസത്കാരങ്ങളിൽ പങ്കെടുക്കും.
അവിട്ടം: ചലച്ചിത്രമേഖലയിൽ പ്രവർത്തിക്കാൻ ക്ഷണം ലഭിക്കും. മൃഗങ്ങളിൽ നിന്നും കീടങ്ങളിൽ നിന്നും ശല്യമുണ്ടാകാനിടയുണ്ട്.
ചതയം: ശിശുക്കൾക്ക് വയറിളക്കം, കഫജ്വരം, തൊണ്ടവേദന, ചെങ്കണ്ണ് ഇവയിൽ ചിലത് പിടിപെടാൻ സാദ്ധ്യത. ഏറ്റെടുത്ത കാര്യം നിർവഹിക്കാൻ കഴിയാത്തതിൽ ദുഃഖം, വസ്തു, വാഹന ലാഭം.
പൂരുരുട്ടാതി: രാഷ്ട്രീയപരമായി ഉന്നത സ്ഥാനം ലഭിക്കും. ഉദ്യോഗാർത്ഥികൾക്ക് ചോദ്യങ്ങൾക്ക് ശരിയായി ഉത്തരം എഴുതാൻ കഴിയാത്ത അവസ്ഥ. ഉന്നതതല വ്യക്തികളെ യാദൃശ്ചികമായി കണ്ടുമുട്ടാനിടവരും.
ഉത്രട്ടാതി: സാഹിത്യപ്രവർത്തനങ്ങളിൽ ഏർപ്പെടും. മാനസികോല്ലാസത്തിനു വേണ്ടിയുള്ള പ്രവർത്തനങ്ങൾ നടത്തും. ലഭിക്കുമെന്നു കരുതിയിരുന്ന ബഹുമതി നഷ്ടപ്പെടും. സത്സംഗം, വിലപിടിപ്പുള്ള വസ്തുക്കൾ കൈമോശം വരിക എന്നിവ ഫലമാകുന്നു.
രേവതി: സുഹൃദ്ബന്ധങ്ങൾ ഉലയും. പുണ്യദേവാലയങ്ങൾ സന്ദർശിക്കും. എഴുത്തുകുത്തുകൾ മൂലം ഗുണാനുഭവം.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |