SHOOT @ SIGHT | Latest News Photos | Kerala

HOME / GALLERY / SHOOT @ SIGHT

എസ്.എസ്.എൽ.സി പരീക്ഷ കഴിഞ്ഞിറങ്ങിയ കോഴിക്കോട് ബി.ഇ.എം ഹയർ സെക്കൻഡറി സ്കൂ‌ളിലെ വിദ്യാർത്ഥികൾ.

നെറ്റ്'വർക്ക് ഏരിയ...ഏറ്റുമാനൂർ മഹാദേവക്ഷേത്രത്തിലെ ഉത്സവത്തോടനുബന്ധിച്ച് കച്ചവടത്തിന് അതിഥി തൊഴിലാളികൾക്കൊപ്പമെത്തിയ കുട്ടികൾ പാതയോരത്ത് നെറ്റ് വിരിച്ചു കിടന്ന് മൊബൈലിൽ കളിക്കുന്നു.

തിരുവല്ലയിൽ നടക്കുന എം.ജി യൂണിവേഴ്സിറ്റി കലോത്സവത്തിൽ പെൺ കുട്ടികളുടെ ഭരതനാട്യ മത്സരത്തിന് കാത്തിരിക്കുന്ന മത്സരാർത്ഥി കൈയ്യി മുദ്രകൾ ചെയ്യിത് പരിശീലിക്കുന്നു.

കൂട്ടുകാർക്ക് മുന്നിൽ നിന്ന് തുടങ്ങാം----തിരുവല്ലയിൽ നടക്കുന എം.ജി യൂണിവേഴ്സിറ്റി കലോത്സവത്തിൽ മുൻസിപ്പൽ സ്റ്റേഡിയം കേരളം വേദിക്ക് സമീപത്തെ മരത്തണലിൽ കൂട്ടുകാർക്ക് മുന്നിൽ നൃത്തചുവടുകൾ വയ്ക്കുന്ന ഇടുക്കി സാലഗ്രാം ജവഹർലാൽ നെഹ്റു ഇൻസ്റ്റിറ്റൂട്ട് ഓഫ് ആട്സ് & സയൻസിലെ സൂരജ് ഷാജിയും അശ്വിൻ പ്രസാദും

എം.ജി കലോത്സവത്തിൽ മോഹിയാട്ടമത്സരം കഴിഞ്ഞ് വേദിവിട്ടിറങ്ങിയ കാഞ്ഞിരപ്പിള്ളി സിപാസ് ബി.എഡ് കോളേജിലെ നന്ദന പ്രസാദ് , സഹോദരി നയനയെ ആഭരണം അണിയിക്കുന്നു. കാഞ്ഞിരപ്പള്ളി സെന്റ് ഡോമിനിക്സ് കോളേജിലെ വിദ്യാർത്ഥിയായ നയനയും ചേച്ചിക്ക് പിന്നാലെ മോഹിനിയാട്ടം അവതരിപ്പിച്ചു.

ഫോട്ടോഗ്രഫി മത്സരമല്ല: തിരുവല്ലയിൽ നടക്കുന്ന എം.ജി യൂണിവേഴ്സിറ്റി കലോത്സവത്തിൽ വോളണ്ടിയർമാരായി എത്തിയ ആൻസ്.റ്റി.ജോണി കൂട്ടുകാരിയായ ആര്യാ വിജയന്റെ ചിത്രം ക്യാമറയിൽ പകർത്തുന്നു.

വർണ്ണച്ചിറകുകൾ വിരിച്ച്... ജനുവരി, ഫെബ്രുവരി മാസങ്ങളിൽ കേരളത്തിലെത്തുന്ന ദേശാടന പക്ഷിയാണ് വർണ്ണക്കൊക്ക് (Painted Stork). കുളനടയ്ക്ക് സമീപത്തുനിന്നുള്ള കാഴ്ച.

