SHOOT @ SIGHT | Latest News Photos | Kerala

HOME / GALLERY / SHOOT @ SIGHT

പത്തനംതിട്ട ജില്ലാ സ്കൂൾ കലോത്സവത്തിൽ യു.പി വിഭാഗം ഭരതനാട്യ വേദിയിൽ മത്സരത്തിന് ശേഷം അമ്മയുടെ നെഞ്ചിൽ ചാഞ്ഞ് മറ്റ് മത്സരാ‌ർത്ഥികളുടെ പ്രകടനം കാണുന്നതിനിടയിൽ ക്ഷീണത്താൽ ഉറങ്ങിപ്പോയ ഉള്ളന്നൂർ ആർ.അർ.യു.പി.എസ് ലെ അക്ഷിത.സി.ആർ.അമ്മ ചിത്തിര.സി.ചന്ദ്രൻ കുളനട പഞ്ചായത്ത് പ്രസിഡന്റാണ്.

താരാട്ട് മുദ്ര... കോട്ടയത്ത് നടക്കുന്ന റവന്യൂ ജില്ലാ കലോത്സവത്തിൽ യു.പി വിഭാഗം ഭരതനാട്യ മത്സരത്തിനെത്തിയ ശ്രിത അനിൽ കൂടെ വന്ന സുഹൃത്തിൻ്റ നാലുമാസം പ്രായമുള്ള കുട്ടിയെ ഗ്രീൻ റൂമിൽ കിടത്തി ലാളിക്കുന്നു.

ഭാവം പാകത്തിന്... കോട്ടയത്ത് നടക്കുന്ന റവന്യൂ ജില്ലാ കലോത്സവത്തൽ ഹയർസെക്കൻഡറി വിഭാഗം കുച്ചിപ്പുടിയിൽ ഒന്നാം സ്ഥാനം നേടിയ വാകത്താനം ജെ.എം എച്ച്.എസ്.എസിലെ അലക്സ് പി. തങ്കച്ചനൊപ്പം കലോത്സവത്തിന് പാചകത്തൊഴിലാളിയായെത്തിയ സുധ ചുവട് വച്ചപ്പോൾ. ലത,ശുഭ എന്നിവർ സമീപം.

കളിക്കല്ലേ മൈക്കേ...കോട്ടയത്ത് നടക്കുന്ന റവന്യൂ ജില്ലാ കലോത്സവത്തിൽ ഹൈസ്കൂൾ വിഭാഗം പൂരക്കളി മത്സരത്തിനിടെ വേദിയിൽ സ്ഥാപിച്ചിരുന്ന മൈക്കിൽ കൈതട്ടിയപ്പോഴുള്ള മത്സരാർത്ഥിയുടെ ഭാവങ്ങൾ

ശരണ വീഥിയിൽ...ശബരിമല ദർശനത്തിനായി പുല്ലുമേട്ടിൽ നിന്ന് കാനനപാതയിലൂടെ സന്നിധാനത്തേക്ക് പോകുന്ന തീർത്ഥാടകർ.

ശരണം എന്നയ്യപ്പാ...ശബരിമല ദർശനത്തിനായി പുല്ലുമേട്ടിൽ നിന്ന് കഠിനമായ കാനനപാതയിലൂടെ സന്നിധാനത്തേക്ക് പോകുന്ന തീർത്ഥാടകർ. ഇടവിട്ടുള്ള മഴയെത്തുടർന്ന് വഴുക്കലുള്ള പാറയും കുത്തിറക്കവും കയറ്റവും താണ്ടി വേണം സന്നിധാനത്ത് എത്തിച്ചേരാൻ.

പുല്ലുമേട്ടിൽ ശബരിമല തീർത്ഥാടകർക്ക് കൗതുകമുണർത്തി പുൽമേട്ടിൽ മേയുന്ന ആനക്കൂട്ടം

നൂറുമേനിക്കായി... മാനമറിഞ്ഞ് വിളവിറക്കിയാൽ നൂറുമേനി കൊയ്യാം ട്രാക്ടർ ഉപയോഗിച്ച് പാടം ഉഴുന്ന കർഷകൻ. കണിമംഗലത്ത് നിന്നുള്ള കാഴ്ച.

വർണ്ണ കൊക്കുകൾ... കോട്ടയം നാട്ടകം പാറേച്ചാൽ ബൈപാസ് റോഡിന് സമീപത്തെ പാടശേഖരത്തിൽ നിന്ന് പറന്നുപോകുന്ന വർണ്ണ കൊക്കുകൾ.

ഉറൂസിനോടനുബന്ധിച്ച് വൈദ്യുത ദീപാലംകൃതമാക്കിയ ബീമാപള്ളി ദർഗ്ഗ ഷെരീഫ്.

