SHOOT @ SIGHT | Latest News Photos | Kerala

HOME / GALLERY / SHOOT @ SIGHT

ശബരിമല ദർശനത്തിനെത്തിയ രാഷ്ട്രപതി ദ്രൗപദി മുര്‍മു സഞ്ചരിച്ച ഹെലികോപ്റ്ററിന്റെ ചക്രം പ്രമാടം രാജീവ് ഗാന്ധി ഇൻഡോർ സ്റ്റേഡിയത്തി കോൺക്രീറ്റിലെ ലാൻഡിംഗ് താഴ്ന്നപ്പോൾ അഗ്നിരക്ഷാസേനയും പോലീസും ചേർന്ന് ഹെലികോപ്റ്റർ തള്ളി മുന്നോട്ടു നീക്കുന്നു.

ചുവട്... കോട്ടയം നാഗമ്പടം ഇൻഡോർ സ്റ്റേഡിയത്തിൽ ജില്ലാ സ്കൂൾ കായിക മേളയോടനുബന്ധിച്ച് നടന്ന കളരിപ്പയറ്റ് മത്സരത്തിൽ ചുവട് വിഭാഗത്തിൽ സീനിയർ പെൺകുട്ടികളുടെ വിഭാഗത്തിൽ ഒന്നാം സ്ഥാനം നേടിയ നിധി കെ. സുരേഷ്, സെൻ്റ്. തോമസ് എച്ച്.എസ്. ആനിക്കാട്.

നഗരത്തിൽ രാത്രിയിൽ പെയ്ത ശക്തമായ മഴയിൽ നിന്നുള്ള ദൃശ്യം.

ലഹരി മാഫിയക്കെതിരെ പ്രൗഡ് കേരളയുടെ നേതൃത്വത്തിൽ കോട്ടയം തിരുനക്കരയിൽ നടത്തിയ സമൂഹ നടത്തത്തിന്റെ സമാപന ചടങ്ങിൽ പ്രവർത്തക ഉപഹാരമായി കൊടുത്ത ഖാദിയുടെ കുഷ്യൻ നോക്കുന്ന രമേശ് ചെന്നിത്തല.എം.എൽ.എമാരായ തിരുവഞ്ചൂർ രാധാകൃഷ്ണൻ,ചാണ്ടി ഉമ്മൻ തുടങ്ങിയവർ സമീപം

ആലപ്പുഴ ജില്ലാ സ്കൂൾ കായികമേളയിലെ രണ്ടാം ദിനം നടന്ന സീനിയർ ഗേൾസ് ജാവലിൻ ത്രോ മത്സരത്തിൽ പങ്കെടുക്കവെ ഗ്രൗണ്ടിലെ ചെളിയിൽ തെന്നി നിയന്ത്രണം വിട്ട് ജാവലിനുമായി വീഴുന്ന മത്സരാർത്ഥി ലയ വിനോജ്. വീണിട്ടും മത്സരത്തിൽ തുടർന്ന ലയ വിനോജിനാണ് ഒന്നാം സ്ഥാനം.

തൊടുപുഴയിൽ ആരംഭിച്ച സെൻട്രൽ സ്കൂൾ കലോൽസവം സർഗ്ഗദ്വനി 2025 ഉദ്ഘാടനത്തിന് എത്തി സിനിമാ നടൻ കലാഭവൻ ഷാജോൺ കുട്ടികളുമായി സംവദിക്കുന്നു. ഫോട്ടോ: ബാബു സൂര്യ

സ്നേഹമാണ്......തൊടുപുഴയിൽ ആരംഭിച്ച സെൻട്രൽ സ്കൂൾ കലോൽസവം സർഗ്ഗദ്വനി 2025 ഉദ്ഘാടന വേദിയിൽ സ്നേഹം പങ്കിടുന്ന സഹപാഠികൾ. ഫോട്ടോ ബാബു സൂര്യ

ഇരയായ മരം... കോട്ടയം കോടിമത എം.എൽ റോഡിന് സമീപം അജൈവ മാലിന്യ ശേഖരണ യൂണിറ്റിന് സമീപത്ത് നിന്നിരുന്ന മരം ഉണങ്ങിപ്പോയപ്പോൾ.

കളറല്ല ജീവിതം... ആശ്രാമം മൈതാനിയിൽ നടക്കുന്ന വണ്ടർ ഫാൾസിന് മുന്നിൽ കളിപ്പാട്ടങ്ങൾ വിൽക്കുന്ന അന്യസ്ഥാന പെൺകുട്ടി ക്ഷീണം മൂലം ഉറങ്ങിപ്പോയപ്പോൾ.

