കണ്ണൂർ:കീറിയ റോഡുകളുടെ റിപ്പയർ പ്രവൃത്തി നേരത്തേ നിശ്ചയിച്ച പ്രകാരമാണ് നടക്കുന്നതെന്ന് മേയർ അഡ്വ.ടി.ഒ.മോഹനൻ പറഞ്ഞു. പോസ്റ്റ് ഓഫീസ് - പാറക്കണ്ടി റോഡ് ടാറിംഗ് ഇന്നലെ പൂർത്തിയായി.കുഴിക്കുന്ന് -താളിക്കാവ് റോഡിന്റെ ടാറിംഗ് പ്രവൃത്തി തുടങ്ങി.കവിതാ തീയേറ്റർ മുനീശ്വരൻ കോവിൽ റോഡ് പണി നാളെ ആരംഭിക്കും. പോസ്റ്റ് ഓഫീസ് റോഡ്, ഗേൾസ് സ്കൂൾ എസ്.എൻ പാർക്ക് റോഡ് ടാറിംഗ്, ഗോഖലെ റോഡ് ഇന്റർലോക്ക് എന്നിവ നേരത്തേ പൂർത്തിയാക്കി. ഈ സാഹചര്യത്തിൽ കോർപറേഷനെതിരെ സമരവുമായി എൽ.ഡി.എഫ് രംഗത്ത് വരുന്നത് അപഹാസ്യമാണെന്നും മേയർ കുറ്റപ്പെടുത്തി.
ഓഫീസിലേക്ക് കയറാനെത്തിയ ജീവനക്കാർക്ക് സംരക്ഷണമൊരുക്കാത്ത പൊലീസ് നടപടിയേയും മേയർ വിമർശിച്ചു. സമരക്കാർ ജീവനക്കാരെ തടഞ്ഞപ്പോൾ പൊലീസ് കൈയും കെട്ടി നോക്കിനിന്നു.ആവശ്യമായ സംരക്ഷണം നൽകണമെന്ന് സിറ്റി പൊലീസ് കമ്മീഷണറോട് ഫോണിലൂടെയും രേഖാമൂലവും ആവശ്യപ്പെട്ടിട്ടും ഇതാണ് അവസ്ഥയെന്നും മേയർ കുറ്റപ്പെടുത്തി.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |