SHOOT @ SIGHT | Latest News Photos | Kerala

HOME / GALLERY / SHOOT @ SIGHT

വലിച്ചുകീറി... കണ്ണൂരിൽ മന്ത്രി വീണാ ജോർജിനെതിരെ കെ.എസ്‌.യു പ്രവർത്തകർ നടത്തിയ അക്രമത്തിൽ പ്രതിഷേധിച്ച് ഡി.വൈ.എഫ്.ഐ കോട്ടയം ജില്ലാ കമ്മിറ്റിയുടെ നേതൃത്വത്തിൽ തിരുനക്കരയിൽ നടത്തിയ പ്രതിഷേധ പ്രകടനത്തിൽ യു.ഡി.എഫിന്റെ ഫ്ലക്സ് ബോർഡുകൾ പ്രവർത്തകർ തകർത്തപ്പോൾ.

പേരിനൊരു മഴ... വേനൽചൂട് ശക്തമായിരിക്കെ ആശ്വാസമെന്നപ്പോൾ പെയ്ത മഴയിൽ സ്കൂൾ ബസിൻ്റെ ചില്ലകളിൽ രൂപപ്പെട്ട ഈർപ്പത്തിൽ പേരുകൾ എഴുതുന്ന വിദ്യാർഥികൾ. കുമരകത്ത് നിന്നുള്ള കാഴ്ച.

വെയിലത്തും വാടാതെ വര... കത്തുന്ന ചൂടിലും കൈയിലെ ബ്രഷിന് വിശ്രമമില്ല. കുടയുടെ തണൽപറ്റി വടിവൊത്ത അക്ഷരത്തിൽ നിരത്തിൽ ചുവരെഴുതുന്ന ആർട്ടിസ്റ്റ് സജി. ഇലന്തൂരിൽ നിന്നുള്ള കാഴ്ച.

പെരിങ്ങുളം തണൽ ചാരിറ്റബിൾ സൊസൈറ്റി സംഘടിപ്പിച്ച അഖിലകേരള വടംവലി മത്സരം സംഗീതജ്ഞൻ സ്റ്റീഫൻ ദേവസ്സി വടംവലിച്ച് ഉദ്ഘാടനം ചെയ്യുന്നു.

ഇരുണ്ടുകൂടി, ഇടിച്ചുകുത്തി, നനഞ്ഞൊലിച്ച്... കത്തിക്കാളിയ വേനലിനെ തണുപ്പിച്ച് ഇന്നലെ വൈകിട്ട് പെയ്തിറങ്ങിയ വേനൽമഴയിലെ വിവിധ ദൃശ്യങ്ങൾ. പത്തനംതിട്ട നഗരത്തിൽ നിന്നുള്ള കാഴ്ച

നിശാഗന്ധി നൃത്തോത്സവത്തിൽ ആശാശരത്തും സംഘവും അവതരിപ്പിച്ച 'നൃത്ത സംഗീത ശില്പം അപരാജിത'.

ചുട്ടുപൊള്ളുമ്പൊഴും ചിട്ടയോടെ...ചുട്ടുപൊള്ളുന്ന ചൂടാണ്. പക്ഷേ ചിട്ടയോടെയാണ് ജോലി. വൈദ്യുതി തകരാറുണ്ടാകാതിരിക്കാൻ സദാസമയവും ജാഗ്രതയിലാണ്. വെയിലായാലും മഴയായാലും കെ.എസ്.ഇ.ബി ജീവനക്കാർക്ക് ജോലിയിൽ വിട്ടുവീഴ്ചയില്ല. ചൂടിനെ നേരിടാൻ കുപ്പിയിൽ കരുതിയ വെള്ളവുമായി വൈദ്യുത പോസ്റ്റിൽ ജോലിചെയ്യുന്നവർ. സീതത്തോട് ജംഗ്ഷനിൽ നിന്നുള്ള കാഴ്ച.

