SHOOT @ SIGHT | Latest News Photos | Kerala

HOME / GALLERY / SHOOT @ SIGHT

ഇലയാകും തണലാകും ...... ഇലകൊഴിഞ്ഞ മഴമരത്തിൻ്റെ ചില്ലയിലെ കാക്ക കൂട്. കോട്ടയം തിരുനക്കരയിൽ നിന്നുള്ള കാഴ്ച

അഴക്... കോഴിക്കോട് കോർപറേഷന്റെ 'അഴക്' മാലിന്യനിർമാർജന പദ്ധതിയുടെ കണ്ടെയ്നറിനടുത്ത് മാലിന്യത്തിനിടയിൽ കിടന്നുറങ്ങുന്ന ആൾ. ടൗൺഹാൾ റോഡിൽ നിന്നുള്ള ദൃശ്യം ഫോട്ടോ രോഹിത്ത് തയ്യിൽ

പാലക്കാട് പല്ലഞ്ചാത്തനൂർ തെരുവത്ത് പള്ളി നേർച്ചയ്ക്കായി കാളവണ്ടിയിൽ എത്തിയ വിശ്വസികൾ.

മഞ്ഞുമ്മേൽ ഗയ്സ്...റിപ്പബ്ലിക് ദിന അവധിയ്ക്ക് മൂന്നാർ മീശപ്പുലിമലയിൽ ട്രക്കിംഗ് നടത്തി സൂര്യോദയ വേളയിൽ മഞ്ഞ് ആസ്വദിക്കുന്ന സഞ്ചാരികൾ. കേരളത്തിലെ രണ്ടാമത്തെ ഉയരം കൂടിയ കൊടുമുടിയായ മീശപ്പുലിമല സമുദ്രനിരപ്പിൽ നിന്ന് 8000 അടി ഉയരത്തിലാണ് സ്ഥിതി ചെയ്യുന്നത്

ഉയരങ്ങൾ കീഴടക്കി... കഴിഞ്ഞ റിപ്പബ്ലിക് ദിനത്തിൻ്റെ അവധിക്ക് മൂന്നാർ മീശപ്പുലിമലയിൽ ട്രക്കിംഗ് നടത്തുന്ന സഞ്ചാരികൾ. കേരളത്തിലെ രണ്ടാമത്തെ ഉയരം കൂടിയ കൊടുമുടിയായ മീശപ്പുലിമല സമുദ്രനിരപ്പിൽ നിന്നും 8000 അടി ഉയരത്തിൽ സ്ഥിതി ചെയ്യുന്നു.

അതിഥി സൽക്കാരം... കോട്ടയം തിരുനക്കര ക്ഷേത്ര മൈതാനത്തെ പ്രാവുകൾക്ക് അരിയെറിഞ്ഞ് നൽകുന്ന അതിഥി തൊഴിലാളി.

കടലോളം ... കോഴിക്കോട് ബീച്ചിൽ നടക്കുന്ന കേരള ഡിസബിലിറ്റി ഫെസ്റ്റിവലിൽ പങ്കെടുക്കാനെത്തിയ വീൽചെയർ ഉപയോഗിക്കുന്ന പ്രതിനിധികൾ കടൽ കാണാൻ ഇറങ്ങിയപ്പോൾ.

കേരള ഡിസബിലിറ്റി ഫെസ്റ്റിവലിൽ പങ്കെടുക്കാനെത്തിയ യുവതി വീൽചെയറിൽ കോഴിക്കോട് ബീച്ച് കാണാൻ ഇറങ്ങിയപ്പോൾ.

