ഒരു ജോലിക്കുവേണ്ടി കൊതിക്കുന്നവർക്ക് ഇത് ബെസ്‌റ്റ് ടൈം; ധനം സമ്പാദിക്കാനും വഴികൾ തെളിയും

റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ -മെയിൽ : samkhiyarathnam@gmail.com

2023 മാർച്ച് 29 1197 മീനം 15 ബുധനാഴ്ച .

(രാത്രി 8 മണി 6 മിനിറ്റ് 23 സെക്കന്റ് വരെ തിരുവാതിര നക്ഷത്രം ശേഷം പുണർതം നക്ഷത്രം)

അശ്വതി: തൊഴിൽ രംഗത്ത് നിന്നും ആനുകൂല്ല്യം, ദാമ്പത്യം സുഖപ്രദം, വാഹനം കൈകാര്യം ചെയ്യുന്നവർ പ്രത്യേകം ശ്രദ്ധിക്കണം.

ഭരണി: സംഗതികൾ നേടിയെടുക്കാൻ എന്ത് മാർഗ്ഗവും സ്വീകരിക്കും, വീടു വിട്ടുപോകേണ്ട അവസ്ഥ വരും.

കാർത്തിക: വീടിനും വാഹനത്തിനും കേടുപാടുകൾ സംഭവിക്കാനിടയുണ്ട്, ധനനാശം വരാം, മേലധികാരികളിൽ നിന്ന് എതിർപ്പും അസംതൃപ്തിയും.

രോഹിണി: അപകടങ്ങൾ, ജോലിയിൽ കൃത്രിമം കാണിയ്ക്കുക വഴി നിയമപരമായി ബുദ്ധിമുട്ടുകൾ അനുഭവപ്പെടാം, വാഹനം ഉപയോഗിക്കുന്നവർ കരുതലോടെ ഉപയോഗിക്കുക.

മകയിരം: മറ്റുള്ളവരിൽ നിന്നും ക്ലേശകരമായ അനുഭവങ്ങൾ വരാം, അയൽക്കാരുമായി കലഹിക്കാനിടവരും, വരവിനേക്കാൾ ചെലവ് അധികരിച്ചു നിൽക്കും.

തിരുവാതിര: സുഖകരമായ കുടുംബജീവിതം നയിക്കും, മതപരമായ ചടങ്ങുകളിൽ പങ്കെടുക്കും, ശത്രുക്കൾ നിഷ്പ്രഭരാകും, പുതിയ ഉദ്യമങ്ങളിൽ വിജയം കൈവരിക്കും.

പുണർതം: യാത്ര കൊണ്ട് ഗുണം കിട്ടും, കുടുംബത്തിൽ മംഗള കർമ്മങ്ങൾ നടക്കാനിടവരും, വിദേശ ജോലിക്ക് സാധ്യത തെളിയും, പൊതുരംഗത്ത് അംഗീകാരം.

പൂയം: സൗമ്യമായ സമീപനം ദാമ്പത്യ ക്ലേശങ്ങൾ ഒഴിവാക്കാൻ സഹായിക്കും, ബുദ്ധിപരമായി കാര്യങ്ങൾ നീക്കും, പുതിയ കൂട്ടുകെട്ടുകൾ മൂലം ജീവിതത്തിന് മാറ്റം.

ആയില്യം: കൃഷി, നാൽക്കാലി എന്നിവ മഖേനെ സാമ്പത്തീക നേട്ടം. ബന്ധു ഗുണം, കുടുംബ സമേതം ഉല്ലാസയാത്രകൾ നടത്തും, കീർത്തി നേടും, മാധ്യമ പ്രവർത്തനങ്ങളിൽ ശോഭിക്കും.

മകം: ജോലി മാറ്റത്തിൽ സന്തോഷിക്കും, ജീവിത പങ്കാളിയിൽ നിന്നും ഉറച്ച പിന്തുണ, സർക്കാർ അംഗീകാരം ലഭിക്കും, നിയമ നടപടികളിൽ അനുകൂല വിധിയാകും.

പൂരം: ജോലി തെടുന്നവർക്ക് അനുകൂല അറിയിപ്പ് ലഭിക്കും, രാഷ്ട്രീയ രംഗത്ത് പ്രവർത്തിക്കുന്നവർക്ക് സ്ഥാനമാനങ്ങൾ ലഭിക്കും, യാത്രയിൽ നേട്ടങ്ങൾ.

ഉത്രം: വിദ്യാഗുണം,താൽക്കാലിക ജോലി സ്ഥിരപ്പെടുത്താൻ മേലദ്യോഗസ്ഥർ സഹായിക്കും, ശത്രുക്കൾ മിത്രങ്ങൾ ആകും, ഉണ്ടായിരുന്ന പ്രയാസങ്ങൾ മാറും.

അത്തം: സാഹിത്യ കാരന്മാർക്ക് പുതിയ അവസരങ്ങളോ ? പുതിയ രചനയോ ? സംജാതമാകും, ഏറെക്കാലമായി അകന്നു കഴിഞ്ഞിരുന്ന ദമ്പതികൾ ഒന്നിക്കും.

ചിത്തിര: സ്ത്രീകൾക്ക് ആഭരണ വസ്ത്രാദിലാഭം, അന്യവ്യക്തിയുടെ സഹായത്താൽ കാര്യങ്ങൾ ശരിയാക്കും, പൊതുരംഗത്ത് പ്രവർത്തിക്കുന്നവർക്ക് പ്രശസ്തി വർദ്ധിക്കും.