മന്ത്രി വി.എൻ വാസവന്റെ ഏറ്റുമാനൂരിലെ ഓഫീസിലേക്ക് ബി.ജെ.പി നടത്തിയ പ്രതിഷേധ മാർച്ച് പൊലീസ് ബാരിക്കേഡ് വച്ച് തടഞ്ഞപ്പോൾ രോഗിയായ വയോധികമായി എത്തിയ ഓട്ടോറിക്ഷ സുരക്ഷിതമായി കടത്തിവിടുന്ന പ്രവർത്തകർ

സന്ധ്യക്കെന്തിന് സിന്ദൂരം...ഇന്നലെ സൂര്യാസ്തമായ വേളയിൽ ദൃശ്യമായ മഴവില്ല്.കോട്ടയം കെ.എസ്.ആർ.ടി.സി സ്റ്റാൻഡിന് മുന്നിൽ നിന്നുള്ള ദൃശ്യം.

"കളിയല്ല... അപകടം..." റോഡിലെ നിയമങ്ങളും പഠിച്ചുവളരേണ്ട കുട്ടികൾ കുറച്ചു സമയത്തെ തമാശക്കായി അത് ലംഘിച്ചാൽ വലിയ അപകടങ്ങൾക്ക് ഇരയാകേണ്ടിവരും. ഒരാൾ സഞ്ചരിക്കേണ്ട സൈക്കളിൽ മൂവരുമായി തിരക്കേറിയ റോഡിലൂടെ കടന്നു പോകുന്ന വിദ്യാർത്ഥികൾ. പേട്ട ജംഗ്ഷനിൽ നിന്നുള്ള കാഴ്ച്ച.

ഇതല്ല ഇതിനപ്പുറം... ശബരിമല സ്വർണപ്പാളി വിവാദത്തിൽ ബി.ജെ.പി പത്തനംതിട്ട മിനി സിവിൽസ്റ്റേഷനിലേക്ക് നടത്തിയ മാർച്ച് തടയാൻ ബാരിക്കേ‌‌ഡുകൾ സ്ഥാപിച്ചതോടെ സിവിൽസ്റ്റേഷനിൽ നിന്ന് പുറത്തിറങ്ങാൻ മതിൽചാടിക്കടക്കുന്ന പൊലീസുകാരൻ.

രണ്ടാംകൃഷിയിറക്കിയ കുട്ടനാടൻ പാടങ്ങൾ കതിരിട്ടിരിക്കുകയാണ്. കൈനകരി പുത്തൻതുരം പാടശേഖരത്തിൽ വിളഞ്ഞ നെൽക്കതിരുകൾ കൊത്തിയെടുത്ത് പറക്കുന്ന തത്ത.

മഴ മാറിയതോടെ അസ്തമയ സൂര്യന്റെ നിറച്ചാർത്തിൽ ആഹ്ളാദിക്കുന്ന അച്ഛനും മകനും. ആലപ്പുഴ ബീച്ചിൽ നിന്നുള്ള ദൃശ്യം.

ഭരണസിരാകേന്ദ്രത്തിന്റെ ഒരു കിലോമീറ്റർ ചുറ്റളവിലുള്ള പ്രധാന പാതയായ ബേക്കറി ജംഗ്ഷൻ- വഴുതക്കാട് റോഡിലെ തെരുവ് വിളക്കുകൾ വെളിച്ചം പകരാതായിട്ട് കാലങ്ങളേറെയായി. റിസർവ് ബാങ്കടക്കമുള്ള പ്രധാന ഓഫീസുകളും മറ്റ് സ്ഥാപനങ്ങളുമുള്ള റോഡിൽ സാധാരണക്കാരുടെ ആശ്രയമായ അത്യാധുനിക ബസ് സ്റ്റോപ്പും ഇരുട്ടിലായതായി കാണാം.

വാട്ടർ സെൽഫി... ബി.ജെ.പി കണയന്നൂർ താലൂക്കിലേക്ക് നടത്തിയ മാർച്ച് അക്രമാസക്തമായപ്പോൾ പൊലീസ് ജലപീരങ്കി പ്രയോഗിക്കുന്നത് സെൽഫിയിൽ പകർത്തുന്ന വഴിയാത്രകാരൻ.