കോട്ടയം നഗരത്തിൽ നിന്നും ഇന്നലെ രാത്രിയിൽ ചന്ദ്രൻ്റെ കാഴ്ച

വലിച്ചുകീറി... കണ്ണൂരിൽ മന്ത്രി വീണാ ജോർജിനെതിരെ കെ.എസ്‌.യു പ്രവർത്തകർ നടത്തിയ അക്രമത്തിൽ പ്രതിഷേധിച്ച് ഡി.വൈ.എഫ്.ഐ കോട്ടയം ജില്ലാ കമ്മിറ്റിയുടെ നേതൃത്വത്തിൽ തിരുനക്കരയിൽ നടത്തിയ പ്രതിഷേധ പ്രകടനത്തിൽ യു.ഡി.എഫിന്റെ ഫ്ലക്സ് ബോർഡുകൾ പ്രവർത്തകർ തകർത്തപ്പോൾ.

പേരിനൊരു മഴ... വേനൽചൂട് ശക്തമായിരിക്കെ ആശ്വാസമെന്നപ്പോൾ പെയ്ത മഴയിൽ സ്കൂൾ ബസിൻ്റെ ചില്ലകളിൽ രൂപപ്പെട്ട ഈർപ്പത്തിൽ പേരുകൾ എഴുതുന്ന വിദ്യാർഥികൾ. കുമരകത്ത് നിന്നുള്ള കാഴ്ച.

വെയിലത്തും വാടാതെ വര... കത്തുന്ന ചൂടിലും കൈയിലെ ബ്രഷിന് വിശ്രമമില്ല. കുടയുടെ തണൽപറ്റി വടിവൊത്ത അക്ഷരത്തിൽ നിരത്തിൽ ചുവരെഴുതുന്ന ആർട്ടിസ്റ്റ് സജി. ഇലന്തൂരിൽ നിന്നുള്ള കാഴ്ച.

പെരിങ്ങുളം തണൽ ചാരിറ്റബിൾ സൊസൈറ്റി സംഘടിപ്പിച്ച അഖിലകേരള വടംവലി മത്സരം സംഗീതജ്ഞൻ സ്റ്റീഫൻ ദേവസ്സി വടംവലിച്ച് ഉദ്ഘാടനം ചെയ്യുന്നു.

ഇരുണ്ടുകൂടി, ഇടിച്ചുകുത്തി, നനഞ്ഞൊലിച്ച്... കത്തിക്കാളിയ വേനലിനെ തണുപ്പിച്ച് ഇന്നലെ വൈകിട്ട് പെയ്തിറങ്ങിയ വേനൽമഴയിലെ വിവിധ ദൃശ്യങ്ങൾ. പത്തനംതിട്ട നഗരത്തിൽ നിന്നുള്ള കാഴ്ച

നിശാഗന്ധി നൃത്തോത്സവത്തിൽ ആശാശരത്തും സംഘവും അവതരിപ്പിച്ച 'നൃത്ത സംഗീത ശില്പം അപരാജിത'.

ചുട്ടുപൊള്ളുമ്പൊഴും ചിട്ടയോടെ...ചുട്ടുപൊള്ളുന്ന ചൂടാണ്. പക്ഷേ ചിട്ടയോടെയാണ് ജോലി. വൈദ്യുതി തകരാറുണ്ടാകാതിരിക്കാൻ സദാസമയവും ജാഗ്രതയിലാണ്. വെയിലായാലും മഴയായാലും കെ.എസ്.ഇ.ബി ജീവനക്കാർക്ക് ജോലിയിൽ വിട്ടുവീഴ്ചയില്ല. ചൂടിനെ നേരിടാൻ കുപ്പിയിൽ കരുതിയ വെള്ളവുമായി വൈദ്യുത പോസ്റ്റിൽ ജോലിചെയ്യുന്നവർ. സീതത്തോട് ജംഗ്ഷനിൽ നിന്നുള്ള കാഴ്ച.

