നൂറ്റാണ്ടുകളുടെ പാരമ്പര്യമുള്ള തോൽപ്പാവക്കൂത്തിന്റെ വെള്ളിത്തിരയിൽ കളിവിളക്കിന്റെ വെളിച്ചത്തിൽ ലോക ഫുട്ബാൾ താരങ്ങളായ മെസിയും ക്രിസ്ത്യാനോ റൊണാൾഡോയും നെയ്മറും. തോൽപ്പാവക്കൂത്ത് കലാകാരൻ രാജീവ് പുലവരും സംഘവുമാണ് ജനപ്രിയ താരങ്ങളെ അരങ്ങിലെത്തിച്ചപ്പോൾ.

അറിവറിഞ്ഞ്... ഇന്ന് അന്താരാഷ്ട്ര വായനാദിനം. ഇരുപത്തിയഞ്ച് വർഷങ്ങളായി പാതയോരത്ത് പുസ്തക വില്പന നടത്തി ഉപജീവനം നടത്തുന്ന തിരുവനന്തപുരം സ്വദേശി ഹബീബ് റഹ്മാൻ കോട്ടയം നാഗമ്പടത്തെ പുസ്തക വിൽപ്പന ശാലയിൽ വായനയിൽ മുഴുകിയപ്പോൾ. തൻറെ ഗ്രന്ഥശാലയിൽ എത്തുന്ന വായനക്കാർക്ക് പുസ്തകത്തിന്റെ ഉള്ളടക്കം വിശദീകരിച്ച് നൽകി കച്ചവടം നടത്തുന്നതിനാൽ കടയിൽ കൊണ്ടുവരുന്ന പുസ്തകങ്ങൾ വായിച്ച് മനസ്സിലാക്കുക എന്നതാണ് ഹബീബിന്റെ പ്രധാന ഹോബി.

കാത്ത് കാത്ത് കനത്ത മഴ...കാലവർഷം ശക്തിപ്രാപിച്ചിരിക്കെ കോട്ടയത്ത് പെയ്ത കനത്ത മഴയിൽ നിന്നുള്ള കാഴ്ച.

ക്യാമ്പസ് കിക്ക്... ഫിഫ വേൾഡ് കപ്പിന്റെ ഭാഗമായി കോട്ടയം സി.എം.എസ് കോളേജിന് മുന്നിൽ ബ്രസീൽ താരം നെയ്മറിന്റെ കട്ട് ഔട്ട് സ്ഥാപിച്ച് ആഘോഷം പങ്കിടുന്ന വിദ്യാർത്ഥികൾ.

തലപ്പത്ത് പന്ത്... ഫിഫ ഫുട്ബാൾ ലോകകപ്പിന്റെ പ്രചരണാർത്ഥം കോട്ടയം ബേക്കർ മെമ്മോറിയൽ ഗേൾസ് എച്ച്.എസ്.എസിൽ സംഘടിപ്പിച്ച 'കിക്കോഫ്' പരിപാടിയിൽ ഫുട്ബാൾ ഹെഡ് ചെയ്യുന്ന വിദ്യാർത്ഥിനി

പകർച്ചവ്യാധി പ്രതിരോധ പ്രവർത്തനത്തിൻ്റെ ഭാഗമായി സംസ്ഥാനത്ത് ഡ്രൈഡേ ആചരിക്കുന്നതിനെ തുടർന്ന് സ്‌കൂൾ പരിസരം വൃത്തിയാക്കുന്ന വിദ്യാർത്ഥിനികൾ തൃശൂർ ഗവ.മോഡൽ ഗേൾസ് സ്‌കൂളിൽ നിന്നൊരു ദൃശ്യം

തൃശൂർ അയ്യന്തോൾ ഗവ.സ്‌കൂളിൽ സംഘടിപ്പിച്ച വായനാദിനത്തിൻ്റെ  ജില്ലാതല ഉദ്ഘാടന ചടങ്ങിൽ സ്‌കൂളിൽ തയ്യറാക്കിയ കൈയ്യെഴുത്ത് പ്രതിയുടെ എഡിറ്ററെ അഭിനന്ദിക്കുന്ന കളക്ടർ ശിഖ സുരേന്ദ്രൻ ഡെപ്യൂട്ടി മേയർ എ. പ്രസാദ് തുടങ്ങിയവർ സമീപം

മഴയത്തൊരു കാപ്പി ..... രണ്ട് ദിവസത്തെ തെളിച്ചത്തിന് ശേഷം ഇന്ന് രാവിലെ പെട്ടന്ന് പെയ്ത ശക്തമായ മഴയത്ത് സൈക്കിളിൽ കാപ്പി വിൽക്കാൻ പോകുന്നയാൾ.കോട്ടയം നഗരത്തിൽ നിന്നുള്ള കാഴ്ച