വെയിലേറ്റ് വാടാതിരിക്കാൻ ... ഇരുചക്ര വാഹനത്തിൽ യാത്രക്കിടെ വെയിലിന്റെ ചൂട്മൂലം കുട്ടിയെ തിരിച്ച് ഇരുതി ദേഹത്ത് ഷാൾ കൊണ്ട് സംരക്ഷണം നൽകി യാത്ര ചെയ്യുന്ന കുടുംബം പാലക്കാട് കളക്ട്രേറ്റ് പരിസരത്ത് നിന്നുള്ള ദൃശ്യം.

ഏറെ നാളായി തകർന്ന മേൽക്കൂരയ്ക്ക് കീഴിൽ വെയിലും മഴയുമേറ്റാണ് നഗരത്തിലെ പ്രധാനം വിനോദ സഞ്ചാര കേന്ദ്രമായ ശംഖുംമുഖത്ത് യാത്രക്കാർ ബസ് കാത്ത് നിൽക്കുന്നത്. യാത്രക്കാർക്ക് ഇരിക്കാനുള്ള സൗകര്യം ഇല്ലാത്ത ഇവിടെ പ്രായമായ യാത്രക്കാരും ഭിന്നശേഷിക്കാരും തറയിലാണ് ബസ് കാത്തിരിക്കുന്നത്. തെരുവ് നായ ശല്യവും ഇവിടെ സ്ഥിരം കാഴ്ചയാണ്.

പുറംകടലിൽ വലവിരിച്ചുള്ള മത്സ്യബന്ധനത്തിന് ഉപയോഗിക്കുന്നതിനായുള്ള പ്ലാസ്റ്റിക് കുപ്പികൾ ശംഘുമുഖം, വലിയതുറ തുടങ്ങിയ തീരങ്ങളിൽ നിന്ന് ശേഖരിച്ച് വലയിൽ മത്സ്യത്തൊഴിലാളികൾ സൂക്ഷിച്ചിരിക്കുന്നു. വലിയതുറ തീരത്ത് നിന്നുള്ള കാഴ്ച

TRENDING THIS WEEK

1.ശബരിമല നിയുക്ത മേൽശാന്തിയായി തൃശ്ശൂർ ചാലക്കുടി വാസുപുരം മറ്റത്തൂർ കുന്ന് ഏറന്നൂർ മന പ്രസാദ് ഇ.ഡിയെ പന്തളം കൊട്ടാരത്തിലെ കുട്ടി കശ്യപ് വർമ്മ തെരഞ്ഞെടുത്ത നറുക്ക് ശബരിമല സ്പെഷ്യൽ കമ്മീഷണർ ആർ.ജയകൃഷ്ണൻ ഉയർത്തികാട്ടുന്നു. ദേവസ്വം കമ്മീഷൻ ബി.സുനിൽകുമാർ, ഹൈക്കോടതി നിരീക്ഷകനായ റിട്ട. ജസ്റ്റിസ് ടി.ആർ. രാമചന്ദ്രൻ നായർ, ദേവസ്വം ബോർഡ് അംഗങ്ങളായ അഡ്വ. എ. അജികുമാർ, അഡ്വ. പി.ഡി സന്തോഷ് കുമാർ, ശബരിമല എക്സിക്യുട്ടീവ് ഓഫീസർ ഒ.ജി.ബിജു, ദേവസ്വം പ്രസിഡന്റ് പി.എസ്. പ്രശാന്ത് എന്നിവർ സമീപം. 2. മാളികപ്പുറം നിയുക്ത മേൽശാന്തിയായി മയ്യനാട് കൂട്ടിക്കട ആയിരംതെങ്ങ് മുട്ടത്തുമഠം മനു നമ്പൂതിരി എം.ജി പന്തളം കൊട്ടാരത്തിലെ കുട്ടി മൈഥിലി വർമ്മ തെരഞ്ഞെടുത്ത നറുക്ക് ശബരിമല സ്പെഷ്യൽ കമ്മീഷണർ ആർ.ജയകൃഷ്ണൻ ഉയർത്തികാട്ടുന്നു. പി.ആർ.ഒ അരുൺകുമാർ, ദേവസ്വം കമ്മീഷൻ ബി.സുനിൽകുമാർ, ഹൈക്കോടതി നിരീക്ഷകനായ റിട്ട. ജസ്റ്റിസ് ടി.ആർ. രാമചന്ദ്രൻ നായർ,ദേവസ്വം അഡ്മിനിസ്ട്രേറ്റീവ് ഓഫീസർ ശ്രീനിവാസ്, അഡ്വ. പി.ഡി സന്തോഷ് കുമാർ, ദേവസ്വം പ്രസിഡന്റ് പി.എസ്. പ്രശാന്ത് എന്നിവർ സമീപം.

