മുംബയ്: വീട്ടുകാർ വിവാഹത്തിന് സമ്മതിക്കാത്തതിൽ മനംനൊന്ത് കമിതാക്കൾ ജീവനൊടുക്കി. മുംബയിലെ സാമന്ത നഗറിലാണ് സംഭവം. ആകാശ് ജാതെയും അയൽവാസിയും കാമുകിയുമായ പതിനാറുകാരിയുമാണ് മലയിൽ നിന്ന് ചാടി ജീവനൊടുക്കിയത്. ആകാശിന് കൂലിപ്പണിയാണ്.

ഇന്നലെ ഉച്ചയോടെ സാമന്ത ഭാഗത്താണ് ഇരുവരുടെയും മൃതദേഹം കണ്ടെത്തിയതെന്ന് പൊലീസ് അറിയിച്ചു. ബന്ധുക്കൾ മൃതദേഹം തിരിച്ചറിഞ്ഞിട്ടുണ്ടെന്നും തുടർന്ന് പോസ്റ്റ്‌മോർട്ടത്തിനായി ആശുപത്രിയിലേക്ക് മാറ്റിയിട്ടുണ്ടെന്നും പൊലീസുകാർ വ്യക്തമാക്കി.

വ്യാഴാഴ്ച രാത്രി പെൺകുട്ടി വീട്ടിലുണ്ടായിരുന്നു. വെള്ളിയാഴ്ച പുലർച്ചെ മുതലാണ് കാണാതായത്. മകളെ തട്ടിക്കൊണ്ടുപോയെന്നായിരുന്നു കുടുംബത്തിന്റെ ആരോപണം. താൻ ഇവിടം വിട്ട് പോകുകയാണെന്നും മടങ്ങി വരില്ലെന്നും കാണിച്ച് വീട്ടുകാർക്ക് യുവാവ് സന്ദേശമയച്ചിരുന്നു.