സംസ്ഥാനം കനത്ത ചൂടിലൂടെയാണ് കടന്ന് പോകുന്നത്. എറണാകുളം കോർപ്പറേഷൻ ഓഫീസിന് മുന്നിലൂടെ കുട ചൂടി കടന്ന് പോകുന്ന പ്രായമായ അമ്മമാ‌ർ

പാലക്കാട് നിയമസഭാ ബി.ജെ.പി. സ്ഥാനാർത്ഥി ശോഭാ സുരേന്ദ്രൻ നഗരത്തിൽ നടത്തിയ റോഡ് ഷോ .

എറണാകുളം നിയോജകമണ്ഡലം യു.ഡി.എഫ് സ്ഥാനാർഥി ടി.ജെ വിനോദിന്റെ പേരും കൈപ്പത്തി ചിഹ്നവും ചുവരിൽ വരയ്ക്കുന്നയാൾ. ചിറ്റൂർ റോഡിൽ നിന്നുള്ള കാഴ്ച

എറണാകുളം നിയോജകമണ്ഡലം യു.ഡി.എഫ് സ്ഥാനാർഥി ടി.ജെ വിനോദ് ടൗൺ ഹാളിൽ നിന്നും വാഹന പ്രചാരണം ആരംഭിച്ചപ്പോൾ

സി.പി. എമ്മിൽ നിന്ന് രാജിവെച്ച വി എസ്. അച്യുതാനനൻ്റെ പേഴ്സണൽ സ്റ്റാഫ് ആയിരുന്ന എ. സുരേഷ് പാലക്കാട് ഡി.സി സി.ഓഫീസിൽ വെച്ച് പ്രസിഡൻ്റെ എ.തങ്കപ്പൻ കോൺഗ്രസ് അംഗത്വം നൽക്കുന്നു കെ.പി.സി.സി. ജനറൽ സെക്രട്ടറി സി. ചന്ദ്രൻ. ഐ. എൻ.ടി.യു.സി. ജില്ലാ  പ്രസിഡൻ്റ് എസ്.കെ.അനന്തകൃഷ്ണൻ . ഡി. സി. സി.ജന:സെക്രട്ടറി വി. രാമചന്ദ്രൻ തുടങ്ങിയവർ സമീപം.

സി.പി. എമ്മിൽ നിന്നു രാജിവെച്ച വി എസ്. അച്യുതാനന്ദൻ്റെ പി .എ ആയിരുന്ന എ .സുരേഷ് പാലക്കാട് ഡി.സി.സി. ഓഫീസിൽ നിന്ന് കോൺഗ്രസ് അംഗത്വം സ്വീകരിച്ച് പുറത്ത് വന്ന ശേഷം ഓഫീസിന് മന്നിലെ ചായക്കടയിൽ നിന്ന് ചായ കുടിക്കുന്നു.

തിരഞ്ഞെടുപ്പ് പ്രഖ്യാപിച്ചതോടെ ഇലക്ഷൻ കമ്മിഷന്റെ വിവിധ മണ്ഡലങ്ങളിലേക്കുള്ള സ്‌ക്വഡ് വാഹനങ്ങളിൽ സ്റ്റിക്കർ ഒട്ടിക്കുന്ന ജീവനക്കാർ .കോട്ടയം കളക്ട്രേറ്റിൽ നിന്നുള്ള കാഴ്ച

വീണ്ടും ജയിക്കട്ടെ...കുടിവെള്ള ക്ഷാമം പരിഹരിക്കണമെന്നാവശ്യപ്പെട്ട് കോട്ടയം വാട്ടർ അതോറിറ്റി ഓഫീസിന് മുൻപിൽ നടന്ന പ്രതിഷേധ ധർണ ഉദ്‌ഘാടനം ചെയ്ത് പോകുന്ന തിരുവഞ്ചൂർ രാധാകൃഷ്ണൻ എം.എൽ.എക്ക് വിജയാശംസകൾ നേരുന്ന പ്രവർത്തക.കോട്ടയം നിയോജകമണ്ഡലത്തിൽ തിരുവഞ്ചൂർ രാധാകൃഷ്‌ണനാണ് യു.ഡിഎഫ് സ്ഥാനാർത്ഥി

മന്ത്രിയെ പൊക്കി... ഏറ്റുമാനൂർ നിയോജകമണ്ഡലം എൽ.ഡി.എഫ് സ്ഥാനാർത്ഥി വി.എൻ വാസവന്റെ തിരഞ്ഞെടുപ്പ് പ്രചരണാർത്ഥം മണ്ഡലത്തിലൂടെ കട്ടൗട്ടുമായി സ്കൂട്ടറിൽ പോകുന്ന പ്രവർത്തകർ.

ഏറ്റുമാനൂർ നിയോജകമണ്ഡലം എൽ.ഡി.എഫ് സ്ഥാനാർത്ഥി വി.എൻ വാസവന്റെ തിരഞ്ഞെടുപ്പ് പ്രചരണാർത്ഥം പേരൂരിൽ നിന്നും റോഡ് ഷോ ആരംഭിച്ചപ്പോൾ

ഏറ്റുമാനൂർ നിയോജകമണ്ഡലം എൽ.ഡി.എഫ് സ്ഥാനാർത്ഥി വി.എൻ വാസവന്റെ തിരഞ്ഞെടുപ്പ് പ്രചരണാർത്ഥം പേരൂരിൽ നിന്നാരംഭിച്ച റോഡ് ഷോയിൽ സ്ഥാനാർത്ഥിക്ക് അഭിവാദ്യം അർപ്പിക്കുന്നവർ.

