തദ്ദേശ തിരഞ്ഞെടുപ്പിൽ കോട്ടയം അയ്മനം പഞ്ചായത്തിലെ കരീമഠം ഗവ.സ്കൂളിലെ ബൂത്തിൽ വോട്ട് ചെയ്യാൻ വള്ളത്തിൽ പോകുന്നവർ

സൗഹൃദങ്ങൾക്ക് എന്ത് ചിഹ്നം..... തദ്ദേശസ്വയംഭരണ തെരഞ്ഞെടുപ്പിന്റെ പരസ്യ പ്രചാരണത്തിന്റെ സമാപന ദിവസം സുഖമില്ലാത്ത ആളുമായി കാറിൽ കോഴിക്കോട് പാളയം ജംഗ്ഷനിൽ എത്തിയവരെ വഴിക്കൊടുത്ത് കടത്തി വിട്ടതിനുശേഷം സൗഹൃദം പങ്കുവെക്കുന്നു യു.ഡി.എഫ്, എൽ.ഡി.എഫ് പ്രവർത്തകർ

എനിക്കും പഠിക്കണ്ടേ... സ്കൂൾകുട്ടികൾ നടന്നുപോകുമ്പോൾ അവർക്ക് വഴികൊടുക്കാൻ തന്റെ കുഞ്ഞിനെ പിടിച്ചുമാറ്റുന്ന വഴിയോരത്ത് കച്ചവടം നടത്തുന്ന നാടോടി സ്ത്രീ, . കോഴിക്കോട് ബി.ഇ.എം സ്കൂൾ പരിസരത്ത് നിന്നുള്ള കാഴ്ച. ഭരണഘടനയുടെ ആർട്ടിക്കിൾ 21എ പ്രകാരം കുട്ടികൾക്ക് സൗജന്യ, നിർബന്ധിത വിദ്യാഭ്യാസം ഉറപ്പുനൽകുന്ന രാജ്യത്താണ് ഇതുപോലുള്ള കുട്ടികളുടെ ബാല്യം തെരുവിലായിപ്പോകുന്നത്. കേരളത്തിൽ നൂറുശതമാനം കുട്ടികളും സ്‌കൂളിലെത്തുമ്പോൾ അന്യസംസ്ഥാനത്ത് നിന്നുള്ള കുട്ടികളിൽ വലിയൊരുഭാഗം ഇപ്പോഴും തെരുവിലാണ്.

വോട്ടിടാൻ വള്ളത്തിൽ... തദ്ദേശ തിരഞ്ഞെടുപ്പിൽ കോട്ടയം അയ്മനം പഞ്ചായത്തിലെ കരീമഠം ഗവ.സ്കൂളിലെ ബൂത്തിൽ വോട്ട് ചെയ്യാൻ വള്ളത്തിൽ പോകുന്നവർ.

നടിയെ അക്രമിച്ച ക്കേസിൽ ദിലീപിനെ വെറുതെ വിട്ട വാർത്ത കെ.എസ് ആർ.ടി.സി ബസിലിരുന്ന് മൊബൈലിൽ വാർത്ത കേൾക്കുന്നു

ചക്കുളത്തുകാവ് ക്ഷേത്രമുറ്റത്ത് പൊങ്കാല അർപ്പിക്കുന്ന നെതർലാന്റിൽ നിന്നെത്തിയ കോണും ജോഷ്വായും. ടെലിവിഷൻ പരിപാടിയുടെ ഭാഗമായാണ് ഇവർ ചക്കുളത്ത് എത്തിയത്

കൊല്ലം കുരീപ്പുഴ അ‌യ്യൻകോയിക്കൽ ക്ഷേത്രത്തിന് സമീപത്ത് ചിറ്റപ്പനഴികത്ത് കായൽവാരത്ത് നിർത്തിയിട്ടിരുന്ന ബോട്ടുകൾക്ക് തീ പിടിച്ചപ്പോൾ.

കോട്ടയം പ്രസ് ക്ലബിൽ നടന്ന മീറ്റ് ദ ലീഡർ പരിപാടിയിൽ കോൺഗ്രസ്ര പ്രവർത്തക സമിതിയംഗം രമേശ് ചെന്നിത്തല മാധ്യമ പ്രവർത്തകരോട് സംസാരിക്കുന്നു.കെപിസിസി വൈസ് പ്രസിഡന്റ് ജോസഫ് വാഴക്കൻ സമീപം

അമ്മേ ശരണം..... ചക്കുളത്തുകാവ് പൊങ്കാല സമർപ്പിച്ച ശേഷം പ്രാർത്ഥിക്കുന്ന ഭക്തർ. തിരുവല്ല നഗരത്തിൽ നിന്നുള്ള കാഴ്ച

തൃക്കാർത്തിക... കുമാരനല്ലൂർ ദേവീക്ഷേത്രത്തിലെ തൃക്കാർത്തിക മഹോത്സവത്തോടനുബന്ധിച്ച് വൈകിട്ട് ദേശവിളക്ക് തെളിയിക്കുന്ന ഭക്തർ.

നാവിക സേനാ ദിനാഘോഷത്തിന്റെ ഭാഗമായി തിരുവനന്തപുരം ശംഖുംമുഖം കടൽ തീരത്ത് നടന്ന നാവിക അഭ്യാസ പ്രകടനത്തോടനുബന്ധിച്ച് തീരത്തെത്തിയ നാവിക സേനയുടെ പടക്കപ്പലുകൾ രാത്രിയിൽ ദീപാലംകൃതമാക്കിയപ്പോൾ.

