പു​ത്തൻ​ച​ന്തയുടെ പ്രശ്‌നം പഴയതാണ്

കൊ​ല്ലം : പേ​രിൽ പു​തു​മ​യു​ണ്ടെ​ങ്കി​ലും പു​ത്തൻ​ച​ന്ത ഇ​പ്പോ​ഴും പഴയ അസൗകര്യങ്ങൾക്ക് നടുവിലാണ്. കൊ​ല്ലം കോർ​പ​റേ​ഷ​ന്റെ 24, 30 ഡി​വ​ഷ​നു​ക​ളാ​യ കി​ളി​കൊ​ല്ലൂ​രും കോ​ളേ​ജ് ഡി​വി​ഷ​നും അ​തി​രി​ടു​ന്ന പ​ഴ​മ​ക്കാ​രു​ടെ ത​ട്ടാ​മ​ല ച​ന്ത​യാ​ണ് അടുത്തിടെ പു​ത്തൻ​ച​ന്ത​യാ​യ​ത്.

പേ​രി​ലെ പു​തു​മ കേട്ട് ചന്തയിൽ ചെ​ന്നാൽ എത്തുന്നത് വീർപ്പുമുട്ടലിന്റെ കേ​ന്ദ്രത്തിലാകും.

സ്ഥ​ല പ​രി​മി​തി​യാ​ണ് ഇവിടത്തെ പ്രധാന പ്രശ്‌നം.

റോ​ഡി​നോ​ട് ചേർ​ന്ന് ഇ​റ​ക്കി​യ ത​ട്ടി​ലാ​ണ് കച്ചവടത്തിനായി മീൻ നി​ര​ത്തി​യി​രി​ക്കു​ന്ന​ത്. ആ​ദ്യം ഒ​രു കു​ട്ട മീ​നിൽ തു​ട​ങ്ങി​യ​ത് ഇപ്പോൾ പലതായി. മ​ത്സ്യ​ത്തിന് പി​ന്നാ​ലെ പ​ച്ച​ക്ക​റി​യും പ​ഴ​ങ്ങളുമെത്തി. ഇ​പ്പോൾ വീ​ട്ടി​ലു​ണ്ടാ​ക്കു​ന്ന പ​ല​ഹാ​ര​ങ്ങൾ ഉൾ​പ്പ​ടെ സ​ജീ​വ​മാ​ണ് ഈ വാണിഭ കേന്ദ്രം.

നി​ത്യ​വും രാ​വി​ലെ പ​ത്തി​ന് തു​ട​ങ്ങി ഉ​ച്ച​വെ​യി​ലി​ന് മുമ്പേ പി​രി​യുന്നതാണ് ച​ന്ത. ചൂ​ട്ട​റ​വി​ള, തെ​ക്ക​ട​ത്ത് , ഇം​പീ​രി​യൽ ജം​ഗ്​ഷൻ എന്നിവിടങ്ങളിലെ സമീപവാ​സി​കൾ​ക്ക് ഏ​റെ സൗ​ക​ര്യ​പ്രദമാണ്. എന്നാൽ, പു​തി​യ ബൈപ്പാ​സി​ന്റെ അ​യ​ത്തിൽ ​ക​ല്ലു​ന്താ​ഴം ഭാ​ഗ​ത്തി​ന് സ​മാ​ന്ത​ര​മാ​യു​ള്ള ഈ ഇ​ട​റോ​ഡിലൂടെ ബ​സ് സർ​വീ​സില്ല. സാ​ധ​ര​ണ​ക്കാരുടെ ആശ്രയമായി മാറിയ പു​ത്തൻ​ച​ന്ത, എത്രനാൾ ഇങ്ങനെ വ​ഴി​വ​ക്കിൽ പ്രവർത്തിക്കുമെന്നത് വലിയൊരു ചോദ്യചിഹ്നമായി ​ നാ​ട്ടു​കാ​രു​ടെ മുന്നിൽ അവശേഷിക്കുന്നുണ്ട്.

അ​സൗ​ക​ര്യ​ങ്ങ​ൾക്ക് ന​ടു​വി​ലാണെങ്കിലും, ച​ന്ത​യും പ​രി​സ​രം വൃ​ത്തി​യാ​യും വെ​ടി​പ്പാ​യും സൂ​ക്ഷി​ക്കു​ന്ന​തിൽ ക​ച്ച​വ​ട​ക്കാർ പ്ര​ത്യേ​ക താ​ല്​പ​ര്യമെടുക്കുന്നത് കാരണം 'പ്രാ​ദേ​ശി​ക സൗ​ഹൃ​ദ ' മാ​യാ​ണ് പ്ര​വർ​ത്ത​നം.

..................................................................................................................................................

പു​ത്തൻ​ച​ന്തയുടെ വി​ക​സ​ന​വും ന​വീ​ക​ര​ണ​വും ആ​ലോ​ച​ന​യി​ലു​ണ്ടെ​ങ്കി​ലും സ്ഥ​ലപ​രി​മി​തി​യാ​ണ് ത​ട​സം. അ​ടു​ത്ത പ്ര​ദേ​ശ​ങ്ങ​ളിൽ സ്വ​കാ​ര്യമാർ​ക്ക​റ്റു​കളുള്ളതാണ് മ​റ്റൊ​രു പ്ര​ശ്‌​നം. എ​ങ്കി​ലും പ​ഴ​യ കാ​ല​ത്തെ ഒ​രു ച​ന്ത എ​ന്ന നാ​ടി​ന്റെ വി​കാ​രം ഉൾ​ക്കൊണ്ട് പു​ത്തൻ​ച​ന്ത​യു​ടെ അ​ടി​സ്ഥാ​ന സൗ​ക​ര്യ വി​ക​സ​ന​ത്തി​ന് പ​ര​മാ​വ​ധി ഇടപെടും.

എ.നൗഷാദ്, കൗൺ​സി​ലർ

കിളികൊല്ലൂർ ഡിവിഷൻ