മോട്ടുവും കുട്ടിയും... മോട്ടോർ വാഹനവകുപ്പ് റോഡ് സുരക്ഷാ ബോധവത്കരണത്തിന്റെ ഭാഗമായി വകുപ്പിന്റെ ഭാഗ്യചിഹ്നമായ മോട്ടുവിന്റെ വേഷം ധരിച്ചെത്തിയ ആൾ, എറണാകുളം കെ.പി.സി.സി സിഗ്നൽ ജംഗ്ഷനിൽ ട്രാഫിക് നിയമം തെറ്റിച്ച് സീബ്രാലൈനിലേക്ക് കയറ്റി നിറുത്തിയ ഇരുചക്ര വാഹനത്തിലെ യാത്രക്കാർക്ക് റോഡ് സുരക്ഷാനിയമങ്ങളെക്കുറിച്ച് ബോധവത്ക്കരണ ക്ളാസ് നൽകുന്നു.

എറണാകുളം പുതുവൈപ്പിനിൽ ഗോശ്രീ പാലത്തിന് താഴെ കായലിൽ ചെറുവള്ളത്തിൽ വലവീശുന്ന മത്സ്യത്തൊഴിലാളികൾ.

എറണാകുളം ശിവക്ഷേത്രത്തിലെ തിരുവുത്സവത്തോടനുബന്ധിച്ച് എഴുന്നുള്ളിപ്പിന് മുന്നോടിയായി ചൈത്രം അച്ചു എന്ന ആനയെ കുളിപ്പിക്കുന്ന പാപ്പാൻ.

ഓടുന്ന ട്രെയിനിന്റെ വാതിൽക്കലിൽ ഇരുന്ന് അപകടകരമായി യാത്ര ചെയ്യുന്ന യുവാവും യുവതിയും. എറണാകുളം രവിപുരത്ത് നിന്നുള്ള കാഴ്ച.

തിരുവനന്തപുരത്ത് പ്രധാനമന്ത്രി നരേന്ദ്ര മോദി ഫ്ലാഗ് ഓഫ് ചെയ്ത തിരുവനന്തപുരം - ചാർലപ്പള്ളി അമൃത് ഭാരത് എക്സ്പ്രസിന് കോട്ടയം റെയിൽവെസ്റ്റേഷനിൽ സ്വീകരണം നൽകുമ്പോൾ ട്രാക്കിൽ കൂടി പ്ലാറ്റ് ഫോമിലേക്ക് കയറുന്ന യാത്രക്കാർ

.കോട്ടയം ജില്ലാതല റിപ്പബ്ലിക് ദിനാഘോഷത്തിന് മുന്നോടിയായി കോട്ടയം പോലീസ് പരേഡ് ഗ്രൗണ്ടിൽ നടക്കുന്ന റിഹേഴ്സൽ പരേഡിൽ പങ്കെടുക്കുന്ന പൊലീസ് സേനാംഗങ്ങൾ

ഒരുക്കം ഒടുപടി മുന്നേ... ശബരിമല മണ്ഡലകാല ഉത്സവവും സ്വർണപ്പാളി വിവാദവുമൊക്കെയായി അടുത്തിടെ ജില്ലയിലെ പൊലീസുകാർക്ക് വിശ്രമമില്ല. യൂണിഫോമും തോക്കുമായി റോഡ് മുറിച്ചുകടക്കുന്ന് ജില്ലാ പൊലീസ് മേധാവിയുടെ ഓഫീസിലേക്ക് പോകുന്ന പത്തനംതിട്ട എ.ആർ ക്യാമ്പിലെ പൊലീസുകാർ.

കൈവരിയല്ലിത് കൈപ്പിഴ... കൈപ്പട്ടൂർ പാലത്തിന്റെ കൈവരികൾ തകർന്നിട്ട് വർഷങ്ങളായി. ആദ്യം കമ്പുകൾ കെട്ടിവച്ച് മുൻകരുതൽ നൽകിയെങ്കിൽ, പിന്നീട് ചുവപ്പ് റിബണിലേക്കായി മാറ്റം. ഇപ്പോൾ രണ്ട് ഫ്ളക്സ് ബോർഡുകൾ വച്ച് മറച്ചിരിക്കുന്നു