കോട്ടയം നിയോജക മണ്ഡലത്തിലെ എല്‍.ഡി.എഫ് സ്ഥാനാര്‍ത്ഥി അഡ്വ.കെ. അനില്‍കുമാര്‍ ഇന്നലെ തിരുനക്കരയില്‍ തെരഞ്ഞെടുപ്പ് പ്രചരണം ആരംഭിച്ചപ്പോള്‍.

ഗ്യാസ് ദൗർലഭ്യത്തിനും വിലവർദ്ധനവിനും എതിരെ മഹിളാ കോൺഗ്രസ് കോട്ടയം ജില്ലാകമ്മറ്റിയുടെ നേതൃത്വത്തിൽ കോട്ടയം ഹെഡ് പോസ്റ്റ് ഓഫീസ് പടിക്കൽ നടത്തിയ അടുപ്പ് കൂട്ടി സമരം ഡി.സി.സി പ്രസിഡൻറ് നാട്ടകം സുരേഷ് അടുപ്പ് കത്തിച്ചു ഉദ്ഘാടനം ചെയ്യുന്നു.

പോള നിറഞ്ഞതിനെത്തുടർന്ന് ബോട്ട് യാത്ര ദുഷ്കരമായ കോടിമതയിലെ കൊടൂരാറ്റിൽ നിന്നും ഇറിഗേഷൻ വകുപ്പ് പോള നീക്കം ചെയ്യുന്നു

കോഴി മുത്തം... മന്ത്രി ഗണേശ് കുമാർ രാജി വെക്കണമെന്ന ആവശ്യത്തിൽ കോൺഗ്രസ് കോട്ടയം ഈസ്റ്റ് വെസ്റ്റ് ബ്ലോക്ക് കമ്മിറ്റിയുടെ നേതൃത്വത്തിൽ കോട്ടയം കെ. എസ്.ആർ.ടി.സി ബസ് സ്റ്റാൻഡിന് മുന്നിൽ നടത്തിയ പ്രതിഷേധ ധർണയിൽ കൊണ്ടുവന്ന കോഴിക്ക് ഉമ്മ കൊടുക്കുന്ന പ്രവർത്തക സിസി ബോബി. തിരുവഞ്ചൂർ രാധാകൃഷ്ണൻ എം.എൽ.എ സമീപം.

എറണാകുളം മറൈൻഡ്രൈവിൽ നടന്ന കെ.പി.എം.എസ് 55-മത് സംസ്ഥാന സമ്മേളനം ഉദ്ഘാടനം ചെയ്യാനെത്തിയ മുഖ്യമന്ത്രി പിണറായി വിജയനുമായി സൗഹൃദ സംഭാഷണം നടത്തുന്ന മന്ത്രി കെ. രാജൻ

എറണാകുളം മറൈൻഡ്രൈവിൽ നടന്ന കെ.പി.എം.എസ് 55-മത് സംസ്ഥാന സമ്മേളനം ഉദ്ഘാടനം ചെയ്യാനെത്തിയ മുഖ്യമന്ത്രി പിണറായി വിജയൻ എ.ഐ.സി.സി ജനറൽ സെക്രട്ടറിയും എം.പിയുമായ കെ.സി. വേണുഗോപാലുമായി സൗഹൃദ സംഭാഷണത്തിൽ

അടുപ്പ് പുകയണം...പശ്ചിമേഷ്യൻ യുദ്ധത്തെത്തുടർന്ന് എൽ.പി.ജി സിലിണ്ടറുകൾക്ക് ഏർപ്പെടുത്തിയ നിയന്ത്രണം ജനങ്ങളെ വല്ലാതെ വലച്ചു. എറണാകുളം വാത്തുരുത്തിയിൽ വിറക് ശേഖരിച്ച് മടങ്ങുന്ന വീട്ടമ്മ

പശ്ചിമേഷ്യൻ യുദ്ധത്തെത്തുടർന്ന് എൽ.പി.ജി സിലിണ്ടറുകൾക്ക് ഏർപ്പെടുത്തിയ നിയന്ത്രണം ജനങ്ങളെ പരിഭ്രാന്തരാക്കിയിട്ടുണ്ട്. എറണാകുളം വാത്തുരുത്തിയിൽ ഗ്യാസ് സിലിണ്ടറുമായി വന്ന വാഹനത്തിന് ചുറ്റും കാത്ത് നിന്ന് സിലിണ്ടർ കൈപ്പറ്റുന്നു

എറണാകുളം മറൈൻഡ്രൈവിൽ നടന്ന കെ.പി.എം.എസ് 55-മത് സംസ്ഥാന സമ്മേളനം ഉദ്ഘാടനം ചെയ്ത ശേഷം വേദിയിൽ നിന്ന് മടങ്ങാനൊരുങ്ങുന്ന മുഖ്യമന്ത്രി പിണറായി വിജയൻ. എ.ഐ.സി.സി ജനറൽ സെക്രട്ടറിയും എം.പിയുമായി കെ.സി. വേണുഗോപാൽ, ബി.ജെ.പി മുൻ സംസ്ഥാന അദ്ധ്യക്ഷൻ കെ. സുരേന്ദ്രൻ എന്നിവരോട് യാത്ര ചോദിക്കുന്നു