ഫുൾ 'കവർ'... ശബരിമലയിൽ എത്തുന്ന തീർത്ഥാടകർ വന്യജീവികൾക്ക് ഭക്ഷണം നൽകുന്നതിൽ കർശന നിയന്ത്രണമുണ്ടെകിലും പാലിക്കപ്പെടാറില്ല.തീർഥാടകൻ നൽകിയ പ്ലാസ്റ്റിക്ക് കവറോട്‌ കൂടിയ ഭക്ഷണപദാർത്ഥവുമായി മരക്കൂട്ടത്തിന് സമീപം പാതയോരത്ത് ഇരിക്കുന്ന സിംഹവാലൻ കുരങ്ങ്.

നല്ല നാളേക്കായി... സ്വയംഭരണ തിരഞ്ഞെടുപ്പ് ബോധവത്കരണ പരിപാടിയുടെ ഭാഗമായി ജില്ലാ തിരഞ്ഞെടുപ്പ് വിഭാഗത്തിന്റെയും ജില്ലാ ലീപ് സെല്ലിന്റെയും ഇലക്ഷൻ ലിറ്ററസി ക്ലബ്ബിന്റെയും എൻ.എസ്.എസ് വളണ്ടിയർ മാരുടെയും നേതൃത്വത്തിൽ പഴയ കോർപറേഷൻ ബിൽഡിഗിന്റെ മതിലിൽ തീർത്ത പെയിന്റിംഗ്.

ജില്ലാ സ്കൂൾ കലോത്സവം നടന്ന കോഴഞ്ചേരിയിൽ മത്സരയിനങ്ങളിൽ പങ്കെടുക്കാനായി വേദിയിലേക്ക് പോകുന്ന വിദ്യാർത്ഥികൾ. റോഡരികിലെ കെട്ടിടത്തിന്റെ ചുവരിൽ ന തദ്ദേശ തിരഞ്ഞെടുപ്പിൽ മത്സരിക്കുന്ന സ്ഥാനാർത്ഥികളുടെ പോസ്റ്ററുകൾ പതിച്ചിരിക്കുന്നത് കാണാം.

നാവിക സേനാ ദിനാഘോഷത്തിന് മുന്നോടിയായി തിരുവനന്തപുരം ശംഖുംമുഖം കടലിൽ നാവിക സേന നടത്തിയ അഭ്യാസ പ്രകടനങ്ങളുടെ ഭാഗമായി കടലിൽ കിടന്ന ബോട്ടിലേക്ക് ഹെലികോപ്റ്ററിൽ വന്നിറങ്ങുന്ന സേനാംഗങ്ങൾ.

പത്തനംതിട്ട ജില്ലാ സ്കൂൾ കലോത്സവത്തിൽ യു.പി വിഭാഗം ഭരതനാട്യ വേദിയിൽ മത്സരത്തിന് ശേഷം അമ്മയുടെ നെഞ്ചിൽ ചാഞ്ഞ് മറ്റ് മത്സരാ‌ർത്ഥികളുടെ പ്രകടനം കാണുന്നതിനിടയിൽ ക്ഷീണത്താൽ ഉറങ്ങിപ്പോയ ഉള്ളന്നൂർ ആർ.അർ.യു.പി.എസ് ലെ അക്ഷിത.സി.ആർ.അമ്മ ചിത്തിര.സി.ചന്ദ്രൻ കുളനട പഞ്ചായത്ത് പ്രസിഡന്റാണ്.

താരാട്ട് മുദ്ര... കോട്ടയത്ത് നടക്കുന്ന റവന്യൂ ജില്ലാ കലോത്സവത്തിൽ യു.പി വിഭാഗം ഭരതനാട്യ മത്സരത്തിനെത്തിയ ശ്രിത അനിൽ കൂടെ വന്ന സുഹൃത്തിൻ്റ നാലുമാസം പ്രായമുള്ള കുട്ടിയെ ഗ്രീൻ റൂമിൽ കിടത്തി ലാളിക്കുന്നു.

ഭാവം പാകത്തിന്... കോട്ടയത്ത് നടക്കുന്ന റവന്യൂ ജില്ലാ കലോത്സവത്തൽ ഹയർസെക്കൻഡറി വിഭാഗം കുച്ചിപ്പുടിയിൽ ഒന്നാം സ്ഥാനം നേടിയ വാകത്താനം ജെ.എം എച്ച്.എസ്.എസിലെ അലക്സ് പി. തങ്കച്ചനൊപ്പം കലോത്സവത്തിന് പാചകത്തൊഴിലാളിയായെത്തിയ സുധ ചുവട് വച്ചപ്പോൾ. ലത,ശുഭ എന്നിവർ സമീപം.

കളിക്കല്ലേ മൈക്കേ...കോട്ടയത്ത് നടക്കുന്ന റവന്യൂ ജില്ലാ കലോത്സവത്തിൽ ഹൈസ്കൂൾ വിഭാഗം പൂരക്കളി മത്സരത്തിനിടെ വേദിയിൽ സ്ഥാപിച്ചിരുന്ന മൈക്കിൽ കൈതട്ടിയപ്പോഴുള്ള മത്സരാർത്ഥിയുടെ ഭാവങ്ങൾ

ശരണ വീഥിയിൽ...ശബരിമല ദർശനത്തിനായി പുല്ലുമേട്ടിൽ നിന്ന് കാനനപാതയിലൂടെ സന്നിധാനത്തേക്ക് പോകുന്ന തീർത്ഥാടകർ.