റീൽസ് കാലം.... കോട്ടയം കളക്ട്രേറ്റിൽ സാമ നിർദ്ദേശ പത്രക സമർപ്പിക്കാനെത്തിയ സ്ഥാനാർത്ഥിക്കുവേണ്ടി റീൽസ് എടുക്കുന്ന ഫോട്ടോഗ്രാഫർ.ഇപ്പോൾ റീൽസ് തരംഗം ആയത് കൊണ്ട് നല്ലപോലെ റീൽസ് എടുക്കാൻ കഴിവുള്ള ഫോട്ടോഗ്രാഫർമാരെയും കൂട്ടിയാണ് സ്ഥാനാർത്ഥികൾ പോകുന്നത്

ഹാപ്പി യാത്ര... റോട്ടറി ഡിസ്ട്രിക്ട് 3205ന്റെ നേതൃത്വത്തിൽ ഭിന്നശേഷി കുട്ടികൾക്കായി സംഘടിപ്പിച്ച സാന്താ റണ്ണിൽ കെ.എസ്.ആർ.ടി.സി ഡബിൾ ഡക്കർ ബസിൽ നഗരയാത്ര നടത്തുന്നതിനായി കലൂർ നെഹ്രു സ്റ്റേഡിയത്തിൽ നിന്ന് പുറപ്പെട്ടപ്പോൾ.

കൂടെവിടെ... എറണാകുളം ഐ.ജി ഓഫീസിന് മുന്നിൽ നിന്നിരുന്ന മരങ്ങൾ വെട്ടിമാറ്റിയതോടെ അതുവഴി കടന്ന് പോകുന്നവർക്കുള്ള തണലും, അവിടെ വസിച്ചിരുന്ന പക്ഷികൾക്ക് കൂടും ഇല്ലാതെയായി. വെട്ടിമാറ്റിയ മരത്തിന്റെ അവശേഷിക്കുന്ന ചില്ലകൾക്ക് ചുറ്റും വട്ടമിട്ട് പറക്കുന്ന പക്ഷി.

പ്രകൃതിയുടെ നിഴൽരൂപം.....ഇലകളും ശാഖകളും ശാന്തമായ ഒരു സൂര്യാസ്തമയത്തെ രൂപപ്പെടുത്തുന്നു, സൂര്യൻ ചക്രവാളത്തിന് പിന്നിൽ മറയുമ്പോൾ നാടകീയമായ നിഴലുകൾ വീഴ്ത്തുന്നു,പകൽ അതിന്റെ അന്തിമ വിടവാങ്ങൽ പറയുമ്പോൾ ഒരു ഒറ്റപ്പെട്ട പക്ഷി ഇലകൾക്കിടയിൽ വിശ്രമിക്കുന്നു . കോഴിക്കോട് ബീച്ചിൽ നിന്നുള്ള ദൃശ്യം.

വൃശ്ചിക പുലരിയിൽ താഴെ തിരുമുറ്റത്ത് അനുഭവപ്പെട്ട തിരക്കിൽ പെടാതെ കുട്ടിയെ ഉയർത്തി പിടിച്ചപ്പോൾ.

കാലങ്ങളായി അടഞ്ഞുകിടന്ന് നശിക്കുന്ന കോഴിക്കോട് ലയൺസ് പാർക്കിലെ സിംഹ പ്രതിമയ്ക്ക് മുകളിൽ കയറി കളിക്കുന്ന ഇതരസംസ്ഥാന തൊഴിലാളികളുടെ കുട്ടികൾ.

അഴകാ......അഴകാ എന്ന വിളികേട്ടാൽ ഈ മയിൽ എവിടെയായാലും പറന്ന് ആര്യങ്കാവ് ക്ഷേത്രമുറ്റത്തെത്തും ക്ഷേത്രപരിസരത്ത് പൂജാ ദ്രവ്യങ്ങൾ വിൽക്കുന്ന ഇന്ദിര അമ്മയുടെ പ്രിയപ്പെട്ടവനാണ്. ക്ഷേത്രമുറ്റത്തെ ആൽമരത്തണലിൽ ഇന്ദിരമ്മയുടെ കൈയിൽ നിന്ന് കടല കഴിക്കുന്ന മയിൽ.

മണ്ണറിഞ്ഞവരുടെ മനസ് അറിയാൻ......നഗരസഭ മുണ്ടുകോട്ടയ്ക്കൽ ഒന്നാംവാർഡിലെ യു.ഡി.എഫ് സ്ഥാനാർത്ഥി സജി.കെ.സൈമൺ കർഷകർക്കിടയിൽ വോട്ട് അഭ്യർത്ഥിക്കുന്നു.

കൊയ്ത്ത് കഴിഞ്ഞ പാടത്ത് സൈക്കിൾ ചവിട്ടി അവധി ദിനം ആഘോഷിക്കുന്ന കുട്ടികൾ. ആലപ്പുഴ കൈനകരിയിൽ നിന്നുള്ള ദൃശ്യം

എറണാകുളം ബോൾഗാട്ടി വാട്ടർഡ്രോമിന് സമീപം ചെറുവള്ളത്തിൽ വീശ് വല ഉപയോഗിച്ച് മത്സ്യബന്ധനം നടത്തുന്ന മത്സ്യത്തൊഴിലാളികൾ.