ചിരി മുഖ്യം... കോട്ടയം മെഡിക്കൽ കോളേജിൽ നടപ്പിലാക്കിയ വിവിധ പദ്ധതികളുടെ ഉദ്ഘാടനം ചെയ്തു മടങ്ങവെ കാറിൽ കയറിയ മുഖ്യമന്ത്രി പിണറായി വിജയൻ മാധ്യമപ്രവർത്തകരെ നോക്കി ചിരിക്കുന്നു.

പായൽ വസന്തം... വടവാതൂർ ബണ്ട് റോഡിന് സമീപം മീനന്തറയാറ്റിൽ റെഡ് കബോംബാ എന്നറിയപ്പെടുന്ന പായൽ പൂവിട്ടപ്പോൾ.

പത്തനംതിട്ട അവയവ ദാനം ചെയ്ത പത്ത് മാസം പ്രായമുള്ള ആലിൻ ഷെറിൻ ഏബ്രഹാമിന്റെ മൃതദേഹം നെടുങ്ങാടപ്പള്ളി സി.എസ്.ഐ സെന്റ് തോമസ് പള്ളി മുറ്റത്ത് സംസ്ഥാന സർക്കാറിന്റെ ഔദ്യോഗിക ബഹുമതികൾ നൽകുന്നു.മന്ത്രി വീണാ ജോർജ്,എം.എൽ.എ മാത്യൂ.ടി.തോമസ് മാതാപിതാക്കളായ ഷെറിൻ,അരുൺ,വൈദിക മേലദ്ധ്യക്ഷൻമാർ എന്നിവർ സമീപം.

മെലിഞ്ഞൊഴുകി... കൊടുംവേനലാണ്. നിറഞ്ഞൊഴുകിയിരുന്ന പമ്പാനദി ഇന്ന് മണൽപ്പരപ്പിനിടയിലൂടെ നീർച്ചാലുകളാവുകയാണ്. അപ്പോഴും മീൻപിടിക്കാനും വെള്ളം ശേഖരിക്കാനും എത്തുന്നവർ. പത്തനംതിട്ട വാഴക്കുന്നം അക്വഡേറ്റിൽ നിന്നുള്ള കാഴ്ച.

അനിയാ നിൽ.. മോട്ടോർ വാഹന വകുപ്പിന്റെ ട്രാഫിക് ബോധവത്ക്കരണ ഐക്കൺ ആയ മോട്ടു ആന കോഴിക്കോട് എരഞ്ഞിപ്പാലത്ത് എത്തിയപ്പോൾ കഴിഞ്ഞ ദിവസം താൻ വണ്ടി തടഞ്ഞത് കാണിച്ച് കൊടുക്കുന്ന പ്രഭാവതി അമ്മ. കഴിഞ്ഞ ദിവസമാണ് ഫുട്പാത്തിലൂടെ സ്‌കൂട്ടറോടിച്ചെത്തിയയാളെ തടഞ്ഞ് തിരിച്ചയച്ചതിലൂടെ ശ്രദ്ധ നേടിയത്. ഈ സംഭവം കണ്ടു നിന്ന കണ്ടന്റ് ക്രിയേറ്റർ വീഡിയോ പകർത്തിയതേടെ പ്രഭാവതി അമ്മ വൈറലായിരുന്നു

TRENDING THIS WEEK

കേരളകൗമുദി 115-)o വാർഷികത്തിന്റെ ഭാഗമായി പൂഞ്ഞാർ സെന്റ്.ആന്റണീസ് ഹയർ സെക്കൻഡറി സ്‌കൂൾ ഗ്രൗണ്ടിൽ സംഘടിപ്പിച്ച ഈവ് 2കെ 26 ൽ സംഗീതജ്ഞൻ സ്റ്റീഫൻ ദേവസ്സി സംഗീത പരിപാടി അവതരിപ്പിച്ചപ്പോൾ കാണികൾ മൊബൈൽ ഫോൺ തെളിക്കുന്നു