കൊല്ലം ഹോക്കിയും, ഐ.ആർ.ഇ.എൽ ചവറയും, ജില്ലാ സ്പോർട്‌സ് കൗൺസിലുമായി ചേർന്ന് നടപ്പിലാക്കുന്ന 'മിഷൻ കൊല്ലം ഹോക്കി' പദ്ധതിയുടെ ഉദ്ഘാടനം മന്ത്രി കെ എൻ ബാലഗോപാൽ ഹോക്കി കളിച്ച് ഉദ്ഘാടനം നിർവഹിക്കുന്നു

ആശ്രാമം ഹോക്കി സ്റ്റേഡിയത്തിൽ നടന്ന സമ്മർ കോച്ചിംഗ് ക്യാമ്പിൽ പങ്കെടുത്ത കായികതാരങ്ങൾക്കൊപ്പം മന്ത്രി കെ .എൻ ബാലഗോപാൽ സ്പോർട്സ് കൗൺസിൽ .പ്രസിഡൻറ് എക്സ് .ഏണസ്റ്റ്, കേരളഒളിമ്പിക് അസോസിയേഷൻ പ്രസിഡൻ്റ് വി. സുനിൽകുമാർ, എക്സ്. ഏണസ്റ്റ് IREL ചവറയുടെ ചീഫ് ജനറൽ മാനേജർ എൻ. എസ് അജിത് എന്നിവരോടൊപ്പം

മാർഗദർശക മണ്ഡലം കേരളം സംഘടിപ്പിക്കുന്ന ധർമസന്ദേശ യാത്രയ്ക്ക് കൊല്ലം ആനന്ദവല്ലീശ്വരത്ത് നൽകിയ സ്വീകരണം

മിഷൻ കൊല്ലം ഹോക്കിയുടെ ഉത്ഘടന ചടങ്ങിൽ IREL നൽകിയഗോൾകീപ്പർ കിറ്റ് ജനറൽ മാനേജർ എൻ .ആർ അജിത്ത് ധനകാര്യവകുപ്പ് മന്ത്രി കെ എൻ ബാലഗോപാലിന് കൈമറുന്നു

പതിനെട്ടാംപടി കയറാൻ കാത്തുനിൽക്കുന്ന ഭക്തജനങ്ങൾ.

പത്തനംതിട്ടയിൽ തിരുവിതാംകൂർ ദേവസ്വം ബോർഡ് ഓഫീസിനുനേരെ കോൺഗ്രസ് നടത്തിയ ആക്രമണത്തിൽ പ്രതിഷേധിച്ച് എൽ,ഡി,എഫ് ജില്ലാ കമ്മിറ്റിയുടെ നേതൃത്വത്തിൽ നടത്തിയ യോഗം ദേവസ്വം മന്ത്രി വി എൻ വാസവൻ ഉദ്‌ഘാടനം ചെയ്യുന്നു.

പത്തനംതിട്ട യു.ഡി.എഫ് ൻ്റെ നേത്യത്വത്തിൽ വിശ്വാസ സംരക്ഷണ പദയാത്രക്ക് സമാപനം കുറിച്ച് പന്തളത്തു നടന്ന വിശ്വാസ സംരക്ഷണ മഹാസംഗമ ജാഥ.

യു.ഡി.എഫ് നേതൃത്വത്തിൽ സംഘടിപ്പിച്ച വിശ്വാസ സംരക്ഷണ പദയാത്രയ്ക്ക് സമാപനം കുറിച്ച് പന്തളത്തു നടന്ന വിശ്വാസ സംരക്ഷണ മഹാസംഗമ വേദിയിൽ പ്രതിപക്ഷ നേതാവ് വി.ഡി.സതീശൻ, കെ.പി.സി.സി പ്രസിഡന്റ് സണ്ണി ജോസഫ്, യു.ഡി.എഫ് കൺവീനർ അടൂർ പ്രകാശ് എന്നിവർ സൗഹൃദ സംഭാഷണത്തിൽ.

തിരുവനന്തപുരം വലിയശാല അഗ്രഹാരത്തിൽ ദീപാവലി ആഘോഷിക്കുന്നവർ

© Copyright Keralakaumudi Online