പയ്യന്നൂർ : തൊഴിലും കൂലിയും ഉറപ്പ് വരുത്തുക, കുടിശ്ശികയായ മിനിമം കൂലിയും പ്രൊഡക്ഷൻ ഇൻസെന്റീവും , ക്ഷേമനിധി ആനുകുല്യങ്ങളും വിതരണം ചെയ്യുക തുടങ്ങിയ ആവശ്യങ്ങൾ ഉന്നയിച്ച് കേരള സ്റ്റേറ്റ് നാഷണൽ ഖാദി ലേബർ യൂണിയന്റെ ( ഐ.എൻ.ടി.യു.സി.) നേതൃത്വത്തിൽ 22 മുതൽ ഖാദി തൊഴിലാളികൾ ആരംഭിക്കുന്ന അനിശ്ചിത കാല സമരത്തിന്റെ മുന്നോടിയായി പയ്യന്നൂർ ഖാദി കേന്ദ്രത്തിന് മുൻപിൽ സൂചന സത്യഗ്രഹം നടത്തി.

മുൻ എം.എൽ.എ ,കെ.പി.കുഞ്ഞിക്കണ്ണന്റെ അദ്ധ്യക്ഷതയിൽ കെ.പി.സി.സി. ജനറൽ സെക്രട്ടറി അഡ്വ: സോണി സെബാസ്റ്റ്യൻ ഉദ്ഘാടനം ചെയ്തു. യൂണിയൻ സ്റ്റേറ്റ് സെക്രട്ടറി എൻ.ഗംഗാധരൻ , ടി.ജനാർദ്ദനൻ , ടി.വി.കുഞ്ഞിരാമൻ , വി.സി നാരായണൻ, കെ.കെ.ഫൽഗുനൻ , ഇ.എൻ.പത്മാവതി , ചന്തുക്കുട്ടി ,പി.വി. സുകുമാരൻ ,കെ.വി.ഭാസ്‌കരൻ , ഇ.പി.ബാലകൃഷണൻ , വി.കെ.ഉഷ, കെ.വി.ബിന്ദു പ്രസംഗിച്ചു.