ആരോഗ്യമന്ത്രി രാജിവെക്കണമെന്ന് ആവശ്യപ്പെട്ടുള്ള യൂത്ത് കോൺഗ്രസ് സമരങ്ങൾക്കെതിരെ കള്ള കേസെടുക്കുന്നതിൽ പ്രതിഷേധിച്ച് കൊല്ലം ജില്ലാ ജയിലിലേക്ക് നടത്തിയ ലാത്തി മാർച്ചിൽ റോഡ് ഉപരോധിച്ച പ്രവർത്തകരെ പോലീസ് അറസ്റ്റ് ചെയ്തു നീക്കുന്നു.

നവീകരണപ്രവർത്തനങ്ങൾ നടത്തി റോഡ് ഉയർത്തിയപ്പോൾ പൈപ്പിൽ നിന്നും വെള്ളം എടുക്കാൻ കഴിയാത്ത അവസ്ഥയിലായി. റോഡിനോട് ചേർന്ന് നിൽക്കുന്ന പൈപ്പിൽ നിന്നും വെള്ളം പിടിക്കുന്നയാൾ. വൈപ്പിനിൽ നിന്നുള്ള കാഴ്ച്ച

ഒരുങ്ങിയിരിക്കാം...ആഴക്കടൽ മീൻ പിടുത്തം നിരോധിച്ചിരിക്കുന്ന സാഹചര്യത്തിൽ ചെറുവള്ളങ്ങൾക്ക് മാത്രമാണ് മത്സ്യബന്ധനത്തിന് അനുമതിയുള്ളത്. ട്രോളിംഗ് കഴിഞ്ഞു കടലിലേക്ക് പോകുന്നതിനു മുന്നേ വലകൾ ശെരിയാകുന്ന തൊഴിലാളി. വൈപ്പിനിൽ നിന്നുള്ള കാഴ്ച

മന്ത്രി വീണാ ജോർജ് രാജിവയ്ക്കുക എന്നാവശ്യപ്പെട്ട് ബി.ജെ.പിയുടെ നേതൃത്വത്തിൽ നടന്ന എറണാകുളം ഡി.എം.ഒ ഓഫീസ് മാർച്ച് എ.എൻ. രാധാകൃഷ്ണൻ ഉദ്ഘാടനം ചെയ്യുന്നു

കുരുക്കഴിക്കാം ഭീതിവേണ്ട...മന്ത്രി വീണാ ജോർജ് രാജിവയ്ക്കുക എന്നാവശ്യപ്പെട്ട് ബി.ജെ.പിയുടെ നേതൃത്വത്തിൽ നടന്ന എറണാകുളം ഡി.എം.ഒ ഓഫീസ് മാർച്ച് പൊലീസ് ബാരിക്കേഡ് വച്ച് തടഞ്ഞ ശേഷം തുറന്ന് കൊടുക്കുന്നത് കാത്തുനിൽക്കുന്ന യാത്രക്കാർ

ശക്തമായ കടൽക്ഷോഭത്തെത്തുടർന്ന് തിരമാലകൾ കോവളം തീരത്തേക്ക് അടിച്ചുകയറുന്നു.ബീച്ചിലെത്തിയ സന്ദർശകരെയും കാണാം.

ശതാഭിഷിക്തനായ പി.ജെ ജോസഫ് എം.എൽ.എയ്ക്ക് കോട്ടയം പൗരാവലിയുടെ നേതൃത്വത്തിൽ നൽകിയ സ്നേഹാദരവ് ഉദ്ഘാടനം ചെയ്ത ഗോവ ഗവർണർ അഡ്വ. പി.എസ് ശ്രീധരൻ പിള്ള ആശംസ നേരുന്നു. മോൻസ് ജോസഫ് എം.എൽ.എ, ഗവ.ചീഫ് വിപ്പ് ഡോ.എൻ.ജയരാജ്, ഫ്രാൻസിസ് ജോർജ് എം.പി എന്നിവർ സമീപം