കുട്ടികൾക്ക് വാങ്ങാൻ പുതിയ രീതിയിലുള്ള കളിപ്പാട്ടങ്ങളൂം ടോയ്‌സ് ഷോപ്പുകളും സജീവമാണെങ്കിലും ഇപ്പോഴും പഴയകാലത്തെ മധുരിക്കുന്ന ഓർമ്മയുമായി ചിന്തിക്കടകളും ഉണ്ട്.കഴിഞ്ഞ 45 വർഷമായി ഉത്സവങ്ങൾക്കും പെരുന്നാളിനും വിവിധ സ്ഥലങ്ങളിൽ പോയി ചിന്തിക്കട നടുത്തുന്ന ആലപ്പുഴ മുഹമ്മ സ്വദേശി രാമചന്ദ്രൻ.കോട്ടയം നഗരത്തിൽ നിന്നുള്ള കാഴ്ച

സൂര്യോദയത്തിന്റെ പശ്ചാത്തലത്തിൽ ചെറുവള്ളവുമായി കടന്ന് പോകുന്ന മത്സ്യത്തൊഴിലാളി. എറണാകുളം മട്ടാഞ്ചേരി ഹാർബർ പാലത്തിൽ നിന്നുള്ള കാഴ്ച.

തൃശൂരിൽ സംഘടിപ്പിച്ച സംസ്ഥാന സ്കൂൾ കലോത്സവത്തിൽ ഹയർ സെക്കൻഡറി വിഭാഗം കൂടിയാട്ടത്തിൽ ഏ ഗ്രേഡ് നേടിയ എസ്.സി. എച്ച്.എസ്.എസി റാന്നി പത്തനംതിട്ടയുടെ മത്സരാർത്ഥിളുടെ പ്രകടനം

യാർഡിൽ 'അള്ള്' ഫ്രീ... തിരുവല്ല കെ.എസ്.ആർ.ടി.സി ബസ് സ്റ്റാൻഡിലെ അശാസ്ത്രീയ നിർമ്മാണം മൂലം യാഡിൽ വെള്ളം കെട്ടിക്കിടക്കുന്നു. 2. ഇന്റർ ലോക്ക് കട്ടകൾ ഇളക്കി ക്രമപ്പടുത്തുന്നു. 3. നിർമ്മാണം മുടങ്ങിയതോടെ ഇന്റർലോക്കുകൾ ചിതറിക്കിടക്കുന്നു. 4. ബസുകൾ കയറിയിറങ്ങുമ്പോൾ ഇന്റർലോക്ക് പൊട്ടി ടയറുകൾക്കിടയിൽ കുടുങ്ങുന്നു.

TRENDING THIS WEEK

തൃശൂർ ചേലക്കരയിൽ സംഘടിപ്പിച്ച എൽഡി എഫ് തെക്കൻ മേഖല വികസന മുന്നേറ്റ ജാഥ യുടെ ഉദ്ഘാടനം മുഖ്യമന്ത്രി പിണറായി വിജയൻ ജാഥക്യാപ്റ്റൻ സിപിഐ സംസ്ഥാന സെക്രട്ടറി ബിനോയ് വിശ്വത്തിന് ഉപഹാരം നൽകി കൊണ്ട് നിർവഹിക്കുന്നു ജാഥ മാനേജർ എം.സ്വരാജ്, കെ.വി അബ്ദുൾ ഖാദർ, സി.എസ് സുജാത, യൂജിൻ മോറേലി ,കെ.രാധാകൃഷണൻ എം.പി തുടങ്ങിയവർ സമീപം