ചിരി മുഖ്യം... കോട്ടയം മെഡിക്കൽ കോളേജിൽ നടപ്പിലാക്കിയ വിവിധ പദ്ധതികളുടെ ഉദ്ഘാടനം ചെയ്തു മടങ്ങവെ കാറിൽ കയറിയ മുഖ്യമന്ത്രി പിണറായി വിജയൻ മാധ്യമപ്രവർത്തകരെ നോക്കി ചിരിക്കുന്നു.

പായൽ വസന്തം... വടവാതൂർ ബണ്ട് റോഡിന് സമീപം മീനന്തറയാറ്റിൽ റെഡ് കബോംബാ എന്നറിയപ്പെടുന്ന പായൽ പൂവിട്ടപ്പോൾ.

പത്തനംതിട്ട അവയവ ദാനം ചെയ്ത പത്ത് മാസം പ്രായമുള്ള ആലിൻ ഷെറിൻ ഏബ്രഹാമിന്റെ മൃതദേഹം നെടുങ്ങാടപ്പള്ളി സി.എസ്.ഐ സെന്റ് തോമസ് പള്ളി മുറ്റത്ത് സംസ്ഥാന സർക്കാറിന്റെ ഔദ്യോഗിക ബഹുമതികൾ നൽകുന്നു.മന്ത്രി വീണാ ജോർജ്,എം.എൽ.എ മാത്യൂ.ടി.തോമസ് മാതാപിതാക്കളായ ഷെറിൻ,അരുൺ,വൈദിക മേലദ്ധ്യക്ഷൻമാർ എന്നിവർ സമീപം.

മെലിഞ്ഞൊഴുകി... കൊടുംവേനലാണ്. നിറഞ്ഞൊഴുകിയിരുന്ന പമ്പാനദി ഇന്ന് മണൽപ്പരപ്പിനിടയിലൂടെ നീർച്ചാലുകളാവുകയാണ്. അപ്പോഴും മീൻപിടിക്കാനും വെള്ളം ശേഖരിക്കാനും എത്തുന്നവർ. പത്തനംതിട്ട വാഴക്കുന്നം അക്വഡേറ്റിൽ നിന്നുള്ള കാഴ്ച.

അനിയാ നിൽ.. മോട്ടോർ വാഹന വകുപ്പിന്റെ ട്രാഫിക് ബോധവത്ക്കരണ ഐക്കൺ ആയ മോട്ടു ആന കോഴിക്കോട് എരഞ്ഞിപ്പാലത്ത് എത്തിയപ്പോൾ കഴിഞ്ഞ ദിവസം താൻ വണ്ടി തടഞ്ഞത് കാണിച്ച് കൊടുക്കുന്ന പ്രഭാവതി അമ്മ. കഴിഞ്ഞ ദിവസമാണ് ഫുട്പാത്തിലൂടെ സ്‌കൂട്ടറോടിച്ചെത്തിയയാളെ തടഞ്ഞ് തിരിച്ചയച്ചതിലൂടെ ശ്രദ്ധ നേടിയത്. ഈ സംഭവം കണ്ടു നിന്ന കണ്ടന്റ് ക്രിയേറ്റർ വീഡിയോ പകർത്തിയതേടെ പ്രഭാവതി അമ്മ വൈറലായിരുന്നു

പത്തു മാസം പ്രായമുള്ള ആലിൻ ഷെറിൻ എബ്രഹാമിന്റെ അവയവുമായി അമൃത ആശുപത്രിയിൽ നിന്ന് പുറത്തേയ്ക്ക് വരുന്ന നഴ്സുമാർ

ദേശീയ പണിമുടക്കിൽ വിജനമായ നഗരം അരയിടത്ത് പാലത്തിന് മുകളിലുള്ള ദൃശ്യം.