മന്ത്രി വീണാ ജോർജ് രാജിവയ്ക്കണമെന്ന് ആവശ്യപ്പെട്ട് യൂത്ത് കോൺഗ്രസ് പ്രവർത്തകർ നടത്തിയ കളക്ടറേറ്റ് മാർച്ചിൽ നിന്ന്

മന്ത്രി വീണാ ജോർജ് രാജിവയ്ക്കണമെന്ന് ആവശ്യപ്പെട്ട് യൂത്ത് കോൺഗ്രസ് പ്രവർത്തകർ നടത്തിയ കളക്ടറേറ്റ് മാർച്ചിൽ നിന്ന്

ശതാഭിഷ്ക്തനായ പി.ജെ ജോസഫ് എം.എൽ.എക്ക് കോട്ടയം പൗരാവലിയുടെ നേതൃത്വത്തിൽ നൽകിയ സ്നേഹദരവ് ചടങ്ങിൽ സഹപാഠിയും സിനിമാ നടനുമായ പ്രേം പ്രകാശ് ആശംസകൾ നേരുന്നു.ഗോവ ഗവർണർ അഡ്വ.പി.എസ്.ശ്രീധരൻ പിള്ള സമീപം

ശതാഭിഷ്ക്തനായ പി.ജെ.ജോസഫ് എം.എൽ.എക്ക് കോട്ടയം പൗരാവലിയുടെ നേതൃത്വത്തിൽ നൽകിയ സ്നേഹദരവ് ഉദ്ഘാടനം ചെയ്ത ഗോവ ഗവർണർ അഡ്വ.പി.എസ് ശ്രീധരൻ പിള്ള ഉപഹാരം നൽകുന്നു .പ്രേം പ്രകാശ്, ഫാ.എമിൽ പുള്ളിക്കാട്ടിൽ,നഗരസഭാദ്ധ്യക്ഷ ബിൻസി സെബാസ്റ്റ്യൻ,മോൻസ് ജോസഫ് എം.എൽ.എ,ഗവ.ചീഫ് വിപ്പ് ഡോ.എൻ.ജയരാജ്,ഫ്രാൻസിസ് ജോർജ് എം.പി,ഫാ.മൈക്കിൾ വെട്ടിക്കാട്ട്,വൈക്കം വിശ്വൻ എന്നിവർ സമീപം

കനത്ത കാറ്റിലും മഴയിലും വഴിയോരത്ത് ലോട്ടറി കച്ചവടം നടത്തുന്ന അന്യസംസ്ഥാന സ്വദേശിയായ സ്ത്രീ തന്റെ കുട പറന്ന് പോകാതിരിക്കാനായി പിടിച്ചു നിർത്തുന്നു. സമീപത്തായി സ്ത്രീയുടെ കുഞ്ഞിനെയും കാണാം. കാക്കനാട് പടമുകളിൽ നിന്നുള്ള കാഴ്ച

വിട്ടുതരില്ല, കട്ടായം.... മന്ത്രി വീണാ ജോർജ് രാജിവയ്ക്കണമെന്ന് ആവശ്യപ്പെട്ട് യൂത്ത് കോൺഗ്രസ് പ്രവർത്തകർ നടത്തിയ കളക്ടറേറ്റ് മാർച്ചിലുണ്ടായ സംഘർഷത്തിനിടെ, പൊലീസ് ബലമായി കസ്റ്റഡിയിലെടുക്കാൻ ശ്രമിക്കുന്ന പ്രവർത്തകനെ വിട്ടുകൊടുക്കാതെ തിരകെ പിടിച്ചു വലിക്കുന്ന സഹപ്രവർത്തകർ ഫോട്ടോ: ശ്രീധർലാൽ.എം.എസ്

കാക്കനാട് പടമുകളിൽ ചാറ്റൽ മഴയിൽ ഇരുചക്ര വാഹനത്തിൽ കുട ചൂടി അപകടകരമായി യാത്ര ചെയ്യുന്ന അന്യസംസ്ഥാന സ്വദേശികൾ