എറണാകുളം കലൂർ ജവഹർ ലാൽ നെഹ്‌റു സ്റ്റേഡിയത്തിൽ നടന്ന ഐഎസ്എൽ മത്സരത്തിൽ ചെന്നൈയിൻ എഫ്. സിയും കേരള ബ്ലാസ്റ്റേഴ്‌സും ഏറ്റുമുട്ടിയപ്പോൾ

രാഹുൽ ഗാന്ധിയുമായിവി.ഡി.സതീശൻ സംഭാഷണത്തിലേർപ്പെട്ടപ്പോൾ മുൻ പ്രതിപക്ഷ നേതാവ് രമേശ് ചെന്നിത്തലയുമായി സംഘടനാ ചുമതലയുള്ള ജനറൽ സെക്രട്ടറി കെ.സി.വേണുഗോപാൽ സംഭാഷണത്തിൽ

തിരുവനന്തപുരം പുത്തരിക്കണ്ടം മൈതാനത്തിൽ നടന്ന പുതുയുഗ യാത്രയുടെ സമാപന സമ്മേളനത്തിൽ യു.ഡി.എഫ് സർക്കാർ അധികാരത്തിലെത്തിയാൽ നടപ്പാക്കാനുദ്ദേശിക്കുന്ന ഇന്ദിരാ ഗ്യാരന്റി പദ്ധതികളുടെ പ്രഖ്യാപനത്തിന് ശേഷം കാർഡ് അടുക്കി വെക്കുന്ന പ്രതിപക്ഷ നേതാവ് വി.ഡി സതീശൻ. ഐ.സി.സി ജനറൽ സെക്രട്ടറി സച്ചിൻ പൈലറ്റ് എം.എൽ.എ,മുൻ പ്രതിപക്ഷ നേതാവ് രമേശ് ചെന്നിത്തല, ലോക് സഭാ പ്രതിപക്ഷ നേതാവ് രാഹുൽ ഗാന്ധി, എ.ഐ.സി.സി ജനറൽ സെക്രട്ടറി കെ.സി.വേണുഗോപാൽ എം.പി, കെ.പി.സി.സി പ്രസിഡന്റ് സണ്ണി ജോസഫ് എം.എൽ.എ, പ്രതിപക്ഷ ഉപനേതാവ് പി.കെ.കുഞ്ഞാലികുട്ടി എന്നിവർ സമീപം

കോട്ടയം കളിയരങ്ങിന്റെ ആഭിമുഖ്യത്തിൽ തിരുനക്കര തൃക്കൈക്കാട്ട് സ്വാമിയാര്‍ മഠത്തില്‍ ശരത് നരായണന്‍ ലക്കിടി കലാമണ്ഡലം രാഹുല്‍ ടി.എസ്, മാര്‍ഗി മഹേഷ്, സദനം വിനോദ്, കിള്ളിക്കുറിശ്ശിമംഗലം കൃഷ്ണരാജ്,ശിവപ്രസാദ് എന്നിവര്‍ നടത്തിയ മിഴാവില്‍ തായമ്പക

കേരളകൗമുദി 115-)o വാർഷികത്തിന്റെ ഭാഗമായി പൂഞ്ഞാർ സെന്റ്.ആന്റണീസ് ഹയർ സെക്കൻഡറി സ്‌കൂൾ ഗ്രൗണ്ടിൽ സംഘടിപ്പിച്ച ഈവ് 2കെ 26ൽ സംഗീതജ്ഞൻ സ്റ്റീഫൻ ദേവസ്സി സംഗീത പരിപാടി അവതരിപ്പിക്കുന്നു

എൽ.ഡി.എഫ് എറണാകുളം ജില്ലാ കമ്മിറ്റി എറണാകുളം മറൈൻഡ്രൈവിൽ സംഘടിപ്പിച്ച യുദ്ധവിരുദ്ധ സദസ് മുഖ്യമന്ത്രി പിണറായി വിജയൻ ഉദ്ഘാടനം ചെയ്യുന്നു

© Copyright Keralakaumudi Online