അസുഖം കാരണം രണ്ട് കാൽപാദങ്ങളും മുറിച്ചു മാറ്റിയ ഭാര്യ മൈമൂനയെ ഉന്തുവണ്ടിയിലിരുത്തി ഭർത്താവ് രാജൻ അമ്പലങ്ങളും പള്ളികളും കൊച്ചിയിലെ നഗരപ്രദേശങ്ങളും സന്ദർശിക്കുന്നതിനിടയിൽ എറണാകുളത്തപ്പൻ ഗ്രൗണ്ടിനു സമീപത്തെ ഗാന്ധി പ്രതിമയിൽ പ്രാർത്ഥിക്കുന്ന കാഴ്ച്ച. ഇവർ കാസർഗോഡ് സ്വദേശികളാണ്

കാഴ്ചക്കാർക്ക് കൗതുകം പകരാൻ മിണ്ടാപ്രാണികളെ ബലിയാടാക്കേണ്ടതുണ്ടോ? ഒട്ടകങ്ങളുടെ ജീവിതസാഹചര്യത്തിന് യോജിച്ചതല്ല കേരളമെങ്കിലും സഫാരിക്കായി കടപ്പുറങ്ങളിൽ ഇവയെ കാണാൻ തുടങ്ങിയിട്ട് വർഷങ്ങൾ ഏറെയായി. കോഴിക്കോട് ഭട്ട് റോഡ് ബീച്ചിൽ സഫാരിക്കായി ഉപയോഗിക്കുന്ന ഒട്ടകങ്ങളിൽ ഒന്നിന്റെ പരിക്കുപറ്റി വികൃതമായ മുഖമാണിത്. ജീവിതത്തിന്റെ രണ്ടറ്റങ്ങൾ കൂട്ടിമുട്ടിക്കാനുള്ള ബദ്ദപ്പാടാണതൊക്കെയെങ്കിൽ ആ ഒട്ടകങ്ങളെ സ്നേഹം നൽകിയില്ലെങ്കിലും ഉപദ്രവിക്കാതിരുന്നൂടെ..

© Copyright Keralakaumudi Online