ഭാഗവതഹംസം മള്ളിയൂർ ശങ്കരൻ നമ്പൂതിരിയുടെ 105-ാംജയന്തി അനുസ്മരണം നടുവിൽ മഠം അച്യുത ഭാരതി സ്വാമിയാർ ഉദ്ഘാടനം ചെയ്യുന്നു. മള്ളിയൂർ ദിവാകരൻ നമ്പൂതിരി, മള്ളിയൂർ പരമേശ്വരൻ നമ്പൂതിരി, വെണ്മണി കൃഷ്ണൻ നമ്പൂതിരി, നാഷണൽ കൗൺസിൽ ഓഫ് ഇന്ത്യ, സ്പെഷ്യൽ അഡ്വൈസർ ജയശങ്കർ രാജഗോപാൽ,പന്തളം കൊട്ടാരം പുണർതം തിരുനാൾ നാരായണ വർമ്മ തമ്പുരാൻ,നാദസ്വര വിദ്വാൻ തിരുവിഴ ജയശങ്കർ,ശ്രീരാമകൃഷ്ണ അയ്യർ എന്നിവർ സമീപം

ഇങ്ങനെ ചൂടാകല്ലേ... വല്ലാത്ത ചൂടാണ്. . കൊടും വെയിലിൽ വീടിന് പുറത്തിറങ്ങിയാൽ ചുട്ടുപൊള്ളും. കുടയുണ്ടായിട്ടും കാര്യമില്ല. കുടയില്ലാത്തവരുടെ കാര്യം പിന്നെ പറയണോ. വെയിലിൽ നിന്ന് രക്ഷനേടാൻ ശ്രമിക്കുന്ന വഴിയാത്രക്കാർ. പത്തനംതിട്ട നഗരത്തിൽ നിന്നുള്ള കാഴ്ച.

സി.എം.എഫ്.ആർ.ഐ 79 സ്ഥാപക ദിനാഘോ ഷത്തിന്റെ ഭാഗമായി നടന്ന ഓപ്പൺ ഹൗസ് പ്രദർശനത്തിൽ തിമിംഗലത്തിന്റെ അസ്ഥിക്കുടം നോക്കികാണുന്ന കുട്ടികൾ.

തൃശൂർ ചേലക്കരയിൽ സംഘടിപ്പിച്ച എൽഡി എഫ് തെക്കൻ മേഖല വികസന മുന്നേറ്റ ജാഥ യുടെ ഉദ്ഘാടനം ചെയ്യാനെത്തിയ മുഖ്യമന്ത്രി പിണറായി വിജയനും ജാഥക്യാപ്റ്റൻ സിപിഐ സംസ്ഥാന സെക്രട്ടറി ബിനോയ് വിശ്വം എന്നിവർ വേദിയിൽ

കോഴിക്കോട് ഇൻഡോർ സ്റ്റേഡിയത്തിൽ നടന്ന ബോഡി ബിൽഡിംഗ്‌ ആൻഡ് ഫിറ്റ്നസ് അസോസിയേഷൻ കോഴിക്കോട് സംഘടിപ്പിച്ച മിസ്റ്റർ ആൻഡ് മിസ് കോഴിക്കോട് ബോഡി ബിൽഡിംഗ്‌ ചാമ്പ്യൻഷിപ്പിൽ നിന്ന്.

മള്ളിയൂർ ശ്രീ മഹാഗണപതി ക്ഷേത്രത്തിൽ നടന്ന ചടങ്ങിൽ മള്ളിയൂർ ഗണേശ‌ പുരസ്കാരം നാദസ്വര വിദ്വാൻ തിരുവിഴ ജയശങ്കറിന് മള്ളിയൂർ പരമേശ്വരൻ നമ്പൂതിരി സമർപ്പിക്കുന്നു. മള്ളിയൂർ ദിവാകരൻ നമ്പൂതിരി, വെണ്മണി കൃഷ്ണൻ നമ്പൂതിരി, ജയശങ്കർ രാജഗോപാൽ,പന്തളം കൊട്ടാരം പുണർതം തിരുനാൾ നാരായണ വർമ്മ തമ്പുരാൻ, നടുവിൽ മഠം അച്യുത ഭാരതി സ്വാമിയാർ,ശ്രീരാമകൃഷ്ണ അയ്യർ എന്നിവർ സമീപം

© Copyright Keralakaumudi Online