മുട്ടകടക്ക് ചുറ്റും തദ്ദേശ തിരഞ്ഞെടുപ്പിൽ മത്സരിക്കുന്ന വിവിധ മുന്നണികളുടെ പ്രചരണ ബോർഡുകൾ സ്ഥാപിച്ചിരിക്കുന്നു.കോട്ടയം അതിരമ്പുഴക്കവലയിൽ നിന്നുള്ള കൗതുക കാഴ്ച

തദ്ദേശ തിരഞ്ഞെടുപ്പ് പ്രചാരണത്തിൽ ‘ജൻ സീ ’ ട്രെൻഡും. സ്ഥാനാർത്ഥികളുടെ പേരും പടവും ചിഹ്നവും ടീഷർട്ടിലും മുണ്ടിലും പ്രിന്റ് ചെയ്ത് വിപണിയിലെത്തിക്കാനുള്ള തയ്യാറെടുപ്പിലാണിവർ. കോഴിക്കോട് നടക്കാവിൽ നിന്നുള്ള ദൃശ്യം.

ഇലക്ഷന് പ്രഖ്യാപിച്ചതോടെ പ്രചരണങ്ങൾക്കായുള്ള ചിഹ്നങ്ങൾ ഒരുങ്ങി. 60 ലേറെ വർഷം പഴക്കമുള്ള കോഴിക്കോട് വലിയങ്ങാടി ഗണ്ണി സ്ട്രീറ്റിലെ കടയിൽ ചിഹ്നം പതിക്കാനുപയോഗിക്കുന്ന സ്റ്റെൻസിലുകൾ വെട്ടിയുണ്ടാക്കുന്ന എസ്.വി.സമീർ.

തിരഞ്ഞെടുപ്പിൻ്റെ ഭാഗമായി തൃശൂരിലുള്ള സംസ്ഥാന തെരഞ്ഞെടുപ്പ് കമ്മീഷൻ്റെ ബാലറ്റ് ബോക്സ് ഡിപ്പോയിൽ നിന്നും ബാലറ്റ് ബോക്സുകൾ ജില്ലയിലെ വിവിധയിടങ്ങളിലേയ്ക്ക് കൊണ്ട് പോകുന്നു

തിരഞ്ഞെടുപ്പിൻ്റെ ഭാഗമായി തൃശൂരിലുള്ള സംസ്ഥാന തെരഞ്ഞെടുപ്പ് കമ്മീഷൻ്റെ ബാലറ്റ് ബോക്സ് ഡിപ്പോയിൽ നിന്നും ജില്ലയിലെ വിവിധയിടങ്ങളിലേയ്ക്ക് കൊണ്ടുപോകാനുള്ള ബാലറ്റ് ബോക്സുകൾക്ക് കാവൽ നിൽക്കുന്ന പൊലീസ് ഉദ്യോഗസ്ഥൻ

സീബ്രാ ലൈനുകളിൽ എങ്ങനെ സഞ്ചരിക്കണമെന്നതിന് ഉത്തമ ഉദാഹരണമാണ് ഈ കാഴ്ച. കാൽനടയാത്രികർക്കുള്ള സിഗ്നൽ ഓണായി കഴിഞ്ഞതിന് ശേഷം മാത്രമാണ് വിദേശികൾ ക്രോസ് ചെയ്യുന്നത്. കഴിഞ്ഞ ദിവസങ്ങളിൽ നഗരത്തിലെ സീബ്രാ ലൈനുകളിലുള്ള അപകടങ്ങളെ ഹൈക്കോടതി പരാമർശിച്ചിരുന്നു. നഗരത്തിലെ സീബ്രാലൈനുകളിൽ ഏതാണ്ടെല്ലാം മാഞ്ഞുതീരാറായ സ്ഥിതിയിലാണ്. അടുത്തകാലത്തെങ്ങും സീബ്രാ ലൈനുകളും മറ്റു രേഖപ്പെടുത്തലുകളും വാഹനത്തിരക്കേറിയ എറണാകുളം നഗരത്തിൽ ഉണ്ടായിട്ടില്ല.

ആർട്ട്' ഫെസ്റ്റിവൽ...കോട്ടയത്ത് നടന്ന റവന്യൂ ജില്ലാ സ്കൂൾ കലോത്സവത്തിൽ ഹൈസ്‌കൂൾ വിഭാഗം ഓട്ടൻതുള്ളൽ മത്സരത്തിൽ പങ്കെടുക്കാൻ കാത്ത് നിൽക്കുന്ന മത്സരാർത്ഥി

ഭിന്നശേഷി ദിനാചരണത്തിൻ്റെ ഭാഗമായി പൊതുവിദ്യാഭ്യാസ വകുപ്പ് സമഗ്ര ശിക്ഷ കേരളം എസ് എസ് കെ കോട്ടയം എന്നിവയുടെ നേതൃത്വത്തിൽ നടത്തിയ റാലി

തിരുവനന്തപുരം ശംഖുംമുഖത്ത് നടക്കുന്ന നാവിക ദിനാഘോഷത്തിന്റെ ഭാഗമായി നടന്ന ഡ്രസ് റിഹേഴ്സലിൽ മിസൈലുകളെ കബളിപ്പിക്കുന്നതിനുള്ള ഫ്ലയറുകൾ പുറപ്പെടുവിച്ച് അഭ്യാസ പ്രകടനം നടത്തുന്ന നാവിക സേനയുടെ എം.എച്ച് 60 ആർ ഹെലിക്കോപ്പ്റ്ററുകൾ.

തിരുവനന്തപുരം നടക്കുന്ന നാവിക ദിനാഘോഷത്തിന്റെ ഭാഗമായി ഇന്നലെ നടന്ന ഡ്രസ് റിഹേഴ്സലിൽ ശംഖുംമുഖം തീരത്തെത്തിയ ഇന്ത്യൻ നാവിക സേനയുടെ വിമാന വാഹിനിക്കപ്പലായ ഐ.എൻ .എസ് വിക്രാന്തിൽ നിന്നും പറന്നുയരുന്ന മിഗ് 29 കെ ജെറ്റ് യുദ്ധ വിമാനം