ചങ്ങമ്പുഴ പാർക്കിൽ നടന്ന വൈക്കം കരുണാകരൻ അനുസ്മരണ പരിപാടിയായ ഭീമം കരുണാകരം കഥകളി മഹോത്സവത്തിൽ അവതരിപ്പിച്ച ബകവധം കളിയിൽ നിന്ന്

കേരള ഖാദി ഗ്രാമവ്യവസായ ബോർഡ് ഉൽപ്പന്ന വൈവിധ്യവൽക്കരണത്തിന്റെ ഭാഗമായി കൊടുമണ്ണിൽ ആരംഭിച്ച പുതിയ കുപ്പടം നെയ്ത്തു കേന്ദ്രം ഖാദി ബോ‌‌ർഡ് വൈസ് ചെയർമാൻ പി.ജയരാജൻ ഉദ്ഘാടനം ചെയ്യുന്നു.

ആരോഗ്യവകുപ്പ് മന്ത്രി വീണാ ജോർജ്ജ് രാജിവയ്ക്കണമെന്നാവിശപ്പെട്ട് റോഡ് ഉപരോധിച്ച ബി.ജെ.പി പ്രവർത്തകരെ പൊലീസ് അറസ്റ്റ് ചെയ്യിത് നീക്കുന്നു.

കേരളത്തിന്റെ ആരോഗ്യ മേഖലയെ വെന്റിലേറ്ററിൽ ആക്കിയ ആരോഗ്യ മന്ത്രി വീണ ജോർജ് രാജിവയ്ക്കുക എന്ന് ആവിശ്യങ്ങൾ ഉന്നയിച്ച് പാലക്കാട് യൂത്ത് കോൺഗ്രസ് ജില്ലാ കമ്മിറ്റി ഡി.എം.ഒ ഓഫീസിലേക്ക് നടത്തിയ മാർച്ചിൽ പൊലീസ് പ്രവർത്തകരെ ലാത്തികൊണ്ട് തല്ലുന്നു.

കെ.കരുണാകരൻ ഫൗണ്ടേഷന്റെ ആഭിമുഖ്യത്തിൽ തിരുവനന്തപുരം നന്ദാവനം ബിഷപ്പ് പെരേര ഹാളിന് എതിർവശത്ത് നിർമ്മിക്കുന്ന ആസ്‌ഥാന മന്ദിര നിർമ്മാണത്തിന്റെ ആരംഭത്തിന് കുറ്റിയടിച്ച് ഉദ്ഘാടനം നിർവഹിക്കുന്ന ലീഡർ കെ.കരുണാകരന്റെ മകനും മുൻ കെ.പി.സി.സി പ്രസിഡന്റുമായ കെ.മുരളീധരൻ.എം.ലിജു,മുൻ മന്ത്രി വി .എസ്. ശിവകുമാർ,ഡി .സി .സി പ്രസിഡന്റ് പാലോട് രവി,പീതാംബരകുറുപ്പ്,ടി.ശരത് ചന്ദ്രപ്രസാദ് തുടങ്ങി പ്രമുഖർ സമീപം

റഷ്യയിലേക്കുള്ള ഔദ്യോഗികയാത്രയ്ക്കായി ഒരാഴ്ച്ചത്തെ അവധിയിൽ പ്രവേശിച്ച കേരള സർവ്വകലാശാല വൈസ് ചാൻസിലർ ഡോ .മോഹൻ കുന്നുമ്മലിന്റെ അഭാവത്തിൽ പകരം ചാർജ് എടുക്കുവാൻ കനത്ത പൊലീസ് സംരക്ഷണയിൽ സർവ്വകലാശാല ആസ്‌ഥാനത്തെത്തിയ ഡിജിറ്റൽ സർവ്വകലാശാല വൈസ് ചാൻസിലർ ഡോ .സിസ തോമസ്