TRENDING THIS WEEK

കോട്ടയത്ത് നടക്കുന്ന റവന്യൂ ജില്ലാ കലോത്സവത്തിൽ ഹൈസ്കൂൾ വിഭാഗം യക്ഷഗാനത്തിൽ ഒന്നാം സ്ഥാനം നേടിയ എൻ.എസ്.എസ് എച്ച്.എസ്.എസ് കിടങ്ങൂർ ടീം

ഭാവം വിടർത്തി...കോട്ടയത്ത് നടക്കുന്ന റവന്യൂ ജില്ലാ കലോത്സവത്തിൽ ഹയർസെക്കൻഡറി വിഭാഗം മോഹിനിയാട്ടത്തിൽ ഒന്നാം സ്ഥാനം നേടിയ കാഞ്ഞിരപ്പള്ളി എ.കെ.ജെ.എം എച്ച്.എസ്.എസിലെ അഭിരാമി മോഹൻ സെൻറ് ജോസഫ് സ്കൂളിലെ സെൽഫി പോയിന്റിൽ.

ആനന്ദമോഹിനി... ഹൈസ്കൂൾ വിഭാഗം മോഹിനിയാട്ടത്തിന്റെ മത്സരഫലം അനൗൺസ് ചെയ്തപ്പോൾ ഒന്നാം സ്ഥാനം നേടിയതറിഞ്ഞ് ആനന്ദക്കണ്ണീരൊഴുക്കുന്ന വാഴപ്പള്ളി ഗവ. എച്ച്.എസ്.എസിലെ തീർത്ഥ വിജയകുമാറും,ആനന്ദം പങ്കിടുന്ന അമ്മ ആർ.എൽ.വി ഗായത്രിയും സ്കൂൾ അദ്ധ്യാപിക സീതാലക്ഷ്മിയും.

കോട്ടയത്ത് നടക്കുന്ന റവന്യൂ ജില്ലാ കലോത്സവത്തിൽ ഹൈസ്കൂൾ വിഭാഗം മോഹിനിയാട്ടത്തിൽ ഒന്നാം സ്ഥാനം നേടിയ തീർത്ഥ വിജയകുമാർ. ഗവ.എച്ച്.എസ് വാഴപ്പള്ളി

തിരുവനന്തപുരം ഗവൺമെന്റ് വിമൻസ് കോളേജ് ആഡിറ്റോറിയത്തിൽ നടന്ന കേരള ചരിത്ര കോൺഗ്രസ് പത്താമത് അന്താരഷ്ട്ര വാർഷിക സമ്മേളനത്തിന്റെ ഉദ്ഘാടനത്തിനെത്തിയ മുഖ്യമന്ത്രി പിണറായി വിജയൻ.വി .കെ പ്രശാന്ത് എം .എൽ .എ ,പ്രൊഫ .വി .കാർത്തികേയൻ നായർ എന്നിവർ സമീപം

തിരുവനന്തപുരം ഗവൺമെന്റ് വിമൻസ് കോളേജ് ആഡിറ്റോറിയത്തിൽ നടന്ന കേരള ചരിത്ര കോൺഗ്രസ് പത്താമത് അന്താരഷ്ട്ര വാർഷിക സമ്മേളനത്തിന്റെ ഉദ്ഘാടനത്തിന് ശേഷംമടങ്ങിയ മുഖ്യമന്ത്രി പിണറായി വിജയൻ രാഹുൽ മാങ്കൂട്ടത്തിൽ വിഷയത്തിൽ പ്രതികരണം ആവശ്യപ്പെട്ട് ബൈറ്റിനായി അടുത്ത മാദ്ധ്യമ പ്രവർത്തകരോട് പ്രതികരിക്കാതെ വാഹനത്തിലേക്ക് പോകുന്നു .എം .എൽ .എ വി .കെ പ്രശാന്ത് സമീപം

കോട്ടയം റവന്യു ജില്ലാ സ്കൂൾ കലോത്സവത്തിൽ ഹൈസ്കൂൾ വിഭാഗം കൂടിയാട്ടത്തിൽ ഒന്നാം സ്ഥാനം നേടിയ ഡി.വി.വി എച്ച്.എസ്.എസ് കുമാരനല്ലൂർ

കോട്ടയത്ത് നടക്കുന്ന റവന്യൂ ജില്ലാ കലോത്സവത്തിൽ ഹൈസ്കൂൾ വിഭാഗം പൂരക്കളിയിൽ ഒന്നാം സ്ഥാനം നേടിയ എൻ.എസ്.എസ് എച്ച്.എസ്.എസ് കിടങ്ങൂർ ടീം

© Copyright Keralakaumudi Online