കടലിൽ മത്സ്യബന്ധനം കഴിഞ്ഞെത്തിയ തൊഴിലാളി നീർകാക്കയ്ക്ക് മീൻ നൽകുന്നു. കോഴിക്കോട് വെള്ളയിൽ ഹാർബറിൽ നിന്നുള്ള ദൃശ്യം

മിണ്ടാൻ വാക്കെന്തിന്.. ടൗൺഹാളിൽ നടന്ന ബധിര വനിതാ സമ്മേളനത്തിൽ പങ്കെടുക്കാനെത്തിയവർ ആശയവിനിമയം നടത്തുന്നു

കേരള വനിതാ കമ്മീഷൻ രാത്രിയുത്സവം കോഴിക്കോട് കൾച്ചറൽ ബീച്ചിൽ ചെയർപേഴ്സൺ അഡ്വ. പി. സതീദേവി ഉദ്ഘാടനം ചെയ്യുന്നു.

അമ്മ മരം... വെട്ടേറ്റ് വീണെങ്കിലും അവസാന കാരുണ്യ ശിഖരവുമായി എറണാകുളം മറൈൻഡ്രൈവിലെ തണൽമരം. അപകട ഭീഷണിയെന്ന പേരിൽ കഴിഞ്ഞ ദിവസമാണ് ഈ തണൽ മരം അധികൃത‌ർ മുറിച്ച് മാറ്റിയത്, അതിന്റെ ശിഖരത്തിലാണ് നാടോടികളായ മാതാപിതാക്കൾ കുഞ്ഞിന് തൊട്ടിലൊരുക്കിയത്.

എൽ..ഡി.എഫിന്റെ മദ്ധ്യമേഖല വികസന മുന്നേറ്റ ജാഥ പത്തനംതിട്ടയിൽ എത്തിയപ്പോൾ ജാഥാക്യാപ്റ്റൻ ജോസ് കെ.മാണിയെ സി.പി.എം ജില്ലാസെക്രട്ടറി രാജൂ എബ്രഹാം പുഷ്പകിരീടം അണിയിക്കുന്നത് കൗതുകത്തോടെ വീക്ഷിക്കുന്ന മുഖ്യമന്ത്രി പിണറായി വിജയൻ.സി.പി.എം സംസ്ഥാന സെക്രട്ടറിയേറ്റ് അംഗം പി.കെ.ബിജു, സി.പി.ഐ സംസ്ഥാന അസിസ്റ്റന്റ് സെക്രട്ടറി പി.പി.സുനീർ, സി.പി.എം കേന്ദ്ര കമ്മറ്റിഅംഗം കെ.കെ ഷൈലജ ടീച്ചർ എന്നിവർ സമീപം.

ഇലയാകും തണലാകും ...... ഇലകൊഴിഞ്ഞ മഴമരത്തിൻ്റെ ചില്ലയിലെ കാക്ക കൂട്. കോട്ടയം തിരുനക്കരയിൽ നിന്നുള്ള കാഴ്ച

TRENDING THIS WEEK

ആറ്റുകാൽ ഭഗവതി ക്ഷേത്രത്തിലെ സാംസ്‌കാരിക പരിപാടികളുടെ ഉദ്ഘാടനം നിർവ്വഹിക്കാനും ആറ്റുകാൽ ഭഗവതി ക്ഷേത്ര ട്രസ്റ്റ് ഏർപ്പെടുത്തിയ അംബാ പുരസ്‌കാരവും ഏറ്റെടുക്കാനെത്തിയ നടനും സൂപ്പർതാരവുമായ മോഹൻലാൽ വേദിയിൽ

പാലക്കാട് കിഴക്കേ യാക്കര മണപ്പുള്ളിക്കാവ് ഭഗവതി ക്ഷേത്രത്തിലെ വേലയോടനുബന്ധിച്ച് ക്ഷേത്രത്തിലെ കൂറ്റൻ പന്തൽ ദീപാലംകൃതമായപ്പോൾ .

മന്ത്രി വീണാ ജോർജിന് നേരെ നടന്ന കെ.എസ്‌.യു ആക്രമണത്തിൽ പ്രതിഷേധിച്ച് ഡി.വൈ.എഫ്.ഐ. പാലക്കാട് നഗരത്തിൽ നടത്തിയ പ്രതിഷേധ പ്രകടനം.

