കോഴിക്കോട് വലിയങ്ങാടിക്ക് സമീപത്തെ പഴയ പാസ്‌പോര്‍ട്ട് ഓഫീസ് കെട്ടിടം തകര്‍ന്ന് നാലുപേർ മരിക്കാനിടയായ സംഭവത്തില്‍ പ്രതിഷേധിച്ച് യൂത്ത് കോൺഗ്രസ് കോർപറേഷൻ ഓഫീസിലേക്ക് നടത്തിയ മാർച്ച്

കേരളകൗമുദി 115-ാം വാർഷികത്തിന്റെ ഭാഗമായി മാർച്ച് ഏഴിന് പൂഞ്ഞാർ സെന്റ്. ആന്റണീസ് ഹയർസെക്കൻഡറി സ്കൂൾ ഗ്രൗണ്ടിൽ സംഘടിപ്പിക്കുന്ന വാർഷിക ആഘോഷവും, സ്റ്റീഫൻ ദേവസി ഷോയും 'കേരളകൗമുദി ഈവ് 2 കെ 26' ന്റെ ലോഗോ പ്രകാശനം സംഗീതജ്ഞൻ സ്റ്റീഫൻ ദേവസി നിർവഹിക്കുന്നു. കേരളകൗമുദി കോട്ടയം ബ്യൂറോ ചീഫ് രാഹുൽ ചന്ദ്രശേഖർ, യൂണിറ്റ് ചീഫ് ആർ.ബാബുരാജ്, സീനിയർ മാനേജർ മാർക്കറ്റിംഗ് ടി.അജികുമാർ, ചലച്ചിത്ര താരം മീനാക്ഷി അനൂപ്, പൂഞ്ഞാർ തെക്കേക്കര പഞ്ചായത്ത് പ്രസിഡന്റ് മിനർവാ മോഹൻ, പെരിങ്ങുളം സേക്രട്ട് ഹാർട്ട് ചർച്ച് വികാരി ഫാ.ജോർജ് മടുക്കാവിൽ, ഇൻകം ടാക്സ് ഗോവ അഡിഷണൽ കമ്മിഷണർ ജ്യോതിസ് മോഹൻ എന്നിവർ സമീപം

പെരിങ്ങുളം തണൽ ചാരിറ്റബിൾ സൊസൈറ്റി സംഘടിപ്പിച്ച അഖിലകേരള വടംവലി മത്സരം സംഗീതജ്ഞൻ സ്റ്റീഫൻ ദേവസ്സി വടംവലിച്ച് ഉദ്ഘാടനം ചെയ്യുന്നു. ചലച്ചിത്രതാരം മീനാക്ഷി അനൂപ്, പൂഞ്ഞാർ തെക്കേക്കര പഞ്ചായത്ത് പ്രസിഡന്റ് മിനർവാ മോഹൻ, ഗോവ ഇൻകം ടാക്സ് അഡീഷണൽ കമ്മിഷണർ ജ്യോതിസ് മോഹൻ എന്നിവർ സമീപം

നിയമസഭാ തിരഞ്ഞെടുപ്പിൻ്റെ പ്രഖ്യാപനത്തിന് മുൻപേ കോട്ടയം ടി ബി റോഡിന് സമീപത്തെ മതിൽ യു.ഡി.എഫിന് വേണ്ടി ബുക്ക് ചെയ്ത് കൈപ്പത്തി ചിഹ്നം വരച്ചിരിക്കുന്നു

പേരിനൊരു മഴ... വേനൽചൂട് ശക്തമായിരിക്കെ ആശ്വാസമെന്നപ്പോൾ പെയ്ത മഴയിൽ സ്കൂൾ ബസിൻ്റെ ചില്ലകളിൽ രൂപപ്പെട്ട ഈർപ്പത്തിൽ പേരുകൾ എഴുതുന്ന വിദ്യാർഥികൾ. കുമരകത്ത് നിന്നുള്ള കാഴ്ച.

സൃഷ്ടിയും സൃഷ്ടാവും... കോട്ടയം പാത്താമുട്ടം സെന്റ് ഗിറ്റ്സ് എൻജിനിയറിംഗ് കോളേജിൽ നടക്കുന്ന 'സൃഷ്ടി' അഖിലേന്ത്യ പ്രോജക്ട് എക്സിബിഷനിൽ ചെന്നൈ കെ.സി.ജി കോളേജ് ഒഫ് ടെക്നോളജിയിലെ വിദ്യാർത്ഥികൾ നിർമ്മിച്ച സ്മാർട്ട് ഇൻക്യുബേറ്റർ സിസ്റ്റം പ്രവർത്തനയോഗ്യമാക്കി കാണിക്കുന്ന ടീമംഗം ഹരി സുഭിക്ഷ.

ആടാനൊരുങ്ങി... കുംഭ ഭരണി ആഘോഷത്തിന്റെ ഭാഗമായി വെള്ളൂത്തുരുത്തി ഭഗവതി ക്ഷേത്രത്തിലേക്കുള്ള കുംഭകുട ഘോഷയാത്രയിൽ പങ്കെടുക്കുന്നതിനായി നിലച്ചെണ്ടുമായി പോകുന്ന കുട്ടികൾ

കുടമാട്ടം... കുംഭ ഭരണി ആഘോഷത്തിന്റെ ഭാഗമായി വെള്ളൂത്തുരുത്തി ഭഗവതി ക്ഷേത്രത്തിലേക്കുള്ള കുംഭകുട ഘോഷയാത്രയിൽ ചെറുവള്ളിക്കാവ് സംഘത്തോടൊപ്പം കുടമേന്തി തുള്ളിവരുന്ന കുട്ടികൾ

കുംഭ ഭരണി ആഘോഷത്തിന്റെ ഭാഗമായി വെള്ളൂത്തുരുത്തി ഭഗവതി ക്ഷേത്രത്തിലേക്കുള്ള കുംഭകുട ഘോഷയാത്രകൾ പരുത്തുംപാറ കവലയിൽ എത്തിയപ്പോൾ.

കൊച്ചി കോർപറേഷൻ ബഡ്ജറ്റ് ദിനമായി ഇന്നലെ ബഡ്ജറ്റ് വിവരം ചോർന്നതിൽ എൽ.ഡി.എഫ് പാർലമെന്ററി പാർട്ടി നേതാവ് വി.എ. ശ്രീജിത്തിന്റെ നേതൃത്വത്തിൽ കൗൺസിൽ ഹാളിലെ നടുത്തളത്തിൽ കുത്തിയിരുന്ന് പ്രതിഷേധിക്കുന്നു