ചോതി: വരവ് അധികരിക്കും, വീടുപണിയാരംഭിക്കുകയോ അറ്റകുറ്റപണികൾ നടത്തുകയോ ചെയ്യും, സ്വന്തം കഴിവിലുള്ള വിശ്വാസം ഉയർച്ച നേടിത്തരും, പഠനത്തിൽ കൂടുതൽ മികവ് വച്ച് പുലർത്തും.

വിശാഖം: ശത്രുക്കൾ വർദ്ധിക്കും, ജോലി തെടുന്നവർക്ക് അനുകൂല അറിയിപ്പ് ലഭിക്കും, അപകട ദുരിതങ്ങൾക്കിടയുള്ളതിനാൽ പ്രത്യേകം ശ്രദ്ധിക്കണം, അന്തസ്സ് കൈവിടില്ല.

അനിഴം: മാറ്റി വച്ചിരുന്ന പല കാര്യങ്ങളിലും ശക്തമായ തീരുമാനമെടുക്കും, ശ്രദ്ധകുറയും, കാർഷിക രംഗത്ത് വർത്തിക്കുന്നവർ കരുതലോടെ നീങ്ങുക, വാശി മാത്സരബുദ്ധി എന്നിവ ഉപേക്ഷിക്കണം.

കേട്ട: അനാവശ്യ യാത്രകൾ കഴിവതും ഒഴിവാക്കുക, ബന്ധുക്കൾക്ക് രോഗദുരിതങ്ങൾ ഉണ്ടാകും, എല്ലാകാര്യത്തിലും ആത്മനിയന്ത്രണം പാലിക്കണം, സ്വദേശം വിട്ടു താമസിക്കാൻ താൽപര്യം കാണിക്കും.

മൂലം: വ്യവഹാരങ്ങളിൽ പ്രയാസങ്ങൾ ഉണ്ടാകും, ഉദ്യോഗത്തിൽ തിരിച്ചടികൾ, സ്ത്രീകൾ മൂലം മാനഹാനി സംഭവിക്കും, എല്ലാതരത്തിലും ഉള്ള ലഹരിയിൽ നിന്നൊഴിഞ്ഞു നിൽക്കണം.

പൂരാടം: രഹസ്യങ്ങൾ മറ്റുള്ളവരും ആയിപങ്കിടരുത്, അന്യർ ചെയ്ത കുറ്റം ഏൽക്കേണ്ടി വരും, കുടുംബ സമാധാനം നശിപ്പിക്കുന്ന രീതിയിലുള്ള പ്രവർത്തനങ്ങൾ ഒഴിവാക്കണം.

ഉത്രാടം: പൊതുരംഗത്ത് പ്രവർത്തിക്കുന്നവർക്ക് നേരിയ തോതിൽ മനപ്രയാസം ഉണ്ടാകാം, എല്ലാ കാര്യങ്ങൾക്കും തടസ്സം അനുഭവപ്പെടും, വിദ്യാതടസ്സം.

തിരുവോണം: ഒരുമയോടെ പ്രവർത്തിക്കാൻ ദമ്പതികൾക്ക് കഴിയും, ശത്രു ജയം,പ്രണയ കാര്യങ്ങിളിൽ സന്തോഷം,കർമ്മരംഗം ഉഷാറാകും, സന്താനങ്ങൾക്ക് ജോലി ലഭ്യത.

അവിട്ടം: സുഖാനുഭവങ്ങൾ ഉണ്ടാകും, ബന്ധുബലം വർദ്ധിക്കും, ബസിനസ്സിൽ ധനവർദ്ധനവ്, സുഹൃത്തുക്കളുടെ തെറ്റിദ്ധാരണ മാറി രമ്യതയിൽ ആകും.

ചതയം:ദാമ്പത്യ സുഖം, ആഗ്രഹങ്ങൾ സഫലമാകും, തൊഴിൽ മേഖലയിൽ നിന്നും നേട്ടം, വ്യവഹാരവിജയം, കുടുംബത്തിന്റെ സ്വസ്ഥതയും സമാധാനവും തിരിച്ചു പിടിക്കാൻ സാധിക്കും.

പൂരുരുട്ടാതി: ഗൃഹനിർമ്മാണത്തിന് പണം മുടക്കും, വാഹനം പരിഷ്‌ക്കരിക്കും, മകളുടെ വിവാഹം നടത്താൻ പുതിയ അവസരങ്ങളും സാധ്യതകളും കാണുന്നുണ്ട്.

ഉതൃട്ടാതി:മാനസികവും ശാരീരികവുമായി ഗുണപ്രദം ആയിരിക്കും, കല്യാണാലോചനകൾ വീണ്ടും സജീവമാകും, കുടുംബത്തിൽ സുഖവും സമാധാനവും നിറഞ്ഞ അന്തരീക്ഷം ഉണ്ടാകും.

രേവതി: ധനസമ്പാദനത്തിനുള്ള അവസരങ്ങൾ ലഭിക്കും, ചാരിറ്റി പ്രവർത്തനങ്ങൾക്ക് നേതൃത്വം വഹിക്കും, സഹോദരങ്ങൾ തമ്മിൽ രമ്യതയിൽ ആകും, ഉന്നതരുടെ സഹായ സഹകരണങ്ങൾ ലഭിക്കും.