മലപ്പുറം മൈലപ്പുറം മാലിന്യ സംഭരണ കേന്ദ്രത്തിൽ തീപ്പിടിച്ചപ്പോൾ അണയ്ക്കാനായി വാട്ടർ പൈപ്പ് കൊണ്ടുപോകുന്ന അഗ്നിശമന സേന

മലപ്പുറം മൈലപ്പുറം മാലിന്യ സംഭരണ കേന്ദ്രത്തിൽ തീപ്പിടിച്ചപ്പോൾ അണയ്ക്കാൻ ശ്രമിക്കുന്ന അഗ്നിശമന സേന

തിരുവനന്തപുരം ശ്രീചിത്ര തിരുനാൾ ഇൻസ്റ്റിറ്റ്യൂട്ട് ഫോർ മെഡിക്കൽ സയൻസ് ആൻഡ് ടെക്‌നോളജിയിൽ പ്രധാനമന്ത്രി സ്വസ്ത്യ സുരക്ഷാ യോജന പദ്ധതിപ്രകാരം നിർമ്മിച്ച പുതിയ ബ്ലോക്കിന്റെ ഉദ്‌ഘാടന ചടങ്ങിൽ പങ്കെടുക്കാനെത്തിയ ശശി തരൂർ എം.പിക്ക് കണ്ണിന് അസ്വസ്ഥ അനുഭവപ്പെട്ടപ്പോൾ പ്രൈവറ്റ് സെക്രട്ടറി വേദിയിലെത്തിച്ച മരുന്ന് മാറിപ്പോയപ്പോൾ. കേന്ദ്രമന്ത്രി സുരേഷ് ഗോപി സംഘാടകരോട് ശരിയായ മരുന്ന് കൊണ്ടുവരാൻ നിർദ്ദേശിക്കുന്നു. അല്പസമയത്തിനകം വേദിയിലെത്തിച്ച മരുന്ന് കണ്ണിലൊഴിക്കുന്ന ശശി തരൂർ. കേന്ദ്രമന്ത്രി ഡോ ജിതേന്ദ്ര സിംഗ് സമീപം

അ ആന...കഴിഞ്ഞ ദിവസം മസ്തകത്തിൽ മുറിവേറ്റ് അതിരപ്പള്ളി വനമേഖലയിൽ നിന്നും പിടികൂടിയ കുട്ടിക്കൊമ്പനെ കാണാൻ വലിയ തിരക്കാണ് കോടനാട് ആന പരിപാലന കേന്ദ്രത്തിൽ. എന്നാൽ ചികിത്സയുടെ ഭാഗമായി പരിപാലിക്കുന്ന സ്ഥലത്തേക്ക് കർശന നിയന്ത്രണമാണ് ഏർപ്പെടുത്തിയിരിക്കുന്നത്. അഭയാരണ്യത്തിലെ സ്ഥിരം താമസക്കാരിയായ ആശ എന്ന ആനയെ കണ്ടു നിൽക്കുന്ന അച്ഛനും മകളും

വന്യമൃഗ ആക്രമങ്ങൾക്കെതിരെ ശാശ്വത പരിഹാരം ആവശ്യപ്പെട്ട് കർഷക യൂണിയൻ (എം) സംസ്ഥാന പ്രസിഡന്റ് രജി കുന്നംകോടിന്റെ നേതൃത്വത്തിൽ നടന്ന ഏജീസ് ഓഫിസ് മാർച്ചിൽ ശവമഞ്ചം തോളിലേറ്റി വരുന്ന പ്രവർത്തകർ

നിശാഗന്ധി നൃത്തോത്സവത്തിൽ സുജാത മൊഹപത്ര അവതരിപ്പിച്ച ഒഡീസി നൃത്തം

ആശാവർക്കർമാരുടെ വേതന കുടിശിക ഉടനടി തീർത്ത് നൽകണമെന്നുൾപ്പടെയുള്ള ആവശ്യങ്ങൾ ഉന്നയിച്ച് സെക്രട്ടേറിയറ്റിന് മുന്നിൽ കേരള ആശ ഹെൽത്ത് വർക്കേഴ്‌സ് അസോസിയേഷന്റെ നേതൃത്വത്തിൽ നടക്കുന്ന രാപ്പകൽ സമരത്തിൽ ധനകാര്യ മന്ത്രിയുടെ കോലമേന്തി ജനകീയ വിചാരണയ്ക്കിടെയുണ്ടായ ട്രാഫിക്ക് ബ്ലോക്കിൽ സമരം ചെയ്യുന്ന ആശമാരെ കൗതുകത്തോടെ വീക്ഷിക്കുന്ന വിദേശ വനിത

പൊതിച്ചോർ ജോർ... എസ്.എഫ്.ഐ 35ആമത് സംസ്ഥാന സമ്മേളനത്തിന്റെ ഭാഗമായി തിരുവനന്തപുരം സെൻട്രൽ സ്റ്റേഡിയത്തിൽ നടന്ന പൊതുസമ്മേളനത്തിന്റെ ഉദ്‌ഘാടന ചടങ്ങിൽ മുഖ്യമന്ത്രി പിണറായി വിജയൻ പ്രസംഗിക്കവേ വേദിക്ക് മുന്നിൽ മദ്യപിച്ചെത്തിയ ആനാട് സ്വദേശി യേശുദാസ് പൊതിച്ചോറിനെ പറ്റി പറയാൻ ആവശ്യപ്പെടുന്നു. ഇയാളെ മുഖ്യമന്ത്രി വേദി വിട്ട ശേഷം പൊലീസ് അറസ്റ്റ് ചെയ്തു. സി.പി.എം സംസ്ഥാന കമ്മിറ്റി അംഗം എം. വിജയകുമാർ, എസ്.എഫ്.ഐ ജനറൽ സെക്രട്ടറി മയൂഖ് ബിശ്വാസ്, അഖിലേന്ത്യാ പ്രസിഡന്റ് വി. പി.സാനു, അഖിലേന്ത്യാ ജോയിന്റ് സെക്രട്ടറി ആദർശ് എം.സജി, സംസ്ഥാന പ്രസിഡന്റ് കെ.അനുശ്രീ, സംസ്ഥാന സെക്രട്ടറി പി. ആർഷോ എന്നിവർ വേദിയിൽ