വെറും അഞ്ച് മിനിട്ട് മതി, താരന്റെ പൊടി പോലും കാണില്ല; മടിയുള്ളവർക്ക് വേണ്ടിയുള്ള ഈ ഒറ്റമൂലി ഒന്ന് പരീക്ഷിച്ച് നോക്കൂ

മുടിയുമായി ബന്ധപ്പെട്ട് പല തരത്തിലുള്ള പ്രശ്നങ്ങൾ സ്ത്രീകളും പുരുഷന്മാരും അനുഭവിക്കാറുണ്ട്. അതിൽ പ്രധാനപ്പെട്ട ഒന്നാണ് താരൻ. ഈ പ്രശ്നത്തിന് പരിഹാരമായി പല മാർഗങ്ങളും പരീക്ഷിച്ച് മടുത്തിട്ടുണ്ടാവുമല്ലേ. എങ്കിൽ ഇനി വിഷമിക്കണ്ട. ഈ ഒരു കാര്യം മാത്രം ചെയ്താൽ മതി. വെറും ഒറ്റ ഉപയോഗത്തിൽ താരൻ മാറുന്നത് നിങ്ങൾക്ക് കാണാൻ സാധിക്കും. എത്ര മടിയുള്ളവർക്കും വെറും അഞ്ച് മിനിട്ടിൽ വീട്ടിൽ തന്നെയുള്ള സാധനങ്ങൾ വച്ച് ചെയ്യാം എന്നതും ഇതിന്റെ പ്രത്യേകതയാണ്. ഈ മിശ്രിതം തയ്യാറാക്കുന്നത് എങ്ങനെയെന്ന് നോക്കാം.

ആവശ്യമായ സാധനങ്ങൾ

വെളിച്ചെണ്ണ- 4 ടേബിൾസ്പൂൺ

നാരങ്ങ - 1

തയ്യാറാക്കുന്ന വിധം

ഒരു പാത്രത്തിൽ വെള്ളം തിളപ്പിക്കുക. അതിലേയ്ക്ക് ഒരു ചെറിയ പാത്രം വച്ച് വെളിച്ചെണ്ണ ഒഴിച്ച് ഡബിൾ ബോയിൽ ചെയ്തെടുക്കുക. ചെറിയ ചൂടുള്ള വെളിച്ചെണ്ണയിൽ നാരങ്ങാനീര് ചേർത്ത് നന്നായി യോജിപ്പിക്കുക. ശേഷം തലയോട്ടിയിൽ എല്ലാ ഭാഗത്തും നന്നായി തേച്ച് പിടിപ്പിക്കുക. 20 മിനിട്ടിന് ശേഷം കഴുകി കളയാവുന്നതാണ്. ഇത് ആഴ്ചയിൽ ഒരു പ്രാവശ്യം മാത്രം ചെയ്യുന്നതാണ് നല്ലത്.