ഇന്നലെ രാത്രി പെയ്ത മഴയിൽ എറണാകുളം നഗരത്തിലൂടെ പായുന്ന ആംബുലൻസ്

എറണാകുളം തേവരക്കായലിൽ പായ് വഞ്ചിയിൽ അഭ്യാസം നടത്തുന്ന നേവി ഉദ്യോഗസ്ഥർ

ആറ്റുകാൽ ഭഗവതി ക്ഷേത്രത്തിലെ പൊങ്കാല മഹോത്സവത്തോട്ടനുബന്ധിച്ചുള്ള സാംസ്‌കാരിക പരിപാടികളുടെ ഉദ്ഘാടനം നിർവ്വഹിക്കാനെത്തിയ നടനും സൂപ്പർതാരവും അംബാ പുരസ്‌കാര ജേതാവുമായ മോഹൻലാൽ വേദിയിലെത്തിയ കുട്ടി ആരാധകനോപ്പം സൗഹൃദം പങ്കിടുന്നു. ആറ്റുകാൽ ഭഗവതി ക്ഷേത്ര ട്രസ്റ്റ് പ്രസിഡന്റ്‌ വി. ശോഭ സമീപം.

സംസ്ഥാനത്തിന്റെ ഔദ്യോഗിക നാമം "കേരളം " എന്ന് പുനർനാമകരണം ചെയ്യാനുള്ള നിർദ്ദേശത്തിന് കേന്ദ്രസർക്കാർ അംഗീകാരം നൽകിയതിൽ ആഹ്ലാദം പ്രകടിപ്പിച്ച കോഴിക്കോട് പുതിയറ ബി.ഇ.എം.യു.പി സ്കൂൾ വിദ്യാർത്ഥികൾ കേരളം എന്നെഴുതിയ ബോർഡുമായി അണിനിരന്നപ്പോൾ

ആരോഗ്യമന്ത്രി വീണ ജോർജിനെതിരെയുള്ള ആക്രമണത്തിൽ പ്രതിഷേധിച്ച് എൽ.ഡി.എഫ് നേതൃത്വത്തിൽ കോഴിക്കോട് നഗരത്തിൽ നടത്തിയ മാർച്ച്

ശബരിമല സ്വർണ്ണകൊള്ള കേസ് സി.ബി.ഐ അന്വേഷിക്കുക, ശബരിമല വിശ്വാസികൾക്കെതിരെ സുപ്രീം കോടതിയിൽ നൽകിയ സത്യവാങ്മൂലം പിൻവലിക്കണമെന്നുൾപ്പടെയുള്ള ആവശ്യങ്ങൾ ഉന്നയിച്ച് ബി.ജെ.പിയുടെ നേതൃത്വത്തിൽ ക്ലിഫ് ഹൗസിന് മുന്നിൽ നടന്ന അയ്യപ്പജ്യോതിയിൽ ബി.ജെ.പി സംസ്ഥാന അദ്ധ്യക്ഷൻ രാജീവ് ചന്ദ്രശേഖർ, മുൻ കേന്ദ്രമന്ത്രി വി.മുരളീധരൻ, ബി.ജെ.പി ദേശീയ നിർവ്വാഹക സമിതി അംഗം പി.കെ.കൃഷ്ണദാസ്, ഡെപ്യൂട്ടി മേയർ ആശാനാഥ്‌ ജി.എസ്, ബി.ജെ.പി സംസ്ഥാന ജനറൽ സെക്രട്ടറി ശോഭാ സുരേന്ദ്രൻ, സംസ്ഥാന വൈസ് പ്രസിഡന്റ് വി.ടി.രമ തുടങ്ങിയവർ വിളക്ക് തെളിയിച്ച് ശരണം വിളിക്കുന്നു

© Copyright